2 Reyes 2:24 - Chayahuita (Shahui)

²⁴ Napotohuachinara, Irisiori tahuërëtahuaton co noyahuëꞌ niꞌnin: “Napotëramacoso marëꞌ Sinioro co noyahuëꞌ niꞌninquëmaꞌ. Napoaton ama huachi noya yaꞌhuëcamaso marëhuëꞌ, shaꞌhuichinquëmaꞌ,” itërin. Itahuaton pataso chachin, cato tocaniꞌ yaꞌnorin, catapini shonca cato huaꞌhuaroꞌsa oqui oquitahuatonaꞌ, tëpapi.

2 Reyes 2:24 ပူးပေါင်းရင်းမြစ်များ

Génesis 9:25

Natantahuaton, Canaan itapon: “¡Tata tëhuërin niꞌton, paꞌpi co noyahuëꞌ nicatënquën co huachi noya yaꞌhuëcamaso marëhuëꞌ shaꞌhuitaranquën! Yosë chiníquën anaꞌichinquën. Ipora quëran huarëꞌ iyaroꞌsa camaiáponquën. Shiparimapitanta inaporáponaꞌ,” itërin.

2 Samuel 17:8

Nani quëmasoꞌ tataparin nohuitëran. Inasoꞌ, piyapinënpitarë chachin chiníquën cancantonaꞌpiroꞌsaꞌ. Apiramiachin inahuasoꞌ, paꞌpi noꞌhuitapi. Tocani paya huaꞌhuinpita matopiso pochin cancantapi. Naporahuaton tatasoꞌ ahuëton nichinapon chachin nani tantiarin inimiconënpitari ahuëcaisoꞌ. Inapo yonquiaton tashisoꞌ, co piyapinënpitarëꞌ huëꞌëponhuëꞌ.

1 Reyes 19:17

Inapotohuatan, insosona Asairo quëran chaꞌëpachin, Quiori tëpapon. Quio quëran chaꞌëpachin, Irisiori tëpapon. Ina nipirinhuëꞌ, ca nohuanton canchisë huaranca israiroꞌsa imamiatarinaco. Inapitaso mamanshi Paaro itopisoꞌ, co moshapihuëꞌ,” itërin.

2 Reyes 2:25

Ina quëran Irisiosoꞌ, Carmiro motopiꞌpaꞌ paantarin. Ina piquëran Samariaquë huënantarin.

Éxodo 20:5

Ama monshorahuatoma inapita moshacosohuëꞌ. Ama piꞌpian tëranta chinotocosohuëꞌ. Casáchin Sinioroco niꞌto, aꞌpitëranquëmaꞌ. Co natëhuatamacohuëꞌ, anaꞌintaranquëma huachi. Huiꞌnamapita, shiparimapita, huiꞌnama shinpitaquë huarëꞌ anaꞌintarahuë.

Oseas 13:8

Tocaniꞌ huaꞌhuinpita ayataton paaso piyapi quënanpachina, tëparin. Inapotahuaton ninopinën paꞌsa paꞌsatërin. Inapochachin carinquëmantaꞌ, nitaranquëmaꞌ. Paꞌpininta mapintohuachina, mapinën inaranchin pëꞌyarinso pochin nitaranquëmaꞌ. Maton maꞌshantaꞌ, mapinën paꞌsa paꞌsatërin. Inapochachin carinquëmantaꞌ, israiroꞌsanquëma ataꞌhuantaranquëmaꞌ. Co insonta paꞌpoyaponquëmahuëꞌ.

Amós 7:17

Napotopirancohuëꞌ, quëmanta Sinioro maꞌsha yaonpotërinquënso shaꞌhuichinquën: “Aꞌna tahuëri quëmaso saꞌan, iso ninanoquë chachin pota yaꞌconapon. Huiꞌnanpitasoꞌ, sahuëni quëran chiminaponaꞌ. Noꞌpanëntaꞌ, nicanatona maponaꞌ. Quëmaso nipirinhuëꞌ, co Yosë imapiquëhuëꞌ quëpahuachinën, inaquë chiminapon. Israiroꞌsantaꞌ, áquë noꞌpaꞌpaꞌ inimicoroꞌsari quëpaponaꞌ, tënin Sinioro,” itërahuë.

Marcos 11:14

—Ama huachi iso nara nichinsohuëꞌ. Co huachi insoari tërantaꞌ nitërinsoꞌ caponhuëꞌ, tënin Quisoso. Caꞌtanoꞌsanënpitarintaꞌ natanapi.

Marcos 11:21

Ina niꞌsahuaton, Pitro yonquirin. —Niꞌquëchi Maistro. Iquira nara iꞌhuara shaꞌhuitëransoꞌ nani ahuirin huachi, itërin.

Hechos 5:5

Ananiasë natanahuaton, aꞌnaroáchin noꞌpaquë anotaton, chiminin. Piyapiꞌsari niꞌpachinara, paꞌyanpi. Aꞌnapitantaꞌ natantahuatonaꞌ, paꞌpi tëꞌhuatopi.

Hechos 5:9

—¿Onpoatontaꞌ imoya canpita capini ninontatomaꞌ, Ispirito Santo yanonpintopiramahuëꞌ? “Co ina anaꞌintarinpohuëꞌ,” taꞌtomaꞌ, napopiramahuëꞌ. Niꞌquëꞌ. Quëmapiꞌsaꞌ soꞌyan paꞌpitopisopita nani huënantarapi. Quëmaꞌ yaꞌhuërë quëpantarinënquën paꞌpitinënquënso marëꞌ, itërin Pitrori.

Hechos 8:20

Pitrorisoꞌ itapon: —Maꞌpitacha yonquiran paya. Coriqui marëꞌ Ispirito Santo ¿yamaꞌparanco ti? Co ina marëꞌ Yosë quëtërinpoahuëꞌ. Co inasoꞌ paꞌanëhuëꞌ. Ina pochin yonquihuatan, parisitopiquë paꞌsaran. ¡Coriquirëꞌquën chachin inaquë paꞌsaran!

2 Corintios 10:6

Canpita noya natëhuatamaꞌ, noya cancantarai. Ina quëran canconpatoi, co natëpisopitahuëꞌ noꞌtëquën anaꞌintarai.

Jueces 9:20

Coꞌsoꞌ ina pochin cancantatomarahuë acohuatamasoꞌ, Apimirico quëran pën pipiꞌin. Pën pipirahuaton yaꞌipi Siquimoquë yaꞌhuëramasopita ataꞌhuanchinquëmaꞌ. Piti-miroquënta yaꞌhuëpisoꞌ, inapochin. Siquimo, Piti-miro, inaquëranpitanta pën pipirahuaton Apimirico ataꞌhuanchin,” tënin Cotamo.