2 Reyes 2:9 - Chayahuita (Shahui)

⁹ Aquëtëran nipachinara, Iniasëri itapon: —Ipora tahuëri pataranquën. Coꞌhuara pachátëraponquënhuëꞌ, shaꞌhuitoco maꞌsona nohuantëransoꞌ acochinquën, itërin. Napotohuachina, inariso itapon: —Quëmaso maistro, Sinioro ispiritonën yaꞌcoancantërinquën niꞌton, nani maꞌsha nanitaparan. Caso nipirinhuëꞌ, quëmá quëran naꞌcon naꞌcon yaꞌcoancanchinco topirahuë, itërin.

2 Reyes 2:9 ပူးပေါင်းရင်းမြစ်များ

1 Reyes 19:16

Yaꞌhuërëꞌ israiroꞌsa copirnonën nicacaso marëntaꞌ, Nimisi shiin Quio itopisoꞌ, acoquëꞌ. Quëma yaꞌhuërënamën pënëntonaꞌpi nicacaso marëntaꞌ, Sahuati huiꞌnin Irisio itopisoꞌ, acoquëꞌ. Inasoꞌ, Apiri-miora ninanoaꞌhuaquë yaꞌhuërin.

1 Reyes 3:9

Ina pochin nacionsoꞌ, co insonta nanitërinhuëꞌ inaora noya huaꞌanëntacasoꞌ. ¡Quëmari anitotohuatan tëhuënchinsoꞌ, noya camaitapon! Napoaton yonquínahuan nicaꞌhuaso marëꞌ catahuaco. Noya nininsoꞌ, co noyahuëꞌ, nininsoꞌ inapita nitochi. Inapita nitotohuato piyanënpita noya huaꞌanëntarahuë,” itërin.

Salmos 72:1

Quëmasáchin Yosënquën niꞌton chinotaranquën. Copirnonëhuëi catahuaquëꞌ. Quëma pochin noꞌtëquën yonquiaton, noyasáchin niin.

Salmos 72:20

Isëquë huarëꞌ Tapi Yosë nontërinsopita taꞌhuantërin. Inasoꞌ, Quisi huiꞌnin.

Zacarías 9:12

Naquëranchin Sinioro taantarin: “Naꞌaquëma nisha nisha parti quëpapirinënquëmahuëꞌ: ‘Sinioro nichaꞌësarinpoaꞌ,’ taꞌtoma ninaramaco. ¡Iporaso tahuëri nanirin niꞌton, Quirosarinquë chachin panantacoꞌ! Inasoꞌ, noyá niacorapiramaso ninanoꞌ. Nisha nisha parti paatoma naꞌcon parisitopiramahuëꞌ, naporama quëran naꞌcon naꞌcon catahuatënquëmaꞌ, noya noya acoantaponquëma huachi.

Números 11:17

Inaquë oꞌmarahuato nontaranquën. Naporoꞌ inapita ayaꞌcoancatacaso marëꞌ, napoinchin ispirito quëtëranquënsoꞌ mataranquën. Inapitanta quëma pochin cancantatonaꞌ, israiroꞌsa quëpacaisoꞌ catahuapënën.

Números 11:25

Naporoꞌ Siniorosoꞌ chitoroquë oꞌmarahuaton, Moisësë nontiimarin. Ina quëran napopinchin ispirito quëtërinsoꞌ matahuaton, canchisë shonca ansianoroꞌsa quëtërin. Inari yaꞌcoancantohuachina, pënëntonaꞌpiroꞌsa pochin caniaritopi Yosë yonquirinsoꞌ shaꞌhuicaisoꞌ. Napoaponahuë napopisoꞌ, naporoíchin naporin.

Juan 16:7

Noꞌtëquën itëranquëmaꞌ. Canpita marëꞌ paantaꞌhuasoꞌ noya, tënahuë. Co paantahuatohuëꞌ, Ispirito Santo co oꞌmarinhuëꞌ catahuainquëmaso marëꞌ. Nipirinhuëꞌ, paantahuato, ina aꞌpatimaranquëmaꞌ.

Hechos 1:8

Iporaso nipirinhuëꞌ Ispirito Santo naꞌcon catahuarinquëmaꞌ. Yaꞌcoancantohuachinquëmaꞌ, nóya pënëntaramaꞌ. Ina nohuanton, nani maꞌsha nanitaparamaꞌ. Yaꞌipi naporahuësoꞌ niꞌnamaꞌ, nani nitotëramaꞌ. Aꞌnapitantaꞌ shaꞌhuitocoꞌ. Quirosarinquë chachin shaꞌhuitocoꞌ. Ina quëran yaꞌipi Cotia parti paatomaꞌ, shaꞌhuitoncoꞌ. Samaria partintaꞌ shaꞌhuitoncoꞌ. Yaꞌipi parti paatomaꞌ, shaꞌhuitëraꞌpiacoꞌ, itërin Quisosori.

Hechos 8:17

Ina quëran sëꞌhuamotohuachinara, Ispirito Santori yaꞌcoancantërin.

1 Corintios 12:31

Yosë nontocoꞌ Ispirito Santo catahuainquëmaꞌ noya noya nininsopita nitotatomaꞌ aꞌnapita catahuacaso marëꞌ. Napoaponahuëꞌ, piyapi nosorocasoꞌ noya nóya tënahuë. Ina aꞌchinchinquëmaꞌ.

Deuteronomio 34:9

Moisësë coꞌhuara chiminyátëraponhuëꞌ, Cosoi marëꞌ Yosë nontërin. Sëꞌhuamotorahuaton huaꞌan acocaso marëꞌ, nontërin. Napoaton Siniorori catahuarin noya yonquiaton, israiroꞌsa camaicasoꞌ. Camaitohuachina, yaꞌipi israiroꞌsari natëpi. Siniorori Moisësë shaꞌhuitërinso chachin nipi.

1 Timoteo 5:17

Aꞌnaquën ansianoꞌsaꞌ noya noya Yosë marëꞌ sacatopi. Paatonaꞌ, nani tahuëri aꞌchinápi, pënëntápi. Inapita noya noya niꞌcoꞌ.