2 Reyes 24:14 - Chayahuita (Shahui)

^14-16 Naporahuaton Quirosarinquë yaꞌhuëpisopita, yaꞌipi pochin quiquirin. Huaꞌanoꞌsa nipisopita, noya noya sontaroꞌsaꞌ, maꞌsha ninaꞌpiroꞌsaꞌ, huaꞌna camayoroꞌsaꞌ, inapita. Yaꞌipiya quëran shonca huaranca yaꞌpi pochin quëpapi. Caraya pochin piyapiꞌsa Cota huëntonquë quëparitopi. Saꞌa saꞌahua nipisopitaráchin patopi. Naporoꞌ Coaquin copirnontaꞌ, aꞌshinë chachin quëpapi. Saꞌinpita, huaꞌanoꞌsaꞌ, maꞌhuanoꞌsaꞌ, yaꞌipi inapita Quirosarin quëran Papironiaꞌpaꞌ quëpapi. Canchisë huaranca sontaroꞌsa míso ahuëtopiráchin quëpapi. Maꞌsha ninaꞌpiroꞌsaꞌ, huaꞌna camayoroꞌsa inapitantaꞌ, huaranca icanpi.

2 Reyes 24:14 ပူးပေါင်းရင်းမြစ်များ

2 Reyes 25:12

Inapotahuatonaꞌ, caraíchin pochin patopi huachi. Saꞌahua nipisopita, nosorotapisopita, inapitaíchin pataantapi. Oparoroꞌsaꞌ, iminoꞌsaꞌ, inaquëpita sacatacaiso marëꞌ patopi.

Mateo 1:11

Ina huiꞌnin Quiconiasë itopi. Iinpitantaꞌ yaꞌhuërin. Naporoꞌ cotioroꞌsasoꞌ, inimicoroꞌsari Papironia quëran huëcatonaꞌ, canaipi. Minsërahuatonaꞌ, napopinchin yaꞌhuëpiꞌpaꞌ quëpapi asacatacaiso marëꞌ.

Mateo 1:12

Ina piquëran Quiconiasë huiꞌnahuanpachina, Saratiri itopi. Ina huiꞌnin Soropapiri itopi.

Mateo 1:17

Nani Quisocristo shimashonënpita shaꞌhuitëranquëmaꞌ. Apraan quëran Tapi copirno yaꞌconaquë huarëꞌ shonca catapini shimashonënpita yaꞌhuëtërin. Ina quëran Papironiaquë quëpai huarëꞌ shonca catapini shimashonënpita ninshitantaranquëmaꞌ. Ina quëran Quisocristo nasitaquë huarëꞌ, shonca catapini chachin shimashonënpita ninshitantaranquëma huachi.

1 Samuel 13:19

Yaꞌipi israiroꞌsa noꞌpanënaquë co aꞌnaya tëranta huaꞌna camayo yaꞌhuërinhuëꞌ. Huiristinoꞌsaso ina nitotoroꞌsa niponaraihuëꞌ, co israiroꞌsa yaaꞌchintopihuëꞌ: “Aꞌchintohuatëhuaꞌ, inahuanta ahuëtacaiso marëꞌ sahuëniroꞌsaꞌ, nansaroꞌsaꞌ, inapita nisapi,” taꞌtonaꞌ, apiratopi aꞌchintacaisoꞌ.