2 Reyes 22:2 - Chayahuita (Shahui)

² Cosiasë huaꞌanëntapon noyasáchin ninin. Noꞌtëquën Sinioro natërin. Iráca shimashonën Tapi naporinso pochin inanta ninin.

2 Reyes 22:2 ပူးပေါင်းရင်းမြစ်များ

1 Reyes 11:38

Yaꞌipi camairanquënsopita natëton noya nipatansoꞌ, noya niꞌsaranquën. Tapisoꞌ iráca nanpipon, pënëntërahuësoꞌ, camaitërahuësoꞌ, inapita natërin. Ina pochin quëmanta natëhuatanco, carinquën catahuaranquën niꞌton, quëmá quëran pipipisopitaráchin israiroꞌsa huaꞌanëntaponaꞌ. Tapi shaꞌhuitërahuëso chachin quëmanta nitaranquën.

1 Reyes 3:6

Natanahuaton inarisoꞌ: “Tatacosoꞌ quëma piyapinën. Inasoꞌ, noꞌtëquënáchin imamiatërinquën. Noyasáchin nicaton, co manta ihuatërinhuëꞌ. Ina marëꞌ quëmarisoꞌ noya nicaton catahuaran. Ina nosoroaton israiroꞌsa huaꞌanëntaꞌhuaso marëꞌ acoranco cantaꞌ. Quëma nohuanton huiꞌnapico niporahuëꞌ, ina yaꞌhuërënamën huaꞌanëntaꞌhuaso marëꞌ acoranco. Co manta camaitaꞌhuaso nitotopirahuëꞌ, napotëranco.

Josué 1:7

Napoaton ama tëꞌhuatonhuëꞌ, chiníquën cancantëquëꞌ. Piyapinëhuë Moisësë nani pënëninquëmaꞌ. Yaꞌipi ina pënëntërinsoꞌ natëquëꞌ. Ama manta ina naniantëquësohuëꞌ. Ina pochin nipatan yaꞌipi maꞌpitaso ninanquë noya pipitarinquën.