2 Reyes 5:10 - Chayahuita (Shahui)

¹⁰ Inaquë nipachina, Irisiori aꞌnara comision camairin shaꞌhuitacasoꞌ: “Naporin pënëntonaꞌpi: ‘Paaton cortaniiꞌpaꞌ canchisëro yaꞌcoitëquëꞌ. Inapohuatan, chana canio maninquënso inquiaran,’ tënin,” itoonin.

2 Reyes 5:10 ပူးပေါင်းရင်းမြစ်များ

2 Reyes 2:21

huinanquë paꞌsahuaton inaquë taꞌsaitërin. Inapoapon pochin: —Naporin Sinioro: “Cari iso huinan anoyaitërahuë. Iporasoꞌ co huachi ina oꞌorama quëran caniotoma chiminapomahuëꞌ. Co noꞌpaꞌ tëranta tapiarinhuëꞌ. Iporasoꞌ maꞌsha shaꞌpatamaꞌ, noyatapon huachi,” tënin, itërin.

2 Reyes 4:35

Huaniantarahuaton patoanaquë itohua itohua paꞌsarin. Ina quëran naquëranchin inapotaantarin. Aꞌnanaya huaꞌhuashasoꞌ, nanpiintarahuaton canchisëro aꞌchiconin. Ina quëran niꞌtërin huachi.

2 Reyes 5:11

Ina natanaton, Namanoso noꞌhuitërin: —Sëëshi. Pipirahuaton taꞌma Sinioro nontapon. Ina quëran chanatërahuëquë sëꞌhuarahuaton, inquitarinco, topirahuë.

2 Reyes 5:14

Napotohuachinara, paꞌsahuaton Irisiori camairinso chachin ninin. Canchisëro Cortaniiquë yaꞌcoitërin. Napohuachina noyataton huiꞌnapiraꞌhua pochin shaꞌhuëtëtërin.

2 Reyes 5:9

Namanoso ina nitotaton, toronanënquë paꞌnin Irisio nicapon. Pëinën yaꞌcoanaquë huarëꞌ canconahuaton, chiniconin.

Éxodo 4:18

Ina quëran Moisësë miꞌsën pëinënquë panantarin. Cancontarahuaton itapon: —Iquipitoquë yapaato nontaranquën. Onpoácaitaꞌ quëmopinëhuëpita, taꞌto yapaꞌsarahuë, itërin. —Noyapaꞌ. Yosë catahuainquën noya paquëꞌ, itërin miꞌsëni.

Levítico 16:14

Toroaꞌhua huënainën maninsontaꞌ, piꞌpian main. Masahuaton, piꞌi pipirinso parti quëran caposonëhuë aꞌtanamën taꞌsachin. Ina quëran caposonëhuë aꞌtanamën notënanquëraontaꞌ, imirin quëran canchisëroꞌ taꞌsachin.

Levítico 16:19

Ina quëran ina huënaiquë chachin, imirin quëran iꞌcomiitahuaton, artaro aipi canchisëroꞌ taꞌsatarin. Israiroꞌsari oshahuanatona tapipirinahuëꞌ, inapo taparahuaton chinotamacoso marëꞌ acoantarin.

Juan 9:7

—Paaton Siroiquë nipaꞌmorayaquëꞌ, itërin. Siroisoꞌ: “Aꞌparinsoꞌ,” tapon naporin. Itohuachina, paꞌnin. Inaquë nipaꞌmorayahuachina, noya niꞌtërin. Noya niꞌtahuaton, yaꞌhuërinꞌpaꞌ paꞌnin huachi.

1 Corintios 6:11

Iráca aꞌnaquëmaꞌ ina pochin nipiramahuëꞌ. Sinioro Quisocristo imapatamara, oshanëmaꞌ inquitërinquëmaꞌ. Nani anoyacancantërinquëmaꞌ niꞌton, Yosë noya niꞌninquëmaꞌ. Ispirito Santo chachin catahuarinquëmaꞌ noya cancantacasoꞌ.

Josué 6:4

Iso pochin paꞌsaramaꞌ: Canchisë corto huaꞌanoꞌsa quëchinamën paꞌsapi. Carniro pomon sëꞌquërahuatona paꞌsapi. Ina piquëran canpitarëꞌco anoyatërëhuaso caposonën quëparapi. Corto huaꞌanoꞌsari pitënpi quëran quëparapi. Ina piquëran Israiro sontaroꞌsanta paꞌsapi. Canchisë tahuëri nanihuachinasoꞌ, canchisëro tahuitaramaꞌ. Corto huaꞌanoꞌsa papona pochin carniro pomon pihuisoi tahuitaramaꞌ.