2 Reyes 6:12 - Chayahuita (Shahui)

¹² Napotohuachina aꞌnari itapon: —Co insonta naporinhuëꞌ. Irisio inaquë yaꞌhuëaton, yaꞌipi quëma naporansoꞌ, Israiro copirno shaꞌhuitërachinin. Huëꞌëranquë tëranta napohuatan, inaso nitotapon, itërin.

2 Reyes 6:12 ပူးပေါင်းရင်းမြစ်များ

2 Reyes 5:26

Huaꞌanëniso napoaponahuëꞌ, chiníquën nontaton: —Namano nontiinquënso marëꞌ toronanën quëran nohuararin. Inapoaso cantaꞌ, ninoto inaquë niꞌnanquën. Quëmasoꞌ: “Coriqui, aꞌmocasoꞌ, inapita maꞌpatacasoꞌ, noya. Oripororoꞌsaꞌ, oparoroꞌsaꞌ, ohuicaroꞌsaꞌ, tororoꞌsaꞌ, piyapinta camaicaso marëꞌ quëmapiꞌsaꞌ, sanapiꞌsaꞌ, inapitanta paꞌanacasoꞌ, noya antaꞌ,” tocomaranquën. ¡Co naporinhuëꞌ! ¡Co ina pochin nanpicaso tahuërihuëꞌ!

2 Reyes 5:3

Aꞌna tahuëri inasoꞌ, patronanën itapon: —Samariaquë aꞌnara pënëntonaꞌpi yaꞌhuërin. Ina nicapon huaꞌanëhuë paꞌnin naporini, chana canio yaꞌhuëtërin quëran noyachitonhuëꞌ, itërin.

2 Reyes 5:8

“Quirica aꞌpatopiso nontaton copirnonënpoasoꞌ, aꞌmorinso osharin,” topisoꞌ, Irisio natantërin. Ina natanaton, iso pochin nanan aꞌpatërin: “¿Onpoatonta aꞌmoranso osharan? Quëmapi huëꞌninsoꞌ, shaꞌhuitëquë niꞌquiinco. Niꞌpachinco, tëhuënchachin Israiro noꞌpaquë pënëntonaꞌpi yaꞌhuërinsoꞌ, nitotarin,” taꞌcaso nanan aꞌpatërin.

2 Reyes 6:11

Naporápachinara, Siria copirnoso paꞌpi noꞌhuitërin. Napoaton sontaro huaꞌanoꞌsa përasahuaton: —¿Incháchinta yonquirëhuasopita Israiro copirno shaꞌhuitërachinin? ¡Shaꞌhuirapico nitochi! itërin.

2 Reyes 6:13

Ina natanaton, copirnoso piyapinënpita camairin: —Paatoma natantoco insëquësona Irisio yaꞌhuëarin. Ina nitotohuato, macacaiso marëꞌ sontaroꞌsa aꞌpaarahuë, itërin. Napotohuachina, natantoonpi: “Totanquë yaꞌhuëarin,” itohuachinara, inachachin copirno shaꞌhuitopi.

Éxodo 8:3

Niroiquë naꞌamiataponaꞌ. Pipirahuatonaꞌ, quëma pëinënquë yaꞌconapi. Catahuarinquënsopita huaꞌanoꞌsa pëinënaquënta yaꞌconapi. Yaꞌipi piyapinënpita pëinënaquë yaꞌconapi. Niitatënquëma apiponquëmaꞌ. Patoanaroꞌsaquë, huëꞌëramaquë, pan ninamaquë inaquëpita yaꞌconapi, tënin,” itëquëꞌ, itërin.

Isaías 8:10

Onpo ahuëtamaso yonquihuatamantaꞌ, topinan quëran yonquiaramaꞌ. Maꞌsona nicamasoꞌ nonpatamaꞌ, co napoarinhuëꞌ. Yosëso quiyarëꞌcoi chachin yaꞌhuëarin niꞌton, co inapoaramahuëꞌ.

Daniel 2:47

Ina quëran Naniri itapon: —Canpita Yosë chinotëramasosoꞌ, yaꞌipi yosëroꞌsa quëran chini chiníquën nanantërin. Yaꞌipi copirnoroꞌsa huaꞌanëntërin. Inasáchin co nitotacasohuëꞌ nininsonta anitotërin. Napoaton huaꞌnarahuëso anitotatënquën, maꞌsona tapon naporinsontaꞌ, anitotërinquën, itërin.

Amós 3:7

Inapita naporinso pochachin canta maꞌsha yanipatora, piyapinëhuëpita pënëntonaꞌpiroꞌsaꞌton anitotarahuë.