2 Reyes 4:27 - Chayahuita (Shahui)

²⁷ Cancontahuachina, Irisio quënancontarahuaton, iporantërin. Ina nicaton piyapinënisoꞌ yachiꞌhuincapirinhuëꞌ: —Tananpitëquëꞌ. Co napion cancantaton napoarin. Napoaponahuëꞌ, maꞌsona onporinso co Sinioro anitochátërarincohuëꞌ.

2 Reyes 4:27 ပူးပေါင်းရင်းမြစ်များ

Génesis 18:17

Papon pochin, Siniorosoꞌ yonquiraarin. “Apraan quëran aꞌna tahuëri panca nacion pipiarin. Naporahuaton ina nacionsoꞌ, chiníquën nanantarin. Napoaton maꞌsona yaninahuësoꞌ, shaꞌhuitaꞌhuaso yaꞌhuërin. Nani shaꞌhuitërahuë yaꞌipi nacionoꞌsa isoroꞌpaquë yaꞌhuërinsopita, ina quëran catahuaꞌhuaso marëꞌ.

2 Samuel 7:3

Napotohuachina Natani itapon: —Ina pëinën yanitohuatan, nitëquëꞌ. Sinioro catahuarararinquën, itërin.

2 Reyes 4:25

Irisiosoꞌ, Carmiro motopiquë yaꞌhuëarin niꞌton, inaquë paꞌnin. Yaꞌcaritahuachina, nohuitahuaton piyapinën itapon: —Sonin sanapi, yáyacaparëso huëꞌsarin, niꞌquëꞌ.

2 Reyes 4:26

Taꞌarahuaton nacapiquëꞌ. Quënamarahuaton, soꞌin, huaꞌhuin, inapita onpohuinsona yaꞌhuëapiso natamaquëꞌ, itërin. Inasoꞌ paꞌsahuaton natamapirinhuëꞌ: “Noya yaꞌhuëapi,” itërin topinan.

2 Reyes 6:12

Napotohuachina aꞌnari itapon: —Co insonta naporinhuëꞌ. Irisio inaquë yaꞌhuëaton, yaꞌipi quëma naporansoꞌ, Israiro copirno shaꞌhuitërachinin. Huëꞌëranquë tëranta napohuatan, inaso nitotapon, itërin.

Amós 3:7

Inapita naporinso pochachin canta maꞌsha yanipatora, piyapinëhuëpita pënëntonaꞌpiroꞌsaꞌton anitotarahuë.

Mateo 15:23

Quisososoꞌ co aꞌpanitaponahuëꞌ paꞌsapirinhuëꞌ, sanapirisoꞌ imaraton: —Nosoroco Sinioro, itë́rarin. Ina niꞌsahuatonaꞌ, caꞌtanoꞌsanënpitari piꞌpian noꞌhuipi. —Iso sanapi aꞌpaquëꞌ paꞌin. Imaquitonpoaꞌ, pinatanoꞌ níriarin, itopi.

Mateo 20:31

Aꞌnaquëni natanahuatonaꞌ, noꞌhuipi: “Taꞌtocoꞌ,” itopirinahuëꞌ, aquëtë chachin chiníquën nontopi. —¡Onpopiontaꞌ Sinioro nosorocoi quiyantaꞌ topiraihuëꞌ! itantapi.

Mateo 28:9

Paꞌsapirinahuëꞌ, aꞌnanaya iraquë chachin Quisosori yaꞌnotërin. —Huëꞌcama imoyaroꞌsaꞌ, itërin. Ina nohuitatonaꞌ, yaꞌcarionpi. Monshorahuatonaꞌ, nantën iporantërahuatonaꞌ, chinotopi.

Marcos 10:13

Ina quëran huaꞌhuaroꞌsaꞌ quëpi Quisosori sëꞌhuamotocaso marëꞌ. Inapotahuaton, inapita marëꞌ Yosë nontërin. Huaꞌhuaroꞌsaꞌ quëpisopita caꞌtanoꞌsanënpitari yaaꞌpapirinahuëꞌ.

Marcos 14:6

Quisosoriso nipirinhuëꞌ, itapon: —¿Maꞌmarëtaꞌ iso sanapi noꞌhuiramaꞌ? Tananpitocoꞌ. Naꞌcon nosoroatonco, inapotërinco.

Lucas 7:38

Quisoso yaꞌyoranconahuaton, oshanën marëꞌ sëtaton naꞌnërin. Naꞌnëhuachina, naꞌnëinën quëran Quisoso nantëquën shipitërin. Ainën quëran amirantërahuaton, apinorantërin. Ina quëran pimo huaꞌsaiquë pashirantëtërin.

Juan 15:15

Co casoꞌ patron pochin cancantërahuëꞌ. Patronsoꞌ piyapinënpita camairin. Camaipirinhuëꞌ, yonquirinso chachin co shaꞌhuitërinhuëꞌ. Nipayarinso nipirinhuëꞌ yaꞌipiya shaꞌhuitërin. Inapochachin carinquëmantaꞌ yaꞌipiya shaꞌhuitëranquëmaꞌ. Co piyapinëhuë pochin niꞌnanquëmahuëꞌ. Nipayarahuëso pochachin niꞌnanquëmaꞌ. Yaꞌipi Tatahuë shaꞌhuitërincosopita anitotëranquëmaꞌ.

Juan 4:27

Naporo chachin caꞌtanoꞌsanënpitacoi oꞌmantarai. Sanapi nontarin, quënanquimarai. “¿Maꞌmarëtaꞌ iso sanapi nontarin? ¿Maꞌtaꞌ nohuantërin?” taꞌtoi, yonquinëhuëi quëran paꞌyanpiraihuëꞌ, co natanaihuëꞌ.

1 Samuel 1:10

Inaquë nipachina naꞌnërin. Parisitërinso marëꞌ co napion cancantaton naꞌnërin. Naꞌnëton Sinioro nontërin.