2 Reyes 22:3 - Chayahuita (Shahui)

^3-4 Copirnoroꞌsa huaꞌanëntërinso ninshitonaꞌpisoꞌ, Sahuin itopi. Inaso paꞌpin, Asariasë itopi. Inanta paꞌpin, Misoramo itopi. Cosiasë copirno shonca canchisë piꞌi copirno yaꞌconinso nisahuasoꞌ, Sahuin përasahuaton, Sinioro chinotopiso pëiquë aꞌparin. Inaquë Iriquiasë corto huaꞌan nontaton, iso pochin shaꞌhuitacaso marëꞌ camairin: —Nihuiroꞌsasoꞌ, Sinioro chinotacaso pëi yaꞌcoanaquë aꞌpaitopi. Naporahuaton israiroꞌsa Sinioro marëꞌ coriqui quëpachinara, yontonpi. Ina yontonpiso maꞌpaquëꞌ.

2 Reyes 22:3 ပူးပေါင်းရင်းမြစ်များ

2 Reyes 23:23

Cosiasë copirno, shonca posa piꞌipi copirno yaꞌconinso naniquë huarëꞌ, Quirosarinquë naꞌhuëantapi.

Jeremías 36:10

Parocontaꞌ, inaquë paꞌnin. “Nasha yaꞌcoana,” itopisoꞌ notënanquë “Inapa iꞌiratëꞌ,” itopiso yaꞌhuërin. Inaquë pantarahuaton, Sahuin huiꞌnin Quimariasë itopisoꞌ patoananën quëran, yaꞌipiya natantasoi quirica ninshitërinsoꞌ nontërin.

Jeremías 36:11

Micaiasëntaꞌ, huaꞌan yaꞌconin. Inasoꞌ, Quimariasë huiꞌnin, nisahuaton Sahuin shiin. Inantaꞌ, yaꞌipi Paroco quirica nontërinsoꞌ natanin.

Jeremías 36:12

Natanahuaton, copirno huaꞌanëntërinso pëiquë paꞌnin. Quirica ninshitonaꞌpi patoananënquë, chiníquën nanantopisopita huaꞌanoꞌsa nani niyontonpi. Irisama ninshitonaꞌpi, Simaiasë huiꞌnin Piraia, Acaporo huiꞌnin Irnatan, Sahuin huiꞌnin Quimariasë, Ananiasë huiꞌnin Sitiquiasë, inapita. Nisahuaton, aꞌnapita huaꞌanoꞌsanta nani niyontonpi.