2 Reyes 23:10 - Chayahuita (Shahui)

¹⁰ Pini-inon motopianaquëntaꞌ, Moroco mamanshi moshacaiso marëꞌ artaro yaꞌhuërin. Inaquë aꞌnaquën huiꞌnina ahuiquitahuatonaꞌ, ina mamanshi moshapi. Inapopirinahuëꞌ, Cosiasëri camairin ina artaro tapicaisoꞌ. Ama insonta huachi, inaquë huiꞌnina aꞌpëcaiso marëhuëꞌ inapotopi.

2 Reyes 23:10 ပူးပေါင်းရင်းမြစ်များ

Jeremías 19:4

Yaꞌipinquëma aꞌporamaco niꞌton, noꞌpaꞌ quëtëranquëmaso tapiatomaꞌ, nisharoꞌpaꞌ pochin atarantëramaꞌ. Nisha nisha mamanshiroꞌsa moshacamaso marëꞌ yonarin pochin nininsoꞌ aꞌpëramaꞌ. Inapita mamanshiroꞌsasoꞌ co nohuitëramahuëꞌ. Shimashonëmapitarintaꞌ, co nohuitopihuëꞌ. Co Cota huënton copirnoroꞌsa tëranta nohuitopirinahuëꞌ, mosharamaꞌ. Naporahuaton naꞌa piyapiꞌsa co manta onpopirinahuëꞌ, tëparamaꞌ.

Jeremías 19:6

Naporamaso marëꞌ tahuëri nanihuachin ina motopianasoꞌ, co huachi Tohuito itaponahuëꞌ. Co Pini-inon motopiana, itaponahuëꞌ. “Israiroꞌsa tiquipiquë motopiana,” itaponaꞌ. Ca Sinioroco shaꞌhuitaranquëmaꞌ.

Mateo 5:22

Co tëpatërëso marëáchin anaꞌintinpoasoꞌ yaꞌhuërinhuëꞌ, tënahuë. Aꞌna piyapi noꞌhuihuatamaꞌ, anaꞌintarinquëmaꞌ. Pinotohuatamantaꞌ, cotio ansianoꞌsaꞌ anaꞌinchinquëmaꞌ. Cancanëma quëran huarëꞌ noꞌhuitomaꞌ, ‘Quëmasoꞌ sopainquën,’ itohuatamaꞌ, pënquë chachin parisitacasoꞌ yaꞌhuërin, tënahuë.