2 Reyes 7:16 - Chayahuita (Shahui)

^16-18 Ina natanahuatonaꞌ, siriaroꞌsa yaꞌhuëapiquë paꞌpi. Yaꞌipiya quëran paꞌsahuatona maꞌsha mamiatopi. Napoaton Siniorori Irisio quëran shaꞌhuirinso chachin cara quiro tricoroꞌmo, sipataroꞌmonta saota quiro, nipirinhuëꞌ, aꞌnaíchin coriqui prata quëran nininquë nipaꞌantopi. Samaria ninano yaꞌcoanaquë napopi. Copirnosoꞌ, catahuarinsoꞌ huaꞌan ninano yaꞌcoana aꞌpaicaso marëꞌ acorin. Acopirinhuëꞌ, huaꞌhuayátërahuë piyapiꞌsa pipitona yaꞌtaatopi. Inapotatona toꞌpi toꞌpitopi niꞌton, chiminin. Irisiori shaꞌhuitërinso chachin nitopi.

2 Reyes 7:16 ပူးပေါင်းရင်းမြစ်များ

2 Reyes 7:1

Napotiihuachina, Irisiori itapon: —Sinioro naporinso shaꞌhuichinquën natanquëꞌ: “Tashiraya ipora pochin co huachi cosharo paꞌtarinhuëꞌ. Cara quiro tricoroꞌmo, sipataroꞌmonta saota quiro nipirinhuëꞌ, aꞌnaíchin coriqui prata quëran nininsoꞌ paꞌtapon. Iso ninano yaꞌcoanaquë ina nápo marëꞌ nipaꞌantaramaꞌ,” tënin, itërin.

2 Reyes 7:15

Inapitasoꞌ paꞌsahuatonaꞌ, cortaniiꞌpaꞌ huarëꞌ taꞌapiso imapi. Yaꞌipi ira nani chachin nëꞌmëtë, maꞌsha, inapita otapisoꞌ niraapi. Ina quëran huënantarahuatonaꞌ, niꞌpiso copirno shaꞌhuitiintapi.

Isaías 33:1

Aꞌnaquëmasoꞌ, piyapiꞌsa ahuëatoma ataꞌhuantëramaꞌ. Aꞌnaquëmantaꞌ, nonpintatoma maꞌsha onpotëramaꞌ. Aꞌnapita inapotopiramahuëꞌ, co canpitaso inapotërinënquëmahuëꞌ. Ataꞌhuantërama piquëran, canpitanta ataꞌhuantaponënquëmaꞌ. Nonpintatoma piyapiꞌsa maꞌsha onpotërama piquëran, canpitanta inapotaponënquëmaꞌ.

Isaías 33:4

Sëquërëꞌ paꞌpachina chitoro tashirotërinso pochin paꞌnin. Ina pochachin inimiconënapitanta yaꞌcontatonaꞌ, maꞌshanënapita paꞌton nininsoꞌ osërëtaponaꞌ.

Isaías 44:26

Piyapinëhuëpita maꞌsona onpocaisoꞌ shaꞌhuipisopitaso nipirinhuëꞌ, ca nohuanton naniarin. Maꞌsona yonquipisontaꞌ, ca nohuanton nanipon. Quirosarinquë yaꞌhuëantacaisoꞌ, carima shaꞌhuitaranquëmaꞌ. Cota huënton ninanoroꞌsantaꞌ, nashaquëranchin acoantaponaꞌ. Inapitasoꞌ ataꞌhuantopirinahuëꞌ, naquëranchin acoantaponaꞌ.

Números 23:19

Yosëso co canpoa pochinhuëꞌ. Co nisha nisha nonaton nonpininhuëꞌ. Maꞌsona topachina, inachachin nisarin. Catahuatacaso shaꞌhuihuachina, catahuatërin.

Mateo 24:35

Isoroꞌpaꞌ taꞌhuantarin. Piꞌiroꞌtëntaꞌ taꞌhuantarin. Ca nanamëhuëso nipirinhuëꞌ co onporontaꞌ taꞌhuantarinhuëꞌ. Noꞌtëquën nonahuë niꞌton, yaꞌipi shaꞌhuitëranquëmaso chachin naniarin huachi.

1 Samuel 17:53

Inapita ahuëcaiso marëꞌ imapi quëran, israiroꞌsaso huënantapi. Huënantarahuatona huiristinoꞌsa yaꞌhuëquipiquë maꞌsha mamiatopi.