2 Reyes 7:6 - Chayahuita (Shahui)

⁶ Sinioro nohuanton Siria sontaroꞌsasoꞌ, notohuaroꞌ sontaroꞌsa toronanoꞌsaquë, cahuarioroꞌsaquë, inaquëpita huëꞌsapiso pochin natanpi. Ina natanatonaꞌ: “Israiro copirnosoꞌ, Iquipito copirno, Iti copirno, inapita copirnoroꞌsa sontaronënpitarë chachin pahuërërin. Napoaton inapita ahuëaponpoa huëcapaiarinënpoaꞌ,” topi.

2 Reyes 7:6 ပူးပေါင်းရင်းမြစ်များ

2 Samuel 5:24

Ina nararoꞌsa huiꞌnimotënquë piyapiꞌsa iratërinso pochin natanaramaꞌ. Ina natanpatamaꞌ, ahuëtocoꞌ. Cá chachin quëchitato huiristinoꞌsa tiquiarahuë. Ina nitotamaso marëꞌ ina pochin natanaramaꞌ, itërin.

2 Reyes 19:7

Ca nohuanton nanan natantarin. Ina natanaton, yaꞌhuërinquë paantarin. Inaquë nipachina, tëpapona huachi,’ tënin Sinioro,” itërin.

2 Reyes 7:5

Ninapotatonaꞌ, siriaroꞌsa yaꞌhuëapiquë yatashirahuaso paꞌsapi. Yaꞌcariconpachinara tanahuantápi quënanconpi.

Salmos 14:5

Inahuasoꞌ, paꞌyanatona ropataponaꞌ. Canpoaso nipirinhuëꞌ, ina imarëhua niꞌton, catahuararinpoaꞌ.

Isaías 31:1

Iquipitoroꞌsari catahuacaiso marëꞌ paapapisopita, ¡maꞌhuántacha nisapi paya! “Cahuarioroꞌsaꞌ, naꞌa sontaroꞌsa toronanquë paꞌpisopita, notohuaroꞌ cahuarioquë paꞌpisopita sontaroꞌsaꞌ, inapita catahuaponacoi,” topisopitantaꞌ, ¡maꞌhuantacha nisapi paya! Co Siniorori catahuacaiso ninapihuëꞌ. Inasoꞌ noyasáchin ninin niꞌton, Israirori chinotërin. Napoaponahuëꞌ, co ina nontopihuëꞌ. Ina marëꞌ ¡maꞌhuantacha nisapi paya!

Ezequiel 1:24

Paꞌpachinara anpiantëna quëran tënëntopisonta natanahuë. Naꞌpihuanquë pamatohuachina, tënëntërinso pochin irinin. Yosë yaꞌipi nanitaparinso nonpachina, yaꞌcaninso pochin natanahuë. Naporahuaton panca sontaroꞌsa huënton paꞌpachinara, tënëntërinso pochin natanahuë. Chiniconpachinara, anpiantëna aꞌpamapi.

Apocalipsis 9:9

Shaꞌhuëtëontaꞌ tachiton. Huaꞌna pochin niꞌton, co ohuanchináchinhuëꞌ. Paꞌpachinara, anpiantëna quëran chiníquën tënëntërapi. Quira toronanoꞌsaꞌ cahuarioroꞌsari ohuararinso pochin tënëntapi.

Jueces 7:21

Naporahuatonaꞌ, inahuaso inaquëranchin quëparitopi. Yaꞌhuërëꞌ matianoꞌsasoꞌ naní quëran, yaitërëꞌnachin taꞌarapi. Napoasoi cara pasa Israiro sontaroꞌsasoꞌ, carniro pomonëna pihuirápi. Naporoꞌ Sinioro nohuanton co taꞌapisopitasohuëꞌ, inahuara capini niahuërapi. Aꞌnaquënsoꞌ, pëꞌnatë parti taꞌapi. Aꞌnaquëontaꞌ, Piti-sita ninanoquë huarëꞌ canconpi. Inaso ninanoꞌ, Sirira ninanoquë ira paꞌninso parti yaꞌhuërin. Yaꞌhuërëꞌ aꞌnapitasoꞌ, Apiri-miora ninano noꞌpaꞌ maninquë huarëꞌ taꞌapi. Ina pirayan Tapata ninanonta yaꞌhuërin.

1 Samuel 14:15

Yaꞌipi huiristinoꞌsa yaꞌhuëapiquë panca paꞌyanpi. Aꞌnapita huëntonoꞌsa ahuëtacaiso marëꞌ paꞌpisopitanta napopi. Naporo chachin noꞌpanta nacontarin. Inapotaton Yosëri huiristinoꞌsa aꞌpayamiatërin.