2 Reyes 19:22 - Chayahuita (Shahui)

²² ¿Ca nipirahuëꞌ pinoranco ti? ¿Ca nipirahuëꞌ iquianantëranco ti? “¡Co insonta minsëarincohuëꞌ!” taꞌton nocananco. Caso Yosëco. Israiroꞌsa chinotërinaco. Noyasáchin nipirahuëꞌ, napotëranco.

2 Reyes 19:22 ပူးပေါင်းရင်းမြစ်များ

2 Reyes 19:4

Sinioroso Yosënën niꞌton, yaꞌipi nitotërin. Asiria copirnori huaꞌanoꞌsa aꞌparinsopita quëran pinorinsontaꞌ, natanin. Maꞌcha ina natanaton anaꞌintërin naporini, noya niitonhuëꞌ. Quëmanta Sinioro nontëquë yaꞌhuëarëhuasoꞌ, catahuainpoaꞌ, tënin Isiquiasë,’ itoncoꞌ,” itërin.

2 Reyes 19:6

Natanahuaton inasoꞌ: “Huaꞌanëma shaꞌhuitocoꞌ: ‘Asiria copirno piyapinënpita naꞌcon pinorinaco. Ama ina natanaton paꞌyanquësohuëꞌ.

Salmos 73:9

Inápaquë huaꞌanëntërinsontaꞌ, pinopi. Isoroꞌpaquë yaꞌhuëpisopitantaꞌ, chinotopi.

Éxodo 5:2

Napotopirinahuëꞌ: —¿Ma Siniorocha inaso nicaya? ¿Ina canta natëi topiramahuë ti? ¡Co caso canpita Sinioro chinotëramaso nohuitërahuëꞌ! ¡Naporahuaton co onporonta aꞌpaꞌhuanquëmaso yaꞌhuërinhuëꞌ! itërin copirnori.

Éxodo 9:17

Napotopiranquënhuëꞌ, co piyapinëhuëpita yaaꞌparanhuëꞌ. Co aꞌpahuatanhuëꞌ,

Isaías 30:15

Naporahuaton, inaso taantarin: “Canpitaso nisha nisha cancantëramaꞌ. Huëco natëantatomaco sano cancantocoꞌ. Inapohuatamaꞌ, nichaꞌësaranquëmaꞌ. Sano cancantatoma casáchin chinotoco. Inapohuatamaꞌ, chiníquën nisaramaꞌ,” tënin Sinioro. Napopirinhuëꞌ, co canpitaso nohuantëramahuëꞌ.

2 Corintios 10:5

Aꞌnaquën nisha nanan imasapi. “Quiyaora noya nitotërai,” toconpi niꞌton, co nanitopihuëꞌ Yosë nohuitacaisoꞌ. Nipirinhuëꞌ, Yosë catahuarincoi inapitantaꞌ minsëcaꞌhuaisoꞌ. Noꞌhuipirinacoihuëꞌ, noꞌtën nanan aꞌchintarai Quisocristoíchin natëcaiso marëꞌ. Yaꞌipinpoaꞌ co noyahuëꞌ yonquipirëhuahuëꞌ, Yosë nanitërin ananiantinpoasoꞌ Quisocristoíchin natëcaso marëꞌ.

2 Tesalonicenses 2:4

Inasoꞌ Yosë inimicotërin. “Ama Yosë chinotocosohuëꞌ. Ama mantaꞌ moshacosohuëꞌ. Casáchin natëco. Yosë yaꞌhuërëtarahuë,” tosarin. Yosë chinotopiso pëiquë chachin huënsëapon piyapiꞌsari chinotacaiso marëꞌ. Paꞌpi co noyahuëꞌ nisarin. Chiníquën nanantaton, yaꞌipi piyapiꞌsaꞌ yacamaiapon.