2 Reyes 23:11 - Chayahuita (Shahui)

¹¹ Iráca copirnoroꞌsari piꞌi moshacaiso marëꞌ toronan cahuarionënpitarë chachin acotopi. Inapitasoꞌ Sinioro chinotacaso pëi yaꞌcoanaquë acopi. Ina pirayan Natan-mirico huaꞌan yaꞌhuërin. Ina huaꞌani cahuarioroꞌsa ina marëꞌ acopisoꞌ aꞌpairin. Napopirinahuëꞌ Cosiasëri ina cahuarioroꞌsa aosërëtërin. Toronanta aꞌpërahuaton ahuiquitërin.

2 Reyes 23:11 ပူးပေါင်းရင်းမြစ်များ

2 Reyes 23:5

Amon copirno, Manasisi copirno, inapitaso iráca mamanshiráchin paꞌyatopi. Napoatona inapita moshacaiso marëꞌ corto huaꞌanoꞌsa acoraꞌpiapi. Quirosarin pairapipisoꞌ tahuirinquë, inahuara nohuanton artaroroꞌsa acopiso yaꞌhuërin. Cota huënton ninanoroꞌsaquënta yaꞌhuërin. Inaquëpita ina corto huaꞌanoꞌsasoꞌ, Paaro marëꞌ, piꞌi marëꞌ, nisha nisha tayoraroꞌsa marëntaꞌ, yonarin pochin nininsoꞌ aꞌpëpi. Yaꞌipi ina corto huaꞌanoꞌsa Cosiasëri camaiton: “Canpitasoꞌ co huachi corto huaꞌanoꞌsa nisaramahuëꞌ. Co huachi yonarin pochin nininsoꞌ aꞌpëaramahuëꞌ,” itërin.

Copo naporinso' 31:26

Piꞌi noyápiachin aꞌpinin niꞌnahuë. Yoquinta paꞌyápiro yaꞌnorin.

Deuteronomio 4:19

Piꞌiroꞌtënta nëꞌpëhuatamaꞌ, niꞌcona piꞌi, yoqui, tayoraroꞌsaꞌ, inapita quënanatoma moshachináchin cancantotamaꞌ. Inapitasoꞌ yaꞌipi piyapiꞌsa aꞌpintacaso marëꞌ acorin. Canpoaso nipirinhuëꞌ, Yosëíchin chinotacaso yaꞌhuërin.