2 Samuel 1:12 - Chayahuita (Shahui)

¹² Saono, huiꞌninë chachin chiminpiso marëꞌ oshaapona pochin naꞌnërápi. Israiro sontaroꞌsanta canapisoꞌ yonquiatona napopi: “Israiro sontaroꞌsasoꞌ, Sinioro sontaronënpita nipirinahuëꞌ, canapi,” taꞌtonaꞌ, naꞌnëpi. Inapoatona iꞌhuaraya huarëꞌ coshatopi.

2 Samuel 1:12 ပူးပေါင်းရင်းမြစ်များ

Proverbios 24:17

Inimiconën maꞌsha onpohuachin: “Ma noyacha naporin paya,” ama tëquësohuëꞌ. Maꞌsha opohuachin, ama ina marëꞌ capa cancantëquësohuëꞌ.

Jeremías 9:1

Maꞌcha inotëro parti yaꞌhuëcaꞌhuaso marëꞌ pëi yaꞌhuëtërincohuë paya. Inaquë paꞌsahuato yaꞌhuëꞌitohuëꞌ. Israiroꞌsasoꞌ quëmopinëhuëpita nipirinhuëꞌ, pachitohuëꞌ. Yaꞌipiya quëran inahuasoꞌ, co Yosëíchin cancantopihuëꞌ. Nonpintahuatona patopi. Inapitasoꞌ quëmopinëhuëpita nipirinahuëꞌ, naꞌcon taquiapi niꞌton, tahuëri tashirë chachin naꞌnëi, topirahuë. ¡Iꞌsha paꞌirinsoꞌ, huinan, inapita pochin yaꞌpiratërahuë naporini, noya noya niitonhuëꞌ!

Amós 6:6

Huino oꞌotoma noꞌpiráramaꞌ. Noya noya huaꞌsaiꞌ pashiramaꞌ. Canpitaso taꞌhuantochináchin nisapiramahuëꞌ: “Maꞌta pini,” toconamaꞌ.

Mateo 5:44

Nipirinhuëꞌ carimaꞌ shaꞌhuichinquëmaꞌ. Inimiconëmapitantaꞌ iyaroꞌsaꞌ, nosorocoꞌ. Aparisitopirinënquëmaontaꞌ, nosorocasoꞌ yaꞌhuërin. Inapita marëntaꞌ noya Yosë nontocoꞌ inahuantaꞌ catahuain.

2 Corintios 11:29

Aꞌnaquën co chiníquën cancantohuachinahuëꞌ, cantaꞌ ina pochin ninatanahuë. Aꞌna piyapi anishacancantohuachinquëmara, nosororanquëmaꞌ niꞌton, ina noꞌhuirë pochin cancantërahuë.

1 Pedro 3:8

Yaꞌipinquëmaꞌ noya niniꞌtomaꞌ, yaꞌhuëcoꞌ. Aꞌnaquën sëtohuachinaꞌ, noya nontocoꞌ ama aquëtëꞌ sëchinasohuëꞌ. Noya cancantohuachinaꞌ, canpitantaꞌ noya cancantocoꞌ. Imaramaso capini ninosorocoꞌ. Ninosoroatomaꞌ iyaroꞌsaꞌ nicatahuacoꞌ. Ama ninocancosohuëꞌ. Canpitantaꞌ imoyaroꞌsaꞌ, noya ninontocoꞌ.

1 Samuel 31:13

Inapotahuatonaꞌ, nara tashinantërinsoanaquë nansëna paꞌpitopi. Inapotatona canchisë tahuëri co coshataponaraihuëꞌ, sëtopiso nanipi.

1 Samuel 31:6

Ina pochin naporo tahuëri Saono huiꞌninpitarë chachin chiminin. Catahuacaso marëꞌ acorinso sontarontaꞌ, chiminin. Aꞌnapita sontaronënpitanta chiminpi.