2 Reyes 6:18 - Chayahuita (Shahui)

^18-19 Siria sontaroꞌsari yaahuërahuachinara, Irisioso Yosë nontërin. Nontaton: “Sinioro, quëma nohuanton isopita somarayainaꞌ,” itërin. Napotohuachina, nataninso chachin Siniorori asomarayarin. Ina quëran pipirahuaton itapon: —Isëquë huëcatomaꞌ, canpitaso chihuëramaꞌ. Quëmapi yonisaramaso yaꞌhuërinquë, carima quëpaꞌinquëmaꞌ, itërin. Napotahuaton Samariaꞌpaꞌ quëparin.

2 Reyes 6:18 ပူးပေါင်းရင်းမြစ်များ

Génesis 19:11

Naporo chachin piyapiroꞌsa aipiran nisapisopita, aꞌnaroáchin asomarayapi huachi. Huiꞌnapiroꞌsa quëran, mashoroꞌsaquë huarëꞌ yaꞌipi somarayapi. Ina nipirinahuë tërantaꞌ, amiai huarëꞌ yaꞌcoana yonípi.

Copo naporinso' 5:14

Huaꞌyantërëso pochin cancantatonaꞌ, tahuëri nipirinhuëꞌ, tashi pochin paꞌsapi. Tashiri noyá iꞌcopitërinso pochin nisapi.

Oseas 1:7

Cota huëntonso napoaponahuëꞌ, nosoroarahuë. Cari chachin inapitasoꞌ, nichaꞌësarahuë. Yosënënaco niꞌto, topinan nichaꞌësarahuë. Co ahuëtatona chaꞌësapihuëꞌ. Sahuëni, pëꞌchinan, cahuarioroꞌsaꞌ, sontaroꞌsa cahuarioquë paꞌpisopita, co inapita nohuantarahuëꞌ,” itaantarin.

Juan 12:40

“Yosëri tananpitërin niꞌton, tanshirëso pochin cancantatonaꞌ, co natëtochináchinhuëꞌ cancantopi. Huaꞌquiꞌ co yanatëpihuëꞌ niꞌton, napotërin. Noya niꞌpi naporini, quënanchitonahuëꞌ. Noya natanpi naporini, natëchitonahuëꞌ. Imarinaco naporini, anoyacancanchitohuëꞌ,” tënin.

Juan 9:39

Napotohuachina, Quisosori itërin: —Isoroꞌpaquë oꞌmarahuë piyapiꞌsaꞌ noꞌtëquën shaꞌhuitaꞌhuaso marëꞌ. Somarayaroꞌsa nipisopita anoyarayatarahuë. Napoaponahuëꞌ: “Quiyaso noya niꞌtërai topisopitasoꞌ, asomarayatë pochin nitarahuë,” itërin.

Hechos 13:11

Apiramiachin Yosë nohuanton, co mantaꞌ quënantaranhuëꞌ. Huaꞌquimiachin co piꞌi quënanaranhuëꞌ, itërin. Napotohuachina, aꞌnaroáchin chitoro pochin niꞌtërin. Somaraya pochin nicaton, co mantaꞌ quënantërinhuëꞌ. Siꞌpinantápirinhuëꞌ, aꞌna piyapi nohuantërin matanparahuaton, quëpacaso marëꞌ.

Romanos 11:7

Napoahuarëꞌ, ¿maꞌtaꞌ nipachin tëcarihuaꞌ? Naꞌa israiroꞌsaꞌ Yosë huëntonënquë yayaꞌconpirinahuëꞌ, co inahuara nanitopihuëꞌ noya cancantacaisoꞌ. Aꞌnaquën huayoninsopitasoꞌ Yosë nohuanton, yaꞌconpi. Aꞌnapitaso nipirinhuëꞌ co natantochináchinhuëꞌ cancantopi.