2 Reyes 25:7 - Chayahuita (Shahui)

⁷ Niꞌtonënquë chachin huiꞌninpita tëparaꞌpiapi. Yaꞌhuërëꞌ inaso ocoshorayarahuatonaꞌ, Papironiaꞌpaꞌ catinaquëtopinan quëpapi. Copirno camaitërinso chachin nipi.

2 Reyes 25:7 ပူးပေါင်းရင်းမြစ်များ

Génesis 21:16

Aquëmiachin paꞌsahuaton, huënsëconin. Ama huaꞌhuin chimininso nicacaso marëhuëꞌ, inaquë huënsëconin. Huënsëhuachina, huiꞌnapiso naꞌnërin huachi.

Génesis 44:34

Coꞌsoꞌ iyaꞌhua pantahuachinsoꞌ, co caso nanitërahuë tatahuëtaquë, panantaꞌhuasoꞌ. Tatahuë maꞌsha onporinsoꞌ, co yaniꞌnahuëꞌ, itërin.

Jeremías 37:17

Aꞌna tahuëri Sitiquiasë copirno huaꞌanëntërinso pëiquë amatërinco. Quëpahuachinacora poꞌoana quëran nataninco: —¿Maꞌsona tëranta Sinioro anitotërinquën to? itërinco. —Anitotërinco mini. Quëmasoꞌ chiníquën nanantopiranhuëꞌ, Papironia copirno minsërahuatënquën masarinquën, itërahuë. Napotahuato, carinta copirno natanahuë: —Maꞌta onpotatënquën tëhuëtëranquën. Catahuarinënquënsopita huaꞌanoꞌsahuë nipon, yaꞌhuëhuanoꞌsahuë nipon ¿Maquëta tëhuëtëranquëma niꞌton, tashinan pëiquë poꞌmoramaco?

Jeremías 38:23

Yaꞌipi saꞌanpita, huiꞌnanpita, inapita papironiaroꞌsaquë yocaponaꞌ. Quëmanta co chaꞌësaranhuë niꞌton, Papironia copirnoquë yocaponën. Naporahuatona Quirosarin ninanontaꞌ, iꞌchinpitaponaꞌ, itërahuë.

Jueces 16:21

Naporoꞌ huiristinoꞌsari mapi huachi. Masahuatona papoirayatopi. Ina quëran Casa ninanoquë quëpapi. Inaquë shaꞌpi huaꞌna catinaquë catinaquëtopi. Inapotahuatona tashinan pëiquë pëꞌsanto raꞌpi masho ohuërërápaso marëꞌ acopi.