2 Reyes 5:16 - Chayahuita (Shahui)

¹⁶ —Yoscoarëꞌ co manta maꞌparanquënhuëꞌ, itërin Irisiori. Namanori apisápirinhuëꞌ, co nohuanchátërarinhuëꞌ maꞌpacasoꞌ.

2 Reyes 5:16 ပူးပေါင်းရင်းမြစ်များ

1 Reyes 17:1

Carata parti, Tisipi ninanoquë aꞌnara pënëntonaꞌpi yaꞌhuërin. Inasoꞌ, Iniasë itopi. Aꞌna tahuëri inasoꞌ, Acapo paaparahuaton itapon: “Sinioro chinotërëhuaso yaꞌhuërin niꞌton, caso inasáchin natërahuë. Ina camairinco niꞌton, noꞌtëquën shaꞌhuitaranquën. Ipora quëran huarëꞌ co huachi oꞌnanaponhuëꞌ. Co poroncayo tëranta yaꞌhuëaponhuëꞌ. Ca shaꞌhuiantaꞌhuarëꞌ yaꞌhuëantapon. Co Sinioro natëtonhuëꞌ oshahuananso marëꞌ ina pochin anaꞌintarinquën,” itërin.

1 Reyes 18:15

—Siniorosoꞌ yaꞌipi nanitaparin. Ina marëꞌ sacatato noꞌtëquën shaꞌhuitaranquën. Ipora tahuëri chachin Acaporoꞌco nonaꞌhuaso yaꞌhuërin, itërin Iniasëri.

2 Reyes 5:20

Irisio piyapinënso yonquirin: “Huaꞌanëhuësoꞌ, Namano co manta maꞌpaponahuëꞌ aꞌparin. Yoscoarëꞌ cari imasarahuë. Tapona maꞌsha tëranta maꞌparahuë,” tënin.

2 Reyes 5:26

Huaꞌanëniso napoaponahuëꞌ, chiníquën nontaton: —Namano nontiinquënso marëꞌ toronanën quëran nohuararin. Inapoaso cantaꞌ, ninoto inaquë niꞌnanquën. Quëmasoꞌ: “Coriqui, aꞌmocasoꞌ, inapita maꞌpatacasoꞌ, noya. Oripororoꞌsaꞌ, oparoroꞌsaꞌ, ohuicaroꞌsaꞌ, tororoꞌsaꞌ, piyapinta camaicaso marëꞌ quëmapiꞌsaꞌ, sanapiꞌsaꞌ, inapitanta paꞌanacasoꞌ, noya antaꞌ,” tocomaranquën. ¡Co naporinhuëꞌ! ¡Co ina pochin nanpicaso tahuërihuëꞌ!

Daniel 5:17

Napotohuachina: —Yanicanarancosopitasoꞌ, quëmaora chachin maantaquëꞌ. Huaꞌanëntëranso pëiquë sacatohuato, noya niꞌsarinaco. Inapotiinacosontaꞌ, aꞌna piyapi quëtëquëꞌ. Co manta acanaancoso nohuantaporahuëꞌ, pairaquë maꞌsona tapon ninshitopisoꞌ, shaꞌhuitaranquën.

Mateo 10:8

Caniaꞌpiroꞌsaꞌ aꞌnaroáchin anoyatocoꞌ. Chimipiroꞌsantaꞌ, ananpitaantacoꞌ. Chana caniori maninsontaꞌ quënanpatamaꞌ, anoyatocoꞌ. Aꞌnapitantaꞌ sopairoꞌsari yaꞌcoancantopi niꞌton, paꞌpi huaꞌyantopi. Quënanpatamaꞌ, sopairoꞌsaꞌ aꞌpatocoꞌ piyapiꞌsaꞌ noyachinaꞌ. Co mantaꞌ pahuërëtapomarahuëꞌ, Yosësoꞌ inaora nohuanton, catahuarinquëmaꞌ niꞌton, ama pahuërë nitocosohuëꞌ.

1 Corintios 6:12

“Maꞌsona tërantaꞌ yanipatëhuaꞌ, noya nicacasoꞌ,” topi aꞌnaquën. Napoaponahuëꞌ, co yaꞌipi ninëhuasopita catahuarinpoahuëꞌ noya cancantacaso marëꞌ. Napoaton maꞌsona tërantaꞌ anishacancantohuachinco, co nisarahuëꞌ. Anoꞌquihuachinco.

2 Corintios 12:14

Nani catoroꞌ niꞌconanquëmaꞌ. Iporasoꞌ naquëranchin nicaponquëmaꞌ yapaꞌsarahuë. Cantonpatënquëmaꞌ, co mantaꞌ maꞌpaaranquëmahuëꞌ. Co maꞌshanëmaꞌ nohuantërahuëꞌ. Canpita noya noya imacamasoꞌ nohuantërahuë. Huiꞌnahuëpita pochin niꞌnanquëmaꞌ. Huiꞌnanpoaꞌ co nocomarinpoahuëꞌ. Canpoari catahuacasoꞌ yaꞌhuërin.