2 Reyes 5:7 - Chayahuita (Shahui)

⁷ Nontohuachina, inaso paꞌyanin. Inapoaton aꞌmorinso osharin. Inaporahuaton piyapinënpita natantonënquë tapon: —¡Co caso Yosëcohuëꞌ! Inacha tëhuënchinsoꞌ nohuantërinsopita ananpirin. Nohuantërinsopitasoꞌ, chiminpi. Siria copirnosoꞌ, co chana caniori maninso anoyataꞌhuaso marëꞌ aꞌpatiincoso yaꞌhuërinhuëꞌ. Inta yonquirico canpitantaꞌ. Ahuëinënpoaso yonquiaton napotarinco inasoꞌ tënahuë, tënin.

2 Reyes 5:7 ပူးပေါင်းရင်းမြစ်များ

Génesis 30:2

Cacoporiso nipirinhuëꞌ, noꞌhuiton itapon: —¡Co caso Yosëcohuëꞌ! Ina co nohuantërinhuë niꞌton, co huaꞌhuananhuëꞌ, itërin.

Génesis 37:29

Nopinoso Cosi tëꞌyatopiquë huënantahuachina, co huachi iin quënanquintarinhuëꞌ. Paꞌpi paꞌyanaton aꞌmorinso osharin.

Génesis 50:19

Napotopirinahuëꞌ, Cosiriso itapon: —Ama iyaroꞌsa paꞌyancosohuëꞌ. Caso piyapico niꞌto, co nanitërahuëꞌ Yosë yaꞌhuërënamën pochin nicaꞌhuasoꞌ.

2 Samuel 1:11

Ina natanaton, Tapiso sontaronënpitarë chachin aꞌmopiso oshapi. Sëtopisoꞌ nitotai marëꞌ napopi.

2 Reyes 18:37

Ina natanatonaꞌ, Isiquiasë aꞌparinsopitaso co napion cancantopi. Napoatona aꞌmopiso oshapi. Ina quëran Asiria huaꞌani napotërinsoꞌ, Isiquiasë shaꞌhuitacaiso marëꞌ paantapi.

2 Reyes 5:6

Quiricanta copirnori ninshitërinsoꞌ, masahuaton israiroꞌsa yaꞌhuëpiso parti huëꞌnin. Canquirahuaton Israiro copirno quirica aꞌnotiirin. Inaquë ninshitaton naporin: “Iso quirica nontohuatan, carinquën Namano aꞌpataranquënso nitotaran. Inasoꞌ, sontaronëhuëpita huaꞌanën. Chana caniori manin quëran anoyatamaso marëꞌ aꞌpataranquën,” tënin.

Jeremías 36:24

Copirno, catahuarinsopita huaꞌanoꞌsaꞌ, inapitaso natanaponaraihuëꞌ co manta Sinioro tëꞌhuatopihuëꞌ. Co oshanëna marëꞌ tëranta sëtopihuëꞌ.

Daniel 2:11

Natanancoisosoꞌ, co onpo nitotochináchinhuëꞌ. Co piyapimiasoꞌ, ina pochin shaꞌhuitiinquënso nanitërinhuëꞌ. Yosëroꞌsaráchin aꞌna nanitomaraiꞌ. Napoaponahuëꞌ, inapitaso co canpoarëꞌ yaꞌhuëpihuëꞌ, itaantapi inahuarintaꞌ.

Oseas 6:1

Canpitaso israiroꞌsanquëma naporamaꞌ: “Huëco yaꞌipinpoa Sinioro chachin chinotaantaꞌahuaꞌ. Chiníquën anaꞌintopirinpoahuëꞌ, nontohuatëhua anoyataantarinpoaꞌ. Apisáchin pochin acopirinpoahuëꞌ, inachachin nonëantarinpoaꞌ. Noya chinotohuatëhuaꞌ, aꞌnaroáchin anoyatarinpoaꞌ. Ananpitaantarinpoaso pochin catahuararinpoa niꞌton, noya niꞌsarinpoaꞌ. Chiníquën cancantatëhua Sinioro nohuitahuaꞌ. Inapohuatëhuaꞌ, Siniorosoꞌ huëcapaiantarinpoaꞌ. Nani tahuëri piꞌi pipirinso pochin, oꞌnápiquë noꞌpaꞌ caniororinso pochin huëcapaiantarinpoaꞌ,” tënamaꞌ.

Números 14:6

Cosoi, Caripi, inapitaso nipirinhuëꞌ, panca sëtatona aꞌmopiso oshapi. Inapitanta Canaan noꞌpaꞌ nohuitapona paꞌpisoꞌ.

Mateo 26:65

Corto huaꞌanso natanahuaton, chiníquën noꞌhuitërin. Inapoaton aꞌmorinso osharin. —“¡Casoꞌ Yosë huiꞌninco,” toconin! Nani natanamaꞌ. Inaora chachin shaꞌhuitërinpoaꞌ niꞌton, co aꞌnapita shaꞌhuitinpoasoꞌ nohuantarihuahuëꞌ.

Lucas 11:54

“Co noꞌtëquën nonpachinhuëꞌ, shaꞌhuirapiahuaꞌ,” nitopi.

Hechos 14:14

Naporo huarëꞌ Pirnapi, Paono, inapita nitotopi. Natanahuatonaꞌ: “Tata Yosëíchin chinotacasoꞌ yaꞌhuërin,” taꞌtonaꞌ, aꞌmopiso oshapi. Huancanachin taꞌarahuatonaꞌ, chiníquën nontopi.

Deuteronomio 32:29

Yonquinahuanoꞌsa nipi naporini, shaꞌhuitërahuësoꞌ yonquiꞌitonahuëꞌ. Natëtopi naporini, co maꞌsha onpoꞌitonahuëꞌ, tënahuë.

Deuteronomio 32:39

Casáchin Yosëco. Mamanshiroꞌsasoꞌ, co ca pochin nipihuëꞌ. Ca nohuanto piyapiꞌsa nanpirapi, ca nohuanto chiminapi. Ca nohuanto piyapiꞌsa maꞌsha onpopi. Ca nohuanto chachin noyataantapi. Anaꞌintaꞌhuaso chinotohuato, co insonta chaꞌëtarincohuëꞌ. Chini chiníquënco niꞌto, anaꞌintarahuë.

1 Samuel 2:6

Sinioro nohuanton chiminarëhuaꞌ. Ina nohuanton chachin huaꞌhuatërëhuaꞌ. Ina topachina chimipiroꞌsa yaꞌhuërinquë paꞌmarihuaꞌ. Ina taantahuachinasoꞌ, inatohua quëran huënantarihuaꞌ.