2 Reyes 25:9 - Chayahuita (Shahui)

⁹ Inasoꞌ, sontaronënpitarë chachin Yosë chinotacaso pëi iꞌchinpitërin. Copirno huaꞌanëntërinso pëiꞌ, yaꞌipi noya noya pëi nipisopita, inapitanta inapotërin.

2 Reyes 25:9 ပူးပေါင်းရင်းမြစ်များ

1 Reyes 9:8

Iso pëi noyápiachin nipirinhuëꞌ, ca nohuanton inimicoroꞌsari ohuatohuachinaꞌ, naꞌpiroꞌsaraꞌ yamorápon. Ina nicatona naꞌhuëroꞌsasoꞌ, tëhuaponaꞌ. Tëhuapona pochin inahua capini ninatanapi: ‘¿Onpoatoncha Siniorori napotërin nicaya?’ niitaponaꞌ.

Isaías 64:9

Sinioro ama huachi aquëtë noꞌhuitëquësohuëꞌ. Paꞌpi co noyahuëꞌ ninaisoꞌ, ama yonquiráquësohuëꞌ. ¡Piyapinënpitacoi niꞌton, ama naniantocoisohuëꞌ!

Jeremías 37:10

Canpitari inapita ahuërahuatomaꞌ, acaniaꞌpitëramasoráchin quëparitopirinahuë tërantaꞌ, yaꞌhuëapi quëran noyamiachin huaniantarahuatonaꞌ, ninanonëma iꞌchinpichitonahuë, tënin Sinioro,’ itocoꞌ,” itërinco.

Jeremías 37:8

Papironiaroꞌsa patopirinënquëmahuëꞌ, naquëranchin ahuëinëmaso marëꞌ huëantaponaꞌ. Ahuërahuatënëmaꞌ, minsëarinëmaꞌ. Inapoatona yaꞌipi Quirosarin ninano iꞌchinpitaponaꞌ. Canpitasoꞌ: “Papironia sontaroꞌsa nani patërinënpoaꞌ,” tonamaꞌ. Napoatoma noya cancantëramaꞌ. Co napoapihuëꞌ.

Jeremías 7:14

Siroquë chinotiinacoso nëꞌmëtë pëi iráca yaꞌhuëpirinhuëꞌ, co noyahuëꞌ nipi niꞌton, ataꞌhuantërahuë. Canpitanta chinotëramacoso pëi paꞌpoyainquëmasoꞌ ninapiramahuëꞌ, co noyahuëꞌ ninamaꞌ. Napoaton canpitanta inapita pochachin nitaranquëmaꞌ.

Amós 2:5

Ca nohuanton Cota huënton parti huíquitapon. Ina pëni chachin Quirosarinquë noya noyápiachin pëiroꞌsa yaꞌhuërinsoꞌ, ahuiquitapon,” tënin.

Amós 6:11

Sinioro chachin panca pëiroꞌsa yaꞌhuërinsopita, ataꞌhuantacaiso camaitapon niꞌton, inapoaponaꞌ. Huaꞌhuishin pëiroꞌsantaꞌ, inapotacaiso camaitapon. Napohuachina, yaꞌipi pëiroꞌsa taꞌhuantapon.

Miqueas 3:12

Naporamaso marëꞌ chinotëramacoso pëi ohuatapona niꞌton, pantatápon. Quirosarin ninanontaꞌ, ina pochachin nitapi,’ tënahuë,” tënin.