2 Reyes 23:6 - Chayahuita (Shahui)

⁶ Nara moshacaiso marënta patëtopisoꞌ, Yosë chinotacaso pëiquë yaꞌhuëpirinhuëꞌ. Inasoꞌ, Asotariti itopi. Inantaꞌ, Cosiasë camaitërin quëran corto huaꞌanoꞌsari ocoipi. Ocoirahuatonaꞌ, Sitron iꞌsha yonsanquë aꞌpëpi. Ina quëran yanonën masahuatonaꞌ, saꞌahuaroꞌsa chiminpachinara paꞌpitopisoanaquë paꞌsapi.

2 Reyes 23:6 ပူးပေါင်းရင်းမြစ်များ

1 Reyes 16:33

Naporahuaton naranta moshacaiso marëꞌ ahuanirin. Ina naraquë chachin Asira itopisoꞌ mamanshi nonanpi. Inapita anitërinso marëꞌ Siniorori Acapo noꞌhuirin. Aꞌnapita copirnoroꞌsa noꞌhuirin quëran, naꞌcon naꞌcon ina noꞌhuirin.

2 Reyes 23:12

Manasisi copirno yaꞌhuëapon, mamanshiroꞌsa moshacaiso marëꞌ artaroroꞌsa anitërin. Sinioro chinotacaso pëi iꞌiratënquë, anitërin. Aꞌnapita copirnoroꞌsantaꞌ, ina pochachin anitopi. Acaso copirno patoananën aꞌcaontarinso aipi artaroroꞌsa anitopi. Inapita artaroroꞌsantaꞌ, Cosiasë copirnori aohuatërin. Inapita paꞌqui paꞌquitopi. Inapotahuatona noꞌmorainpitasoꞌ, Sitron iꞌshaꞌpaꞌ inquiitopi.

2 Reyes 23:15

Napato huiꞌnin Quiropoamo copirnonta iráca, inaora nohuanton artaro acopisoanpi Pitiriquë acorin. Toroaꞌhua nonanpisoꞌ moshacaiso marëꞌ naporin. Inaquë moshatatonaꞌ, israiroꞌsa oshahuanpi. Cosiasë, corto huaꞌanoꞌsaꞌ, yaꞌcoana aꞌpairoꞌsaꞌ, inapitari paꞌsahuatonaꞌ, ohuatoonpi. Inapotahuatona paꞌqui paꞌquitopi. Noꞌmoraináchin acorahuatonaꞌ, ahuiquitopi. Inaquë chachin Asira mamanshi nonanpisonta yaꞌhuëpirinhuëꞌ, inanta inapotopi.

Éxodo 32:20

Ina quëran toroaꞌhua nonanpisoꞌ masahuaton pënquë tëꞌyatërin. Naporahuaton pëꞌsanin. Noꞌmo noꞌmoshin nipachina, iꞌquë opoitërin. Nani opoitohuachina, ina iꞌsha oꞌocaiso marëꞌ israiroꞌsa camairin.

Jeremías 31:40

Chimipiroꞌsaꞌ, huarianoꞌ, inapita tëꞌyatopiso motopiana, ca marëꞌ acoaponaꞌ. Yaꞌipi iminoꞌsantaꞌ, Sitron iꞌshaquë huarëꞌ inapotaponaꞌ. Ina quëran: ‘Cahuarioroꞌsa yaꞌcoana’ itopiquë huarëntaꞌ, inapoaponaꞌ. Inasoꞌ yaꞌcoana piꞌi pipirinso parti quëran yaꞌhuërin. Inapotohuachinaꞌ, co huachi onporo tëranta ataꞌhuantaantaponahuëꞌ,” tënin.

Juan 18:1

Nani Yosë nontohuachina, Sitron itopisoꞌ iꞌshanantëꞌ aquëtëran paꞌnai. Inaquë nararoaꞌhua yaꞌhuërin.

Deuteronomio 7:25

Mamanshinëna chinotopisoꞌ, ahuiquitaramaꞌ. Aꞌnaquën mamanshi oro quëran, prata quëran ina quëranpita tanónën pashitopi. Niꞌcona ina machináchin cancantotamaꞌ. Inapohuatamasoꞌ, co Sinioro nohuantërinsohuëꞌ nisaramaꞌ.

Deuteronomio 9:21

Ina quëran toroaꞌhua nonanamasoꞌ manahuë. Ina marëꞌ oshahuanama niꞌton, pënquë tëꞌyatërahuë. Naporahuaton pëꞌsanahuë. Noꞌmo noꞌmoshin nipachina, motopi quëran iꞌsha oꞌmarinquë opoitërahuë.