2 Reyes 19:28 - Chayahuita (Shahui)

²⁸ Noꞌhuitomiatëransoꞌ, nocantomiatëransoꞌ, inapita nitotërahuë. Ina nitotato, yoꞌnananëhuë quëran aꞌtënitëtaranquën. Cahuario huaꞌnanan acatëntohuatëra, noya ótëërëꞌ. Inapotatë pochin nitohuatënquën, naporo huarëꞌ natëaranco. Huëꞌnansotaquëchin apayantaantaranquën,’ itërin,” tënin.

2 Reyes 19:28 ပူးပေါင်းရင်းမြစ်များ

2 Reyes 19:33

Paꞌpachina, huëꞌshirinso ira chachin paꞌtonantapon. Co Quirosarinquë yaꞌconaponhuëꞌ. Ca Sinioroco napotaranquëmaꞌ.

2 Reyes 19:7

Ca nohuanton nanan natantarin. Ina natanaton, yaꞌhuërinquë paantarin. Inaquë nipachina, tëpapona huachi,’ tënin Sinioro,” itërin.

Copo naporinso' 41:13

Shaꞌhuëtënsoꞌ paꞌpi taríton. Cato yaꞌhuiri shaꞌhuëtëtërin. ¡Co incari tëranta ina iꞌsoarinhuëꞌ!

Salmos 32:9

Inapotohuatënquën, quëmasoꞌ natëco. Ama cahuario, mora, inapita pochin cancantëquësohuëꞌ. Inapitasoꞌ noninquë aꞌsonconotahuatëꞌ, huaꞌnanan acatëntërëꞌ. Inapotohuatëra, noya natëtopi huachi. Coꞌsoꞌ inapotohuatërahuëꞌ, co onporonta yaꞌyoraninpohuëꞌ,” tënin.

Salmos 46:6

Ina nonpachina, isoroꞌpaꞌ soquiarin huachi. Nacionoꞌsaquë nisha nisha copirnoroꞌsari huaꞌanëntërinso noꞌhuitapirinahuëꞌ, ropatatona huaꞌya huaꞌyantáponaꞌ.

Salmos 65:7

Marë panca coꞌsacaitohuachina, quëmari asanoiran. Nisha nisha nacionoꞌsanta noꞌhuitohuachinara, quëmariáchin asanoran.

Amós 4:2

Siniorosoꞌ Yosë niꞌton, shaꞌhuitatënquëma naporin: “Co huaꞌquiya quëranhuë canpitasoꞌ, arponoꞌsaquë aꞌtëntatë pochin nitatënënquëmaꞌ, inimiconëmapita quëpaponënquëmaꞌ. Huaꞌhuamapitantaꞌ, yoꞌnanaroꞌsaquë sami pochin aꞌtëntahuatonaꞌ, quëpaponaꞌ. Ninano pairanën pacoantopi quëran inimiconëma apanshinahuatënënquëmaꞌ, ocoiarinënquëmaꞌ. Irmon motopi parti inapo quëpataponënquëmaꞌ. Caso Sinioroco noyasáchin nicato inapotiinëmasoꞌ, noꞌtëquën shaꞌhuitaranquëmaꞌ,” tënin.

Lucas 6:11

Ina marëꞌ niꞌsapisopitari chiníquën noꞌhuitonaꞌ, inahuara capini ninontopi onporahuatonsona Quisoso maꞌsha onpotacaisoꞌ.

Juan 15:18

Ina quëran itantarincoi: “Co imarinacosohuëꞌ noꞌhuihuachinënquëmaꞌ, ama paꞌyancosohuëꞌ. Caꞌton noꞌhuirinacoso, nitotëramaꞌ.

Hechos 7:51

Canpitaso nipirinhuëꞌ co piꞌpisha tërantaꞌ yanatëtëramahuëꞌ. Co natantochináchinhuëꞌ cancantëramaꞌ. Co onporontaꞌ Ispirito Santo yanatëramahuëꞌ. Iráca shimashonëmapita co noyahuëꞌ cancantopi. Inapita quëpatomaꞌ, inapochachin cancantëramaꞌ.