33 Inaoraíchin nioncorapiton, Yosë nontarin.
Naporoꞌ Irisionta canquirahuaton, chimipiaꞌhua pëꞌsaranënquë acopisoꞌ quënancontarin.
Ina natanaton, Namanoso noꞌhuitërin: —Sëëshi. Pipirahuaton taꞌma Sinioro nontapon. Ina quëran chanatërahuëquë sëꞌhuarahuaton, inquitarinco, topirahuë.
Inaquë canconpachinara, Irisiosoꞌ naquëranchin Yosë nontaantarin: “Iporasoꞌ Sinioro quëma nohuanton, somarayapisoꞌ inquiantaꞌinaꞌ,” itërin. Napotohuachina Sinioro nohuanton inquiantapi. Israiro copirno yaꞌhuërinquë chachin naporin.
Canpitaso nipirinhuëꞌ Yosë yanontohuatamaꞌ, canpitaoráchin onpopiyanquë tërantaꞌ Yosë nontacasoꞌ yaꞌhuërin. Quëmaoraíchin Yosë nontëquëꞌ. Co quënanpiranhuëꞌ, nataninquën. Co piyapiꞌsaꞌ natanpirinënquënhuëꞌ, Yosësoꞌ noya natanatënquën, acanaarinquën.
Pëinënquë canconahuaton, yaꞌconconin. Paꞌpin, aꞌshin, Pitro, Coansha, Santiaco, inapitaíchin quëparin. “Ama aꞌnapitasoꞌ huëꞌinasohuëꞌ,” tënin.
“Yaꞌipinquëmaꞌ pipicoꞌ Yosë nontëriꞌi,” itohuachina, paꞌpi. Nani paꞌpachinara, isonahuaton, Yosë nontërin. Ina quëran nonën tahuërëtahuaton, itapon: —Imoya Tapita, huënsëquëꞌ, itërin. Aꞌnaroáchin niꞌtiintarin. Pitro quënanahuaton, huënsërin.
