2 Reyes 19:25 - Chayahuita (Shahui)

²⁵ Quëmasoꞌ: “Caora nohuanto inaporahuë,” topiranhuëꞌ, iporaso nitotëquë huachi. ¡Ca nohuanton, ina pochin ninan! Iráca quëran huarëꞌ yonquirahuësoꞌ, nani nanirin. Napoaton pairahuan ninanoroꞌsa nipirinahuëꞌ, ataꞌhuantëran. Inapotahuaton naꞌpiroꞌsaꞌ, nararoꞌsaꞌ, inapitaraꞌ yamo yamo toconin acoran.

2 Reyes 19:25 ပူးပေါင်းရင်းမြစ်များ

Salmos 33:11

Sinioro maꞌpitaso nicacasoꞌ yonquihuachina, ina tëhuënchinsoꞌ onpopionta yaꞌhuëapon.

Isaías 45:7

Ca nohuanton tahuëri yaꞌhuërin. Ca nohuanton chachin tashinta yaꞌhuërin. Ca nohuanton noya yaꞌhuëpi. Ca nohuanton chachin maꞌsha onpopi. Ca Sinioroco, yaꞌipi inapita acorahuë.

Isaías 45:8

Cari inápa quëran piyapiꞌsa isoroꞌpaquë noꞌtëquënáchin yonquicaiso marëꞌ catahuararahuë. Catahuarahuësoꞌ, poroncayo inápa quëran anotërinso pochin nisarin. Chitoro quëran oꞌnan anotërinso pochin nisarin. Napohuachina isoroꞌpaquësoꞌ, shaꞌpisopita nitërinso pochin chaꞌëcaiso yaꞌhuëapon. Nitërinsoꞌ pirayan yancotërinso pochin noyasáchin nicacaisoꞌ yaꞌhuëapon,” itërin.

Isaías 54:16

Niꞌquëꞌ. Cari huaꞌna camayo ninahuë. Inasoꞌ, pënaya ahuënarataton sacatërin. Huaꞌna asoquirahuaton, ahuëtacaiso marëꞌ ohuarapiso ninin. Ahuëtaton tiquitonaꞌpintaꞌ, cari ninahuë. Tiquitohuachina, naꞌcon tapitërin.

Miqueas 1:6

Napoaton Sinioro naporin: “Ca nohuanton Samaria ninano taꞌhuantohuachin, naꞌpiroꞌsaraꞌ yamorápon. Inaquë chachin opa shacatona oparotaponaꞌ. Naꞌpinënpitantaꞌ, motopianaquë paꞌsa paꞌsatapo. Ninanonëna pairapicaiso marëꞌ simintonën acopisontaꞌ, ayaꞌnoarahuë.