2 Reyes 4:26 - Chayahuita (Shahui)

²⁶ Taꞌarahuaton nacapiquëꞌ. Quënamarahuaton, soꞌin, huaꞌhuin, inapita onpohuinsona yaꞌhuëapiso natamaquëꞌ, itërin. Inasoꞌ paꞌsahuaton natamapirinhuëꞌ: “Noya yaꞌhuëapi,” itërin topinan.

2 Reyes 4:26 ပူးပေါင်းရင်းမြစ်များ

Génesis 29:6

—¿Noya yaꞌhuëarin? itaantarin. —Noya mini yaꞌhuarin, itopi. Napotahuatonaꞌ: —¡Maꞌtana huiꞌnin Naquira itopisoꞌ huëꞌsarin! Ohuicanënpitarë chachin huëꞌsarin, itaantapi.

Génesis 37:14

—Inta conpa. Paꞌsahuaton iyamashoroꞌsa niꞌcontaquëꞌ. Ohuicaroꞌsaꞌ, chiporoꞌsaꞌ, inapitanta onpoinsona nisapisoꞌ, nahuicontaquëꞌ. Ina quëran huëꞌsahuaton, onpoapisona shaꞌhuitiico canta nitochi, itërin. Cacoposo Ipron motopianaroꞌsa quëran, Cosi aꞌparin. Inaso paꞌsápaton Siquimoquë canconin.

Génesis 43:27

Cosiri iinpita nontahuaton itapon: —Iꞌhua oꞌmapomaꞌ: ¿Tatahuëi yaꞌhuëarin itëramaco pora? ¿Noya yaꞌhuëarin? ¿Nanpiarin ipora huanta ti? itërin.

2 Samuel 18:29

Napotohuachina copirnori itapon: —¿Apësaron poꞌ? ¿Co manta onporinhuëꞌ? itërin. —Coaposoꞌ, quëma piyapinën. Huëcaꞌhuaso marëꞌ ina camaiasonco chachin sontaroꞌsa panca noncarorapi. Noncarorapirinahuëꞌ, co caso nitotërahuëꞌ maꞌsona onpopisoꞌ, itërin Aimasëri.

2 Reyes 4:23

—¿Maꞌmarëta iporasoꞌ yaniꞌnan? Co yoquiaꞌhuaraihuëꞌ. Co sahuatohuëꞌ, itërin soꞌini. —Ama paꞌyanquësohuëꞌ. Noya paꞌsarahuë, itaantarin saꞌinintaꞌ.

2 Reyes 4:25

Irisiosoꞌ, Carmiro motopiquë yaꞌhuëarin niꞌton, inaquë paꞌnin. Yaꞌcaritahuachina, nohuitahuaton piyapinën itapon: —Sonin sanapi, yáyacaparëso huëꞌsarin, niꞌquëꞌ.

2 Reyes 4:27

Cancontahuachina, Irisio quënancontarahuaton, iporantërin. Ina nicaton piyapinënisoꞌ yachiꞌhuincapirinhuëꞌ: —Tananpitëquëꞌ. Co napion cancantaton napoarin. Napoaponahuëꞌ, maꞌsona onporinso co Sinioro anitochátërarincohuëꞌ.

2 Reyes 5:22

—Co manta onpopiraihuëꞌ, huaꞌanëhuë aꞌparinco nontaꞌhuanquënso marëꞌ. Naporin: “Cato pënëntonaꞌpi huiꞌnapiꞌsaꞌ, Iprain huënton motopiroꞌsa quëran nicaponaco canquipi. Napoaton inapita quëtaꞌhuaso marëꞌ cara huaranca coriqui prata quëran nininsoꞌ, nohuantaparanquën. Ina nisahuaton cato aꞌmocasontaꞌ, nohuantërahuë,” tënin, itërin.

Levítico 10:3

Ina quëran Moisësëri Aaron itapon: —Pocamasoꞌ mini apiratatënquëma iꞌhua Sinioro naporin: “Yaꞌcaririnacosopita, noya noya ninahuëso aꞌnotarahuë. Israiroꞌsanta huënaratërahuësoꞌ, aꞌnotarahuë,” tënin. Aaronso nipirinhuëꞌ, co manta tëninhuëꞌ.

Hechos 15:36

Nani huaꞌquimiachin yaꞌhuëhuachinara, Paonori itërin: —Huëquëꞌ paꞌa iyasha. Iꞌhua naꞌa ninanoquë Sinioro nanamën shaꞌhuirëꞌ. Paatëꞌ Quisoso imapisopita niantaꞌa. ¿Onpoapitaꞌmapaꞌ? itërin.

1 Samuel 17:18

Isonta shonca quiso ohuaca shoꞌshoiꞌ quëran nipinan, capitan huaꞌan quëpatëquëꞌ. Iya mashoroꞌsa onpoinsona nisapisoꞌ, niꞌcontaquëꞌ. Naporahuaton noya yaꞌhuapiso nitotaꞌhuaso marëꞌ, maꞌsha tëranta quëchinën quëshico, itërin.

1 Samuel 3:18

Napotohuachina, Samoirori yaꞌipi Siniorori anitotërinso shaꞌhuitërin. Ina natanaton, Iriso panca paꞌyanin: —¡Sinioro nichinapon chachin maꞌsona nohuantërinsoꞌ niin! tënin.