2 Reyes 2:5 - Chayahuita (Shahui)

⁵ Canconpachinara, pënëntonaꞌpiroꞌsa inaquë yaꞌhuëpisopitari yaꞌhuërëꞌ, nacapipi. Nacapirahuatonaꞌ, Irisio itaponaꞌ: —Siniorori maistronën ipora tahuëri quëpararin. ¿Nani ina nitotëran to? itopi. —Nani mini nitotërahuë. Ama napoaponahuë canpitasoꞌ, ina shaꞌhuicosohuëꞌ, itërin Irisiori.

2 Reyes 2:5 ပူးပေါင်းရင်းမြစ်များ

Génesis 48:19

Paꞌpinso nipirinhuëꞌ, co nohuantërinhuëꞌ inapocasoꞌ. Napoaton itapon: —¡Naporin mini conpa, nani nitotërahuë! Manasisinta shinpita quëran panca nacion nisarin. Iyaaꞌhuainso napoaponahuëꞌ, noya noya nicaton shinpita quëran naꞌcon naꞌcon nacionoꞌsa pipiarin.

2 Reyes 2:3

Canconpachinara, pënëntonaꞌpiroꞌsa inaquë yaꞌhuëpisopitari nacapipi. Nacapirahuatonaꞌ, Irisio itaponaꞌ: —Siniorori maistronën ipora tahuëri quëpararin. ¿Nani ina nitotëran to? itopi. —Nani mini nitotërahuë. Ama napoaponahuë canpitasoꞌ, ina shaꞌhuicosohuëꞌ, itërin Irisiori.

2 Reyes 4:1

(-)

2 Reyes 5:22

—Co manta onpopiraihuëꞌ, huaꞌanëhuë aꞌparinco nontaꞌhuanquënso marëꞌ. Naporin: “Cato pënëntonaꞌpi huiꞌnapiꞌsaꞌ, Iprain huënton motopiroꞌsa quëran nicaponaco canquipi. Napoaton inapita quëtaꞌhuaso marëꞌ cara huaranca coriqui prata quëran nininsoꞌ, nohuantaparanquën. Ina nisahuaton cato aꞌmocasontaꞌ, nohuantërahuë,” tënin, itërin.

2 Reyes 6:1

Aꞌna tahuëri pënëntonaꞌpiroꞌsari Irisio itaponaꞌ: —Canpoasoꞌ, naꞌaquënpoa yaꞌhuërëhuaꞌ. Napoaton pëi yaꞌhuëtërëhuasoꞌ, co nanirëhuahuëꞌ.

Eclesiastés 3:7

Oshacaso tahuëri. Osharësonta pipitaantacaso tahuëri. Taꞌtápaso tahuëri. Nonacaso tahuëri.

Isaías 41:1

Naquëranchin Sinioro taantarin: “Marë yonsanquë nacionoꞌsa yaꞌhuëramasopita, taꞌtatoma nontaranquëmasoꞌ natancoꞌ. Chiníquën cancantatoma huëco noanhuaꞌ. Chiníquën nanan yaꞌhuërin niꞌton, niyontonatëhua noanhuaꞌ.

Amós 7:14

Napotohuachincora: —Co caso pënëtonaꞌpicohuëꞌ. Naporahuaton co canaꞌhuaso marëꞌ pënëntërahuëꞌ. Caso ohuicaroꞌsa aꞌpaiato sacatërahuë. Naporahuato iquira nara nitërinsoꞌ, yontonato paꞌanahuë.

Habacuc 2:20

Caso nipirinhuëꞌ, Sinioroco niꞌto, pëinëhuëquë yaꞌhuëarahuë. Yaꞌipi isoroꞌpaquë yaꞌhuëramasopita taꞌtápamaso yaꞌhuërin,” tënin.

Lucas 24:51

Nonin quëran chachin inápaquë panantarin.

Hechos 1:11

—¿Maꞌmarëtaꞌ caririaroꞌsanquëmaꞌ inápaquë nëꞌpëtëramaꞌ? Quisoso nani pantarin. Yosëri inápaquë quëpantapirinhuëꞌ, ina chachin oꞌmantararin. Inápaquë paꞌninso pochachin aꞌna tahuëri oꞌmantararin, itërin.

Hechos 1:2

Yaꞌipi inápaquë panantaquë huarëꞌ naporinsoꞌ ninshitëranquën noꞌtëquën nitotamaso marëꞌ. Iporasoꞌ naquëranchin ninshitantaranquën. Coꞌhuara Quisoso inápaquë pantayátëraponhuëꞌ, caꞌtanoꞌsanënpita huayoninsoꞌ shaꞌhuitërin paatonaꞌ aꞌchinacaiso marëꞌ. Ispirito Santo nohuanton, shaꞌhuitërin. Inapita napopisontaꞌ nitochin, taꞌto, ninshitantaranquën.

Hechos 26:25

—Coꞌchi sinioro huaꞌan huaꞌyantërahuëꞌ paya. Noꞌtëquën nonahuë. Sano yonquiato, nontaranquëmaꞌ.

1 Samuel 10:5

Ina quëran paꞌsahuaton Yosë Quipianën itopisoꞌ ninanoquë cansaran. Inaquë panca huënton huiristino sontaroꞌsa yaꞌhuërin. Ina ninanoquë yaꞌconpatamaꞌ, aꞌna huëntonaca pënëntonaꞌpiroꞌsa nacapiaramaꞌ. Yosë yonquirinso shaꞌhuirëꞌnachin huëꞌsapi, nacapiaran. Inahuasoꞌ, inahuara nohuanton artaro acopi quëran nohuaramarapi. Aꞌnaquën quëchitatona nisha nisha piꞌníriapi. Nisha quitara, pantirita, arpa, inapita piꞌníriapi. Pirinanoꞌsanta pihuiriapi nacapiaran.