2 Reyes 23:2 - Chayahuita (Shahui)

² Amatohuachina, yaꞌipi huëꞌpi. Yaꞌipi Quirosarinquë yaꞌhuëpisopitantaꞌ, niyontonpi. Pënëntonaꞌpiroꞌsaꞌ, corto huaꞌanoꞌsaꞌ, inapitanta Yosë chinotacaso pëiquë niyontonpi. Inaquë Cosiasë copirnosoꞌ, Siniororë anoyatopiso quirica ninshitopisoꞌ chiníquën nontërin. Inasoꞌ quirica Sinioro chinotacaso pëiquë nasha quënanpisoꞌ.

2 Reyes 23:2 ပူးပေါင်းရင်းမြစ်များ

Génesis 19:11

Naporo chachin piyapiroꞌsa aipiran nisapisopita, aꞌnaroáchin asomarayapi huachi. Huiꞌnapiroꞌsa quëran, mashoroꞌsaquë huarëꞌ yaꞌipi somarayapi. Ina nipirinahuë tërantaꞌ, amiai huarëꞌ yaꞌcoana yonípi.

1 Reyes 8:9

Yosë caposonënquësoꞌ, cato naꞌpitëaꞌhuaroꞌsa yaꞌhuërin. Inapitaquë israiroꞌsa Siniororë anoyatopisoꞌ, ninshitopi. Iquipito quëran pipipona Sinaiquë Moisësëri poꞌmorin.

2 Reyes 22:8

Napotohuachina, paꞌsahuaton shaꞌhuitoonin. Nani natanahuaton, Iriquiasësoꞌ aꞌna shaꞌhuitërin: “Sinioro chinotacaso pëi acoana, iráca pënëntërinsoꞌ quirica quënanai. Maꞌtana isoꞌ,” itahuaton quëtërin. Quëtohuachina, Sahuinsoꞌ ina maꞌparahuaton nontërin.

Nehemías 9:3

Naporo chachin Yosë pënëntërinsoꞌ quirica, cara ora pochin nontopi. Ina quëran nápo ora chachin oshanëna yonquiatonaꞌ, Sinioro shaꞌhuitopi. Naporahuatona Sinioro chinotopi.

Copo naporinso' 3:19

Chimipiroꞌsa yaꞌhuëpiquësoꞌ, maꞌhuanoꞌsa saꞌahuaroꞌsarëꞌ, napopináchin yaꞌhuërapi. Aꞌnaquën huaꞌanëhuanpirinahuëntaꞌ, inaquësoꞌ, co huachi huaꞌanëhuanpihuëꞌ.

Salmos 115:13

Ina noya nicatona natëpisopitantaꞌ, catahuararin. Huaꞌanoꞌsaꞌ, topinan piyapiꞌsaꞌ, inapitanta imapachinaꞌ, catahuararin.

Hechos 26:22

Yosësoꞌ catahuarinco, chaꞌërahuë. Napoaton ipora huantaꞌ natëarahuë. Yaꞌipi piyapiꞌsaꞌ huaꞌanoꞌsa quëran huarëꞌ shaꞌhuitarahuë. Moisësë, pënëntonaꞌpiroꞌsaꞌ, inapita ninopiso chachin aꞌchinarahuë:

Deuteronomio 31:26

“Pënëntërinsoꞌ quirica ninshitërahuëso macoꞌ. Masahuatomaꞌ, Siniororëꞌquënpoa anoyatërëhuaso caposonën pirayan acocoꞌ. Inaquë yaꞌhuëcaso marëꞌ acocoꞌ. Inaquë yaꞌhuëaton, co natëtohuatamahuëꞌ Sinioro anaꞌintiinquëmaso yaꞌhuërinso ayonquiarinquëmaꞌ.

Apocalipsis 20:12

Ayaroꞌ tahuëri nani nanirin niꞌton, yaꞌipi chiminpisopita inatohuaꞌ huaniáponaꞌ. Huaꞌanoꞌsaꞌ, topinan piyapiꞌsaꞌ, inapita yaꞌipiya inaquë paꞌsapi. Yosëri anaꞌintacaso marëꞌ ayontonarin. Naporoꞌ quiricaroꞌsaꞌ inápaquë ninshitërinsoꞌ aꞌnaya aꞌnaya oniriarin. Aꞌnasoꞌ nanpirin quirica itopisoꞌ. Inaquë Yosë imapisopita nininënpita nani ninshitopi. Aꞌna quiricantaꞌ yaꞌhuërin. Inaquë yaꞌipi ninëhuasopita ninshitërinpoaꞌ. Noya ninëhuasopita, co noyahuëꞌ ninëhuasopita, yaꞌipiya nani ninshitërinpoaꞌ. Ina nontaton, Yosëri anaꞌintarin.

1 Samuel 5:9

Quëpapirinahuëꞌ, Siniororiso ina ninanoquë yaꞌhuëpisopita yaꞌhuërëꞌ, chiníquën anaꞌintërin. Huaꞌhuaroꞌsa quëran mashoroꞌsaquë huarëꞌ panca piꞌpiraꞌpiapi. Inapoatona chiníquën parisitapi. Napoaton inahuanta panca paꞌyanpi.