2 Reyes 4:31 - Chayahuita (Shahui)

³¹ Piyapinënsoꞌ, quëchitahuaton huaꞌanëni shaꞌhuitërinso chachin pitananën quëran nitopirinhuëꞌ, huaꞌhuashaso co pacaritërinhuëꞌ. Napohuachina huaꞌanën nacapiapon paantarin: —Camairancoso chachin nitopirahuëꞌ, huaꞌhuashaso co pacaritërinhuëꞌ, itërin.

2 Reyes 4:31 ပူးပေါင်းရင်းမြစ်များ

1 Reyes 18:26

Napotohuachina inahuasoꞌ, aꞌnara toroaꞌhua huayonpi. Ina tëparahuatona artaro aipi acopi. Inapotahuatona tashiramiachin quëran camotëchin huarëꞌ Paaro nontápi: “¡Paaro aꞌpanicoi!” tosápi. Napoapona pochin, artaro conitatona pashi pashitërapi. Napopirinahuëꞌ co aꞌpanitërinhuëꞌ.

1 Reyes 18:29

Napochináchin panca tëhuërënin huachi. Sinioro marëꞌ maꞌsha ahuiquitacaiso ora naꞌhuëpirinhuëꞌ, co macari aꞌpanirinhuëꞌ.

2 Reyes 4:32

Naporoꞌ Irisionta canquirahuaton, chimipiaꞌhua pëꞌsaranënquë acopisoꞌ quënancontarin.

2 Reyes 5:20

Irisio piyapinënso yonquirin: “Huaꞌanëhuësoꞌ, Namano co manta maꞌpaponahuëꞌ aꞌparin. Yoscoarëꞌ cari imasarahuë. Tapona maꞌsha tëranta maꞌparahuë,” tënin.

Copo naporinso' 14:12

Napohuatoisoꞌ, co piꞌiroꞌtëꞌ taꞌhuanchátërasohuëꞌ, paꞌpitërinacoi quëran co yaꞌnoaraihuëꞌ. Huëꞌërai pochin ninaisoꞌ, co capayatëraiso pochin nisaraihuëꞌ.

Marcos 5:39

Yaꞌcontarahuaton, inapita itapon: —¿Onpoatomataꞌ naꞌnëtomaꞌ, noncaroaramasoꞌ? Co sanapiaꞌhua chimininhuëꞌ. Huëꞌësárin, itërin Quisosori.

Juan 11:11

Ina quëran itaantarincoi: —Iya Nasaro huëꞌërin. Nipirinhuëꞌ, paato ochinanconapo, itërincoi.

Efesios 5:14

Tahuëri nipachina, yaꞌipi quënanëꞌ. Ninshitatona napopiso chachin ninin. “Co noyahuëꞌ nipatamaꞌ, huëꞌërëso pochin cancantaramaꞌ. Ama ina pochin cancantatomarahuëꞌ, Yosë yonquicoꞌ. Chimipi pochin cancantohuatamaꞌ, Yosë nontocoꞌ nasha cancan quëchinquëmaꞌ. Ina quëran nanpiantarëso pochin cancantaramaꞌ. Quisocristo chachin aꞌpintarinquëmaꞌ noya nicacamaso marëꞌ,” topi.

1 Samuel 14:37

Napohuachina Saonosoꞌ Yosë natanin: —¿Huiristinoꞌsa taꞌarapisopita imaꞌi? ¿Catahuaponcoi inapita minsëaꞌhuaiso to? itërin. Napotopirinhuëꞌ, Siniorori naporo co manta aꞌpanirinhuëꞌ.

1 Samuel 28:6

Napoaton Yosëri anitotacaso marëꞌ natanin. Natanpirinhuëꞌ, co inariso aꞌpanirinhuëꞌ. Huaꞌnarin quëran, Orin quëran, pënëntonaꞌpiroꞌsa quëran, inapita quëran anitotacaso nohuantopirinhuëꞌ, co anitotërinhuëꞌ.