2 Reyes 2:19 - Chayahuita (Shahui)

¹⁹ Quirico yaꞌhuëhuanoꞌsari Irisio paaparahuatona itaponaꞌ: —Niꞌquë maistro. Ninano yaꞌhuëtëraiso noyaroꞌtëquë nipirinhuëꞌ, huinan oꞌoraisosoꞌ, co noyahuëꞌ. Naporahuaton noꞌpantaꞌ, co maꞌsha noyatërinhuëꞌ, itopi.

2 Reyes 2:19 ပူးပေါင်းရင်းမြစ်များ

1 Reyes 16:34

Acapo huaꞌanëntaso tahuëriꞌsaꞌ, Quirico ninano iráca ataꞌhuantopisoꞌ, anoyataantapi. Pitiriquë aꞌnara Israiro quëmapi yaꞌhuërin, Iiri itopisoꞌ. Ina caniaritërin quëran simintonën acopi. Naporo chachin huiꞌnin paninantërinsoꞌ, chiminin. Inasoꞌ, Apiramo itopi. Napoin quëran payora aꞌcanin. Aꞌcanahuaton onconanoꞌsa acoaso chachin, huinshoin yaꞌhuërëꞌ chimiantarin. Inasoꞌ, Sicopo itopi. Siniorori iráca Cosoi napotërinso chachin ninin.

1 Reyes 18:13

Iꞌhua chachin Quisapirari sontaroꞌsa camairin pënëntonaꞌpiroꞌsa tëpacaisoꞌ. Napohuachina, carisoꞌ pasa pënëntonaꞌpi poꞌorahuë. Aꞌnatërápo shonca, aꞌnatërápo shonca acorahuato, cato motopi naninoꞌsaquë poꞌorahuë. Inapotahuato, aꞌcarárahuë. ¡Co aꞌna ina nitotomaranquënhuëꞌ!

1 Reyes 18:7

Apitiasësoꞌ, iraquë Iniasë nacapiaton, paꞌyanin. Ina quëran mónsho tahuaton: —¿Quëma taꞌma sinioro, Iniasënquën nica? itërin.

2 Reyes 2:18

Irisioso Quiricoquëranchin quëparitërin niꞌton, co manta quënanpachinarahuëꞌ huënantapi. Huëntahuachinara inari itapon: —Coꞌta nani shaꞌhuitopiranquëmahuëꞌ, itërin.

2 Reyes 2:20

—Aꞌnara nasha tasonquë yamora quëshico, itërin inari. Quëpatohuachinara,

Éxodo 15:23

Napoyan quëran iꞌshana quënanaponaraihuëꞌ, main niꞌton, co nanitopihuëꞌ oꞌocaisoꞌ. Napoaton israiroꞌsari ina iꞌshana apoyatopi: “Mara” itopi. Marasoꞌ, main tapon naporin.

Éxodo 7:19

Nani copirno shaꞌhuitohuatan, Aaron camaiquë huaranën quëran iiroꞌsa ihuëchin. Iꞌshanaroꞌsaꞌ, sonoroꞌsaꞌ, iꞌsha tapapisopita, inaquëpitanta ihuëchin. Ihuëtohuachin, yaꞌipi ina iꞌsha huënaiꞌ taranarin huachi. Orinanoꞌsaquënta iꞌsha tapapisoꞌ, huënaiꞌ taranapon. Naꞌpi quëran, nontë quëran ina quëranpita nicatona iꞌsha tapapisoꞌ, napoapon,” itërin.

1 Timoteo 5:17

Aꞌnaquën ansianoꞌsaꞌ noya noya Yosë marëꞌ sacatopi. Paatonaꞌ, nani tahuëri aꞌchinápi, pënëntápi. Inapita noya noya niꞌcoꞌ.

Josué 6:26

Ina quëran Cosoisoꞌ, iso pochin shaꞌhuirin: “Inso tëranta Quirico ninano anoyataantahuachin, Siniorori chachin ama huachi noya yaꞌhuëcaso marëhuëꞌ shaꞌhuitaton anaꞌinchin. Simintonën acoasoꞌ, huiꞌnin paninatërinsoꞌ chimiin. Ninano pairapipisoꞌ yaꞌcoanaroꞌsanta acoasoꞌ, huiꞌnin huinsho nininsoꞌ yaꞌhuërëꞌ chimiantaꞌin. Yoscoarëꞌ inapoarin,” tënin.