2 Reyes 2:21 - Chayahuita (Shahui)

²¹ huinanquë paꞌsahuaton inaquë taꞌsaitërin. Inapoapon pochin: —Naporin Sinioro: “Cari iso huinan anoyaitërahuë. Iporasoꞌ co huachi ina oꞌorama quëran caniotoma chiminapomahuëꞌ. Co noꞌpaꞌ tëranta tapiarinhuëꞌ. Iporasoꞌ maꞌsha shaꞌpatamaꞌ, noyatapon huachi,” tënin, itërin.

2 Reyes 2:21 ပူးပေါင်းရင်းမြစ်များ

2 Reyes 2:20

—Aꞌnara nasha tasonquë yamora quëshico, itërin inari. Quëpatohuachinara,

2 Reyes 2:22

Naporinso chachin huinan noyaitërin.

2 Reyes 6:6

—¿Insëchinta paꞌnin? itërin Irisiori. Napotohuachina aꞌnotërin. Naporoꞌ Irisioso nara pëꞌshitërahuaton, inaquë chachin tëꞌyaitërin. Inapotohuachina yanpointarin.

Mateo 5:11

Imaramacoso marëꞌ aꞌnaquën noꞌhuiarinënquëmaꞌ, ahuëarinënquëmaꞌ, pinosarinënquëmaꞌ, nisha nisha nonpinapiarinënquëmaꞌ. Napotopirinënquëmahuëꞌ, ama sëtocosohuëꞌ. Ina marëꞌ Yosë noya niꞌsarinquëmaꞌ niꞌton, nóya cancantocoꞌ.

Marcos 9:50

Yamora noya acashicasoꞌ niponahuëꞌ, chiminpachina co huachi noyatërinhuëꞌ. Canpitaso nipirinhuëꞌ, yamora cosharoꞌ noya acashirinso pochin nicoꞌ. Noya niniꞌtomaꞌ, yaꞌhuëcoꞌ,” itërin.

Juan 9:6

Ina quëran noꞌpaquë ipirahuaton, ashipirotërin. Ina quëran ina masahuaton, somaraya pashirayatërin.

Apocalipsis 21:4

Yosëri chachin naꞌnëiꞌ amirayatarin. Co huachi chiminaponahuëꞌ. Co huachi sëtaponahuëꞌ. Co huachi naꞌnëponahuëꞌ. Co piꞌpisha tërantaꞌ iquitaponahuëꞌ. Iráca naꞌcon parisitopirinahuëꞌ, co huachi ina pochin yaꞌhuaponahuëꞌ. Noya noya yaꞌhuaponaꞌ, tënin.