2 Reyes 4:8 - Chayahuita (Shahui)

⁸ Aꞌna tahuëri Irisiosoꞌ, Sonin ninanotaëchin naꞌhuërarin. Naꞌhuësoꞌ, aꞌna yaꞌhuëhuan sanapiri cosharo caꞌpacaso marëꞌ apisárin quëran, pëinënquë poꞌmorin. Inaso sanapi chiníquën nanantërin. Ina piquërantaꞌ, nani paꞌninquë inaquë coshatapatërin.

2 Reyes 4:8 ပူးပေါင်းရင်းမြစ်များ

Génesis 19:3

Napotopirinahuëꞌ, Notori naquëranchin naquëranchin shaꞌhuitohuachina, napoin quëran pëinënquë paꞌpi huachi. Canconpachinara, noya cosharo nitërin. Pan co ahuëpocatopinanhuëꞌ anpitaton, inapitarëꞌ acotohuachina, niꞌtoroꞌsa coshatopi huachi.

2 Samuel 19:32

Tapi imarinsopitarë chachin Maanainquë yaꞌhuasoiꞌ, inari catahuarin. Nani mashoya, posa shonca piꞌipitaponahuëꞌ, yaꞌipiya capacaiso inari quëtërin. Paꞌpi maꞌhuan niꞌton, ina nápo nipirinhuëꞌ, ananitërin.

1 Reyes 1:3

Napotohuachina aꞌnara nanon noyápiroyanchin nininsoꞌ yaꞌipi Israiro noꞌpaquë yonípi. Yonipachinara, Sonin ninano itopiquë aꞌnara quënanpi. Inasoꞌ sanapi, Apisaca itopi. Ina quënanatona Copirnoquë quëpapi.

2 Reyes 4:18

Quëmapiaꞌhuasoꞌ noya soꞌsorarin. Aꞌna tahuëri paꞌpinsoꞌ piyapinënpitarëꞌ, trico macatona yaquirapi. Huiꞌniniso nicapon paꞌpirinhuëꞌ, motoꞌ iquitaton: —¡Ayao! ¡Motoꞌ tëpararinco taꞌa! tënin. Naporoꞌ paꞌpinsoꞌ, piyapinën camairin aꞌshinquë quëpacaso marëꞌ.

Proverbios 7:21

Ina pochin yáshin nontaton, huiꞌnapi anohuantërin.

Mateo 25:17

Cato huaranca quëtërinsontaꞌ noya sacatërin. Inantaꞌ maꞌsha paꞌanahuaton, cato huaranca aquëtëꞌ canantarin.

Lucas 1:15

Inasoꞌ nóya quëmapi nipon. Yosëri catahuaarin niꞌton, noya noya nisarin. Naporahuaton, co piꞌpian tërantaꞌ main oꞌoponhuëꞌ. Coꞌhuara nasichátëraponhuëꞌ, Ispirito Santori yaꞌcoancantarin. Inasáchin natëarin.

Lucas 14:23

“Ninano quëran pipirahuaton, macoantaquëꞌ. Nisha nisha ira paꞌtaton, shaꞌhuitonquëꞌ huëꞌinaꞌ. Iminoꞌsaquë huarëꞌ paaton, maconquëꞌ. Naꞌa piyapiꞌsaꞌ nohuantërahuë.

Lucas 24:29

—Nani iꞌhuarin. Huëquëꞌ iyasha quiyataquë huëꞌëquiquëꞌ, itopi. “Noyahuaꞌ,” tosahuaton, yaꞌconconin.

Hechos 16:15

Quisocristo imarin niꞌton, aporintërin. Pëinënquë yaꞌhuëpisopitarë chachin aporihuanpi. —Cantaꞌ Sinioro imarahuë niꞌton, huëcoꞌ pëinëhuëquë yacapacoi, itërincoi. Naꞌcon shaꞌhuitohuachincoira, inaquë huachi yacaparai.

1 Samuel 28:4

Huiristinoꞌsa niyontoantapi. Naporahuatona Sonin ninano itopisoꞌ notënanquë paꞌsahuatona yaꞌhuëconpi. Nëꞌmëtë pëinëna ótënatona yaꞌhuëconpi. Saononta israiroꞌsa ayontonin. Ayontonahuaton, Quiripoa motopi itopiquë nëꞌmëtë pëinëna ótënatona yaꞌhuëconpi antaꞌ.