2 Reyes 2:23 - Chayahuita (Shahui)

²³ Ina piquëran Irisiosoꞌ, Pitiriꞌpaꞌ paꞌsarin. Inaso ninanoꞌ, panënquë yaꞌhuërin. Nanpëasoꞌ, naꞌa huaꞌhuaroꞌsari nacapirin. Nacapirahuatona tëhuarapi: “Chiniaton nanpëquë soquimoto,” itatona tëhuapi.

2 Reyes 2:23 ပူးပေါင်းရင်းမြစ်များ

Génesis 21:9

Capa cancantapirinahuëꞌ, Sarasoꞌ co noyahuëꞌ cancantërin. Cosona huaꞌhuini Isaco monaton yaꞌnipitarin niꞌnin.

2 Reyes 2:11

Ninapotatona cato chachin paꞌsapi. Papona pochin ninontërapi. Naporoꞌ aꞌnanaya pën pochin toronan yaꞌnorin. Cahuarionënpitantaꞌ, inapochachin yaꞌnorin. Inari yaꞌcon yaꞌcontahuaton Iniasë chiꞌhuincarin. Inapoaton, inaso panca ihuanquë inápaquë quëpantarin.

2 Reyes 2:2

Naporoꞌ Iniasëri itapon: —Sinioro Pitiriꞌpaꞌ aꞌparinco. Quëmasoꞌ isëranchin quëparitëquë topirahuë, itërin. —¡Yoscoarëꞌ co quëparitarahuëꞌ! itërin Irisiori. Napotohuachina, cato chachin Pitiriꞌpaꞌ paꞌpi.

2 Reyes 2:22

Naporinso chachin huinan noyaitërin.

Copo naporinso' 19:18

Huaꞌhuaroꞌsa quëran huarëꞌ tëhuaconinaco. Huënsërahuë quëran huanihuatora, noꞌhuirinaco.

Proverbios 22:6

Huaꞌhuatapona quëran huarëꞌ huiꞌnanpoa noya nicacaiso marëꞌ pënëanhuaꞌ. Inapotohuatëhua mashotohuachinantaꞌ, huaꞌhuatapon nitotërinsoꞌ, co naniantarinhuëꞌ.

Isaías 1:4

Oshahuanacasoráchin cancantëramasopita, ¡maꞌhuantacha nisarama paya! Canpitaso paꞌpi co noyahuëꞌ ninamaꞌ. Co noyahuëꞌ nipisopita huiꞌnarinquëmaꞌ. Nitapicancamiatëramaꞌ. Aꞌporamaco. Naporamaꞌ. Caso Yosëco noyasáchin ninahuë niꞌton, Israiro chinotërinco. Inaco nipirahuëꞌ, aꞌporamaco.

Jeremías 20:7

Sinioro, quëma piyapinën nicaꞌhuaso marëꞌ noyasha nontatonco përaranco. Napotohuatancora carinquënso natëranquën. Quëmasoꞌ chini chiníquën nanantëran niꞌton, canaranco. Quëma nanamën shaꞌhuirahuëso marëꞌ nani tahuëri tëhuarinaco.

Jeremías 20:8

Maꞌsona nonpatëra co maꞌsha shaꞌhuirahuëꞌ: “Inimicoroꞌsa huëꞌsahuatonaꞌ, ahuëarinënquëmaꞌ. Ataꞌhuantarinënquëmaꞌ,” tosárahuë. Ina marëꞌ noꞌhuirárinaco. Tëhuarárinaco. Quëma nanamën shaꞌhuirahuë niꞌton, napotërinaco.

Jeremías 7:18

Huaꞌhuaroꞌsa ihuë yontonpi. Paꞌpinasoꞌ aꞌpëtopi. Aꞌshinantaꞌ, arina taparoatonaꞌ, cashin panoꞌsa nipi. Ina aꞌnotatonaꞌ, ‘Piꞌiroꞌtë huaꞌan paya’ itopisoꞌ mamanshi moshapi. Aꞌnapita mamanshi marëntaꞌ, ina pochin nitatona moshapi. Ina marëꞌ caso anoꞌhuitërinaco.

Oseas 4:15

Israiroꞌsanquëmaso nisha nisha cancantopiramahuëꞌ, Cota huëntonoꞌsaso ama inapoatona oshahuainasohuëꞌ. Ama huachi Quiricaro ninanoquë pacosohuëꞌ. Co Piti-apin ninanoquë tërantaꞌ, pantamaso yaꞌhuërinhuëꞌ. Inaquëpitasoꞌ, mamanshiroꞌsa marëꞌ inahuara nohuanton artaroroꞌsa acopiso yaꞌhuërin. Naporahuaton nonpatamantaꞌ: ‘Sinioro nanpiárin niꞌton, napotaranquën,’ ama tocosohuëꞌ.

Amós 4:4

Siniorori israiroꞌsa nocanananquë pënënaton itapon: “Pitiri, Quiricaro, inapita ninanoroꞌsaquë moshatamaso marëꞌ acoramaꞌ. Inaquëpita pacoꞌ. Co natëtomacohuëꞌ, naꞌcon naꞌcon oshahuancoꞌ. Chinotatomaco tëpamaso marëntaꞌ, tashíramiachin quëcoꞌ. Diesmo ca marëꞌ acoamaso yaꞌhuërinsontaꞌ, nani cara tahuëri quëran quëcoꞌ.

Amós 5:5

Naquëranchin Sinioro taantarin: “Ama Pitiriquë moshatamaso marëꞌ pacosohuëꞌ. Ina ninanosoꞌ, ataꞌhuantaponaꞌ. Co Quiricaroquë tëranta moshatamaso marëꞌ pacamaso yaꞌhuërinhuëꞌ. Inaquë yaꞌhuëpisopitasoꞌ, onpopionta inimicoroꞌsari aꞌna noꞌpaꞌpaꞌ quëpaponaꞌ. Co Piirsipa ninanoquë tëranta moshatamaso marëꞌ paacamaso yaꞌhuërinhuëꞌ,” tënin.

Amós 7:13

Ama huachi isëquëso pënëntëquësohuëꞌ. Isëquë copirnonta moshatërin. Naporahuaton yaꞌipi Israiro noꞌpaquë yaꞌhuërinsopita quëran, noya noya moshato pëi isëquëso yaꞌhuërin, itërinco.

Gálatas 4:29

Apraan huiꞌninpitasoꞌ co noyahuëꞌ niniꞌtonaꞌ, yaꞌhuëpi. Ispirito Santo nohuanton, Isaco nasitërin. Cosonaꞌ huaꞌhuinso nipirinhuëꞌ, apiraton Isaco aparisitërin. Inapochachin ipora huantaꞌ iráca pënëntërinsoꞌ nanan imapisopita aparisitërinënpoaꞌ.

Hebreos 11:36

Aꞌnaquëontaꞌ Yosë imapi niꞌton, tëhuapi, huihuipi, catinaquë tonpopi, tashinan pëiquë poꞌmopi, napotopi.