2 Reyes 19:4 - Chayahuita (Shahui)

⁴ Sinioroso Yosënën niꞌton, yaꞌipi nitotërin. Asiria copirnori huaꞌanoꞌsa aꞌparinsopita quëran pinorinsontaꞌ, natanin. Maꞌcha ina natanaton anaꞌintërin naporini, noya niitonhuëꞌ. Quëmanta Sinioro nontëquë yaꞌhuëarëhuasoꞌ, catahuainpoaꞌ, tënin Isiquiasë,’ itoncoꞌ,” itërin.

2 Reyes 19:4 ပူးပေါင်းရင်းမြစ်များ

Génesis 22:14

Ina quëran Apraani ina roꞌtë aninihuanin. “Pahuantërinpoasoꞌ Sinioro quëtërinpoaquë,” itërin. Napoaton, iporahuanta ina pochin nohuitapi. “Motopiquësoꞌ, pahuantërinpoasopita Sinioro quëtërinpoaꞌ,” topi nonatonaꞌ.

2 Samuel 16:12

Ipora parisitërahuësoꞌ Sinioronta niꞌsarin. Tapona ipora ina noꞌhuirincoso marëꞌ, Sinioro yacatahuápirincohuëꞌ, itërin.

2 Reyes 18:13

Isiquiasë copirno shonca catapini piꞌipi huaꞌanëntasoꞌ, Asiria copirno Sinaquiripo itopisori ahuëcaso marëꞌ huëcapairin. Yaꞌipi pairahuan ninanoroꞌsa Cota huëntonquë yaꞌhuërinsoꞌ, ahuërahuaton canaraꞌpiarin.

2 Reyes 19:16

Asiria copirno ninshitaton pinorinquënsoꞌ natanquëꞌ. Quëmasoꞌ nanpirápiranhuëꞌ, napotërinquën.

2 Reyes 19:22

¿Ca nipirahuëꞌ pinoranco ti? ¿Ca nipirahuëꞌ iquianantëranco ti? “¡Co insonta minsëarincohuëꞌ!” taꞌton nocananco. Caso Yosëco. Israiroꞌsa chinotërinaco. Noyasáchin nipirahuëꞌ, napotëranco.

2 Reyes 19:23

Piyapinënpita quëran noꞌhuitonco naporan: “Quira toronanoꞌsa co pichicasohuëꞌ yaꞌhuëtërinco. Inapitaquë paato, motopiroꞌsa huiꞌnimotënꞌpaꞌ nanpërahuë. Nipano motopi huiꞌnimotënꞌpaꞌ nanpërahuë. Nonararoꞌsa inaquë panca panca nipisopita aꞌnërahuë. Pino naranta noyanpinayanchin nipisopita napotërahuë. Ina inápa motopiroꞌsaquë nanpërahuë. Inaquë nararoꞌsasoꞌ, shaꞌpinan pochin yaꞌhuërin.

2 Reyes 19:3

Cantonpatamaꞌ iso pochin shaꞌhuitocoꞌ: ‘Iporasoꞌ co napion cancantarëhuaꞌ. Inimicoroꞌsa aparisitatënënpoaꞌ, taparo nitarinënpoaꞌ. Napoaton sanapi huaꞌhua iquitohuachina, co nanitërinsohuë pochin nisarëhuaꞌ.

2 Reyes 19:30

Cota huëntonquë quëparitopisopitasoꞌ, sharoꞌsa itëhuanatona nitërinso pochin nisapi.

2 Reyes 19:31

Co yaꞌipi Quirosarinquë yaꞌhuëramasopita taꞌhuantaramahuëꞌ. Naꞌamiachinquëma chaꞌësaramaꞌ. Siniorosoꞌ yaꞌipi nanitaparin. Paꞌpi aꞌpitatonpoa napotarinpoaꞌ.

2 Reyes 19:5

Napotohuachina, inapitaso paꞌpi. Isaiasë quënanconahuatonaꞌ, copirno naporinso shaꞌhuitonpi.

Isaías 1:9

Siniorosoꞌ yaꞌipi nanitapaton, carayanpoa quëparitahuaso marëꞌ aꞌpairinpoaꞌ. Coꞌsoꞌ inaporinhuë naporini, Sotoma, Comora, inapita ninanoroꞌsa pochin, nani taꞌhuanchitërihuahuëꞌ.

Ezequiel 36:37

Naporahuaton maꞌmarë tëranta nontohuatamaco, aꞌnaroáchin catahuararanquëmaꞌ. Ca nohuanton notohuaroꞌ naꞌasaramaꞌ. Panca huënton ohuicaroꞌsa pochin nisaramaꞌ. Ca Sinioroco shaꞌhuitaranquëmaꞌ.

Romanos 11:5

Inapochachin iporantaꞌ caraya pochin Yosë huëntonënquë yaꞌconpi. Inaora nohuanton, nosoroaton, Yosëri ayaꞌconin.

Romanos 9:27

Isaiasëntaꞌ ninoton, ninshitërin. “Huaꞌhuayatërahuëꞌ israiroꞌsaꞌ yaꞌhuëpirinahuëꞌ, co yaꞌipiya chaꞌësapihuëꞌ. Marë yonsanquë inotëraꞌhuaya yaꞌhuërinso nápoꞌ yaꞌhuëpirinahuëꞌ, caraíchin Yosëri nichaꞌësarin.

Deuteronomio 32:36

Naquëranchin Moisësë cantaton tapon: “Canpitaso Sinioro chachin paꞌpoyarinquëmaꞌ. Co huachi nanitëramahuëꞌ niꞌpachina, nosoroarinquëmaꞌ: ‘Piyapinëhuëpita inimiconënpitari yaminsërin. Chiníquënoꞌsa capa niraꞌpiapi. Sanpacharoꞌsanta capa nisapi,’ topachina, catahuaarinquëmaꞌ.

Josué 3:10

Yosëso nanpiárin. Ipora napoarin quëran catahuarinpoaso anitotarinpoaꞌ. Canpitaso ahuëta marëꞌ paꞌnamaquë, inimicoroꞌsa minsëraꞌpiapomaꞌ. Yosë catahuarinquëma niꞌton, napotaramaꞌ. Cananoꞌsaꞌ ataꞌhuantaramaꞌ. Itiroꞌsaꞌ, iporoꞌsaꞌ, huirisëroꞌsaꞌ, quiriquiroꞌsaꞌ, amororoꞌsaꞌ, quiposoroꞌsaꞌ, inapitanta napotaramaꞌ.

1 Samuel 14:6

Papon pochin Conatansoꞌ, catahuarinso itapon: —Huiristino sontaroꞌsasoꞌ motopi aquëtëran yaꞌhuëapi. Inapitasoꞌ co canpoa pochin Yosë chinotopihuëꞌ. Huëquë inatohua paꞌa. Tapona Sinioro catahuarinpo inapita minsërëꞌ. Ina topachina caraíchinta nipirinahuëꞌ, inimicoroꞌsa minsëpi. Naꞌanta nipachina ina nohuanton minsëtopi, itërin.

1 Samuel 17:10

Ipora tahuëri carinquëma napotaranquëmaꞌ. ¡Aꞌnara aꞌpaimaco oꞌmain! tënin chiníquën noꞌhuitaton.

1 Samuel 17:26

Napopisoꞌ, co Tapi nataninhuëꞌ. Co natanatonhuëꞌ, aꞌnapita sontaroꞌsa natanin: —Canpoasoꞌ, Yosë nanpiárin nininso imarëhuaꞌ. Ina catahuarinpoa ahuëtarëhuaꞌ. Paso huiristinosoꞌ, co ina chinotërinhuëꞌ. ¡Napoaton co piꞌpian tëranta ina pochin noꞌhuiinpoaso yaꞌhuërinhuëꞌ! Insosona ina tëpaton taparo nitarinpoasoꞌ acopitohuachinaꞌ: ¿Maꞌta copirnori quëtapon? itërin.

1 Samuel 17:45

—Quëmasoꞌ, sahuëni, nansa, nansaꞌhua, inapita tëpaancoso marëꞌ quëshiantaranco. Caso nipirinhuëꞌ, Sinioro nanan quëtërinco niꞌton, huëcapayaranquën. Inasoꞌ Yosë, yaꞌipi nanitaparinsoꞌ. Israiro sontaroꞌsacoi huaꞌanëntërincoi. Ina huaꞌanëntopirincoihuëꞌ, quëmasoꞌ noꞌhuirancoi.