2 Reyes 19:21 - Chayahuita (Shahui)

²¹ Iso pochin Siniorori Asiria copirno anitotërin: ‘Quirosarinquë yaꞌhuëpisopita nanon pochin nicatonaꞌ, tëhuaponënquën Asiria copirno. Tëhuatënën huësë huësë́taponaꞌ. Ninanonëna patohuatan, napoaponaꞌ.

2 Reyes 19:21 ပူးပေါင်းရင်းမြစ်များ

Salmos 137:8

Canpitanta papironiaroꞌsaꞌ, ataꞌhuantaponëmaꞌ. Napotëramacoiso marëꞌ insosona nanirinso chachin anaꞌintohuachinquëmaꞌ, tëhuënchachin capa cancanchin.

Isaías 1:8

Quirosarin ninanoáchin quëparitërin. Oparo aꞌpaicaiso marëꞌ ina huancánachin pëi acopiso pochin quëparitërin. Pipinoroꞌ huáncana naꞌicaiso marëꞌ pëi acopiso pochin ninin. Inimicoroꞌsari ninano tancapitërinso pochin inaora quëparitërin,” tënin Sinioro.

Jeremías 14:17

Isontaꞌ, piyapinëhuëpita shaꞌhuitacaso marëꞌ nanan quëtaranquën: ‘Piyapinëhuëpita nosororahuësoꞌ, panca maꞌsha onpopi. Paꞌpi huëhuëpiro maꞌsha onporëso pochin nipi. Ina marëꞌ tahuëri tashirë chachin, naꞌnërápahuaso yaꞌhuërin.

Jeremías 18:13

Napopiso marëꞌ Sinioro tënin: “¿Inso nacionquë tëranta taꞌma ina pochin nonpiso natanama nicaya? Israiroꞌsasoꞌ, paꞌpi co noyahuëꞌ nipi.

Jeremías 31:4

Nasha quëran chachin noya acoantaranquëmaꞌ. Capa cancantatoma nansapomaꞌ. Shari shari piꞌniatomaꞌ, nansapomaꞌ.

Amós 5:2

Canpitaso israiroꞌsanquëma poꞌnamaꞌ: Nanon co soꞌyayátëraponahuëꞌ aꞌnanaya yaꞌhuërinquë chiminaton, co macari ananpitaantarinsohuë pochin niconamaꞌ.

Miqueas 4:8

Quirosarinquë yaꞌhuëpisopitasoꞌ, Sion motopiquë noyá niacorapipi. Inapoaton ohuica aꞌpainaꞌpiroꞌsa torinën pochin ninin. Inaquë chachin canta huënsëato huaꞌanëntarahuë niꞌton, iráca pochachin niantapon,” tënin.

Zacarías 9:9

Sinioro chachin naporin: “Sion motopiaꞌhuaquë yaꞌhuëramasopita, capa cancantomiatocoꞌ. Quirosarinquë yaꞌhuëramasopitantaꞌ, capa cancantatoma cantacoꞌ. Niꞌcoꞌ. Copirnonëma huëꞌsarin. Inaso noyasáchin ninin. Yaꞌipi inimicoroꞌsa minsërin. Ina niponahuëꞌ, topinan piyapi pochin mora huiꞌnapishinquë yaꞌmitëahuaton, huëꞌsarin.

Mateo 27:39

Piyapiꞌsaꞌ naꞌhuëpona pochin, Quisoso tëcariatonaꞌ, tëhuaconpi.