2 Reyes 7:1 - Chayahuita (Shahui)

¹ Napotiihuachina, Irisiori itapon: —Sinioro naporinso shaꞌhuichinquën natanquëꞌ: “Tashiraya ipora pochin co huachi cosharo paꞌtarinhuëꞌ. Cara quiro tricoroꞌmo, sipataroꞌmonta saota quiro nipirinhuëꞌ, aꞌnaíchin coriqui prata quëran nininsoꞌ paꞌtapon. Iso ninano yaꞌcoanaquë ina nápo marëꞌ nipaꞌantaramaꞌ,” tënin, itërin.

2 Reyes 7:1 ပူးပေါင်းရင်းမြစ်များ

1 Reyes 22:19

Ina quëran Micaiasësoꞌ, taantapon: —Naporanso marëꞌ Sinioro aꞌnotërincoso shaꞌhuichinquën natanquëꞌ: Sinioro huaꞌanëntacaso shiranënquë huënsëarin niꞌnahuë. Sontaronënpitantaꞌ, ina yaꞌcari huaniápopi. Inchinan quëran, ahuënan quëran huaniápopi.

2 Reyes 6:25

Inapotopi niꞌton, co huachi cosharo macacaiso nanitopihuëꞌ. Napoaton inanaquësoꞌ, co manta capacaiso yaꞌhuërinhuëꞌ. Inapopi niꞌton, mora motoꞌ tëranta paꞌpi paꞌton. Posa shonca coriqui prata quëran nininsoꞌ paꞌtërin. Nëpë chiꞌchirinso tërantaꞌ, patoma quiro patomaíchin nipirinhuëꞌ, aꞌnatërápo coriqui prata quëran nininsoꞌ paꞌtërin.

2 Reyes 6:33

Itaso chachin comisionꞌton, canquirin. Ina piquëran copirno chachinta canquirahuaton Irisio itapon: —Sinioro nohuanton poꞌsarëhua niꞌquëhuarëꞌ, co huachi catahuainpoaso ninacaso yaꞌhuërinhuëꞌ, itiirin.

2 Reyes 7:16

Ina natanahuatonaꞌ, siriaroꞌsa yaꞌhuëapiquë paꞌpi. Yaꞌipiya quëran paꞌsahuatona maꞌsha mamiatopi. Napoaton Siniorori Irisio quëran shaꞌhuirinso chachin cara quiro tricoroꞌmo, sipataroꞌmonta saota quiro, nipirinhuëꞌ, aꞌnaíchin coriqui prata quëran nininquë nipaꞌantopi. Samaria ninano yaꞌcoanaquë napopi. Copirnosoꞌ, catahuarinsoꞌ huaꞌan ninano yaꞌcoana aꞌpaicaso marëꞌ acorin. Acopirinhuëꞌ, huaꞌhuayátërahuë piyapiꞌsa pipitona yaꞌtaatopi. Inapotatona toꞌpi toꞌpitopi niꞌton, chiminin. Irisiori shaꞌhuitërinso chachin nitopi.

Salmos 46:5

Yosë chachin inaquë yaꞌhuërin niꞌton, co incari tëranta minsëarinhuëꞌ. Tahuëririahuachina Siniorori catahuararin.

Éxodo 14:13

Napotopirinahuëꞌ, Moisësëriso itapon: —¡Ama paꞌyancosohuëꞌ! ¡Chiníquën cancantocoꞌ! Sinioro chachin nichaꞌërinpoasoꞌ, ipora niꞌsaramaꞌ. Inari canpita yaꞌhuërënamën ahuëtaton, iquipitoroꞌsa minsëarin. Napoaton co huachi onporo tëranta inapita quënanaramahuëꞌ, itërin.

Éxodo 16:12

—Israiroꞌsa pinorinacosoꞌ nani natanahuë. Napoaton shaꞌhuitëquëꞌ: “Sinioro napotërinpoaꞌ: ‘Iꞌhuanahuanquë nosha caꞌsaramaꞌ, tashiramiachintaꞌ, cosharo yaꞌhuapon. Natëaquë huarëꞌ coshataramaꞌ. Inapotohuatënquëmaꞌ, ca Sinioroco ninahuësoꞌ nitotarama huachi, tënin,’ itëquëꞌ,” itërin.

Isaías 1:10

Quirosarin huaꞌanoꞌsanquëmaꞌ. Canpitasoꞌ sotomaroꞌsa huaꞌanëna pochin niconamaꞌ. Comoraroꞌsa pochin nipiramahuëꞌ, Sinioro pënëntërinsoꞌ noya natanco: “Ama huachi maꞌsharoꞌsa ca marëꞌ quëcosohuëꞌ. Naꞌa carniroroꞌsa oshanëma marëꞌ yaꞌipi ahuiquitaramaꞌ. Toroaꞌhuaroꞌsanta tomaquën ahuiquitaramaꞌ. Tororoꞌsaꞌ, ohuicaroꞌsaꞌ, chiporoꞌsaꞌ, inapita huënainënantaꞌ, co huachi noya niꞌnahuëꞌ.

Ezequiel 37:4

Napotohuatora, Sinioro itaantarinco: “Carinquën nanan quëtaranquën iso nansëroꞌsa nontaton: ‘Yaniransëroꞌsanquëmaꞌ. Sinioro naporinso natancoꞌ: “Ca nohuanton nanpiantamaso yaꞌhuëtarinquëma niꞌton, nanpiantaramaꞌ.

Juan 6:9

—Isëquë aꞌna quëmapiaꞌhua yaꞌhuërin. Aꞌnatërapoíchin pan nisahuaton, catoyachin sami yaꞌhuëtërin. Inaíchin nipirinhuëꞌ, ¿iso nápoꞌ piyapi taꞌmaꞌ nanitërëꞌpoya? itërin.

Josué 3:5

Ina quëran Cosoirinta itapon: “Iporasoꞌ Sinioro camaitërinsoꞌ nicatoma nitapacoꞌ. Tashiraya inasoꞌ, catahuainpoaso marëꞌ chini chiníquën nanantërinso aꞌnotarinpoaꞌ,” itërin.

Apocalipsis 6:6

Naporoꞌ catapini maꞌsharoꞌsaꞌ huancánachin, noninsoꞌ natanahuë: —Yaꞌipi cosharoꞌ naꞌcon paꞌtarin. Aꞌna tahuëriraꞌ iꞌhuaquë huarëꞌ sacatopirinahuëꞌ, aꞌna quiroichin trico paꞌanapi. Inapochachin aꞌna cosharontaꞌ pahuanarin. Sipatasoꞌ trico pochin niponahuëꞌ, co ina pochin paꞌtopirinhuëꞌ, inantaꞌ paꞌtarin. Aꞌna tahuëriraꞌ iꞌhuaquë huarëꞌ sacatopirinahuëꞌ, cara quiroichin paꞌanapi. Tomaꞌ, huino, inapitantaꞌ pahuanarin. Niꞌcona chiniatamaꞌ, tënin.

1 Samuel 11:9

Ina quëran Capisë comisionoꞌsa itapon: —Yaꞌhuëramaquë paantatoma shaꞌhuiconcoꞌ: “Tashiraya camotëchin nisahuasoꞌ paꞌpoyaranquëmaꞌ,” tënin Saono, itoncoꞌ, itërin. Napotohuachina, inahuaso Capisiquë yaꞌhuëpisopita inachachin shaꞌhuitonpi. Ina natanahuatonaꞌ, capa cancantopi.

1 Samuel 15:1

Aꞌna tahuëri Samoirori Saono itapon: —Israiroꞌsasoꞌ Sinioro piyapinënpita. Ina aꞌparinco niꞌton, inapita huaꞌanëntamaso marëꞌ acoranquën. Iporasoꞌ maꞌsona ina nohuantërinsoꞌ shaꞌhuitaranquën natëcaso marëꞌ.