2 Reyes 6:2 - Chayahuita (Shahui)

² Cortaniiꞌ yonsanꞌpaꞌ paꞌsahuatoi, inaquë huachi pëicaꞌhuaiso marëꞌ nara mai, topiraihuëꞌ, itopi. —Noyapaꞌ. Paco nipachin, itërin Irisiori.

2 Reyes 6:2 ပူးပေါင်းရင်းမြစ်များ

2 Reyes 6:1

Aꞌna tahuëri pënëntonaꞌpiroꞌsari Irisio itaponaꞌ: —Canpoasoꞌ, naꞌaquënpoa yaꞌhuërëhuaꞌ. Napoaton pëi yaꞌhuëtërëhuasoꞌ, co nanirëhuahuëꞌ.

2 Reyes 6:3

Napoaponahuëꞌ, aꞌnari itapon: —Paꞌa quëmanta caꞌtancoi topirahuë, itërin. —Noyapaꞌ. Paꞌi nipachin, tënin inantaꞌ.

Juan 21:3

—Riti tëꞌyatapo paꞌsarahuë, itërincoi Simon Pitro. —Paꞌsarai quiyantaꞌ, itërai. Potiquë yaꞌconconahuatoi, paꞌnai. Paꞌpiraihuëꞌ, yaꞌipi tashiꞌ riti tëꞌyatopiraihuëꞌ, co mantaꞌ manaihuëꞌ.

Hechos 18:3

Paonosoꞌ nëꞌmëtëꞌ pëiroꞌsaꞌ ninaꞌpi. Aquirontaꞌ inaquë chachin sacatërin niꞌton, inaquë yacapatërin nicatahuacaiso marëꞌ.

1 Corintios 9:6

Pirnapirëꞌco aꞌchintarainquëmaꞌ niꞌton, aꞌcamacoisoꞌ yaꞌhuëpirinhuëꞌ. Quiyaora sacatatoi, coshatërai. Maꞌshantaꞌ pahuantohuachincoira, quiyaora paꞌanai. Aꞌnapitasoꞌ topinan maꞌparinënquëmaꞌ.

1 Tesalonicenses 2:9

Canpitataquë yaꞌhuasocoi, chiníquën sacatatoi, aꞌchintërainquëmaꞌ. Tahuërirë chachin tashirë chachin sacatërai ama topinan maꞌsha maꞌpacaꞌhuainquëmaso marëhuëꞌ. Quiyaora sacatonëhuëi quëran coshatërai. Naporahuatoi, Yosë nanamën aꞌchintërainquëmaꞌ. Co ina naniantëramahuëꞌ, tënahuë.

2 Tesalonicenses 3:8

Co aꞌna piyapi cosharonën topinan maꞌparaihuëꞌ. Nani tahuëri chiníquën sacatërai. Tashirë chachin sacatërai ama topinan maꞌpataꞌhuaiso marëhuëꞌ.

1 Timoteo 6:6

Noꞌtëquën Yosë imapatëhuaꞌ, tëhuënchachin canamiatarihuaꞌ. Co naꞌa maꞌsha yaꞌhuëtopirinpoahuëꞌ, sano cancantohuatëhuaꞌ, nóya yaꞌhuarihua huachi.