2 Reyes 5:26 - Chayahuita (Shahui)

²⁶ Huaꞌanëniso napoaponahuëꞌ, chiníquën nontaton: —Namano nontiinquënso marëꞌ toronanën quëran nohuararin. Inapoaso cantaꞌ, ninoto inaquë niꞌnanquën. Quëmasoꞌ: “Coriqui, aꞌmocasoꞌ, inapita maꞌpatacasoꞌ, noya. Oripororoꞌsaꞌ, oparoroꞌsaꞌ, ohuicaroꞌsaꞌ, tororoꞌsaꞌ, piyapinta camaicaso marëꞌ quëmapiꞌsaꞌ, sanapiꞌsaꞌ, inapitanta paꞌanacasoꞌ, noya antaꞌ,” tocomaranquën. ¡Co naporinhuëꞌ! ¡Co ina pochin nanpicaso tahuërihuëꞌ!

2 Reyes 5:26 ပူးပေါင်းရင်းမြစ်များ

2 Reyes 5:16

—Yoscoarëꞌ co manta maꞌparanquënhuëꞌ, itërin Irisiori. Namanori apisápirinhuëꞌ, co nohuanchátërarinhuëꞌ maꞌpacasoꞌ.

2 Reyes 6:12

Napotohuachina aꞌnari itapon: —Co insonta naporinhuëꞌ. Irisio inaquë yaꞌhuëaton, yaꞌipi quëma naporansoꞌ, Israiro copirno shaꞌhuitërachinin. Huëꞌëranquë tëranta napohuatan, inaso nitotapon, itërin.

Salmos 63:11

Piyapinënpitacoi chinotatëinquën capa cancanchii. Copirnonëhuëintaꞌ, chinotatënquën capa cancanchin. Nonpintëroꞌsaso nipirinhuëꞌ, quëmari Sinioro anaꞌintaton ataꞌhuantapon.

Mateo 10:8

Caniaꞌpiroꞌsaꞌ aꞌnaroáchin anoyatocoꞌ. Chimipiroꞌsantaꞌ, ananpitaantacoꞌ. Chana caniori maninsontaꞌ quënanpatamaꞌ, anoyatocoꞌ. Aꞌnapitantaꞌ sopairoꞌsari yaꞌcoancantopi niꞌton, paꞌpi huaꞌyantopi. Quënanpatamaꞌ, sopairoꞌsaꞌ aꞌpatocoꞌ piyapiꞌsaꞌ noyachinaꞌ. Co mantaꞌ pahuërëtapomarahuëꞌ, Yosësoꞌ inaora nohuanton, catahuarinquëmaꞌ niꞌton, ama pahuërë nitocosohuëꞌ.

Hechos 20:33

Aꞌchintohuatënquëmara, co aquëtëꞌ coriqui yonquirahuëꞌ. Aꞌna piyapi coriquinën co nohuantaparahuëꞌ. Co aꞌmopiso tërantaꞌ noyapatërahuëꞌ.

Hechos 20:35

Canpitantaꞌ nonanco. Sacatatomaꞌ, pahuantërinsopita maꞌsha quëtocoꞌ. Sinioro Quisoso noninsoꞌ yonquicoꞌ. ‘Aꞌnapita maꞌsha topinan quëtohuachinquëmaꞌ, noya cancantëramaꞌ. Nipirinhuëꞌ, canpitarintaꞌ nosoroatomaꞌ, topinan quëtohuatamaꞌ, noya noya cancantaramaꞌ,’ tënin Quisoso,” itërin Paonori.

Hechos 5:9

—¿Onpoatontaꞌ imoya canpita capini ninontatomaꞌ, Ispirito Santo yanonpintopiramahuëꞌ? “Co ina anaꞌintarinpohuëꞌ,” taꞌtomaꞌ, napopiramahuëꞌ. Niꞌquëꞌ. Quëmapiꞌsaꞌ soꞌyan paꞌpitopisopita nani huënantarapi. Quëmaꞌ yaꞌhuërë quëpantarinënquën paꞌpitinënquënso marëꞌ, itërin Pitrori.

1 Corintios 5:3

Co canpitataquë yaꞌhuaporahuëꞌ, canpitataquë yaꞌhuëarahuëso pochin cancantato, yonquiranquëmaꞌ. Ina quëmapi noꞌtëquën anaꞌintacasoꞌ yaꞌhuërin, tënahuë.

Colosenses 2:5

Co canpitataquë yaꞌhuaporahuëꞌ, nosoroatënquëmaꞌ, nani tahuëri yonquiranquëmaꞌ. Noya niniꞌtomaꞌ, yaꞌhuaramaꞌ. Co nisha nisha yonquiramahuëꞌ. Yaꞌipi cancanëma quëran Quisocristo natëramaꞌ. Ina marëꞌ nóya cancantërahuë.