2 Reyes 19:20 - Chayahuita (Shahui)

²⁰ Naporoꞌ Isaiasëri, Isiquiasë shaꞌhuitacaso marëꞌ aꞌnara comision aꞌpatërin. Iso pochin taꞌcasoꞌ aꞌpatërin: “Yosënënpoa nontëransoꞌ, nani nataninquën.

2 Reyes 19:20 ပူးပေါင်းရင်းမြစ်များ

2 Samuel 15:31

Aꞌnari Tapi shaꞌhuitërin: “Aitohuironta Apësaron catahuarin,” itërin. Ina natanaton, inaso Sinioro nontërin: “Aitohuirori maꞌsona nicacasoꞌ, Apësaron ayonquiarin. Ayonquihuachin, quëma nohuanton ama natëinsohuëꞌ,” itërin.

2 Samuel 17:23

Aitohuirosoꞌ: “Noꞌtëquën pënënpirahuëꞌ, co Apësaron natërincohuëꞌ. Co natërincohuëꞌ niꞌquëhuarëꞌ, paꞌpini canapon,” tënin. Ina yonquiaton moranën taparin. Inaquë yaꞌmitëahuaton huaꞌhuatërinso ninanoquë paꞌnin. Canconahuaton quëmopinënpita, piyapinënpita, inapita nontërin. Maꞌpitaso nicacaisoꞌ camaitërin. Inaporahuaton, noninquë nihuënquëconorin quëran chiminin. Napohuachina, inanta paꞌpincoꞌ poꞌmopiquë chachin poꞌmoontapi.

2 Reyes 18:13

Isiquiasë copirno shonca catapini piꞌipi huaꞌanëntasoꞌ, Asiria copirno Sinaquiripo itopisori ahuëcaso marëꞌ huëcapairin. Yaꞌipi pairahuan ninanoroꞌsa Cota huëntonquë yaꞌhuërinsoꞌ, ahuërahuaton canaraꞌpiarin.

Salmos 65:3

Co noyahuëꞌ cancantatoi co noyahuëꞌ ninai. Oshahuanpiraihuëꞌ, oshanëhuëi inquitërancoi.

Isaías 58:9

Naporoꞌ tëhuënchinsoꞌ nontohuatamaco, aꞌpaniaranquëmaꞌ. Catahuahuanquëmaso marëꞌ chiníquën nontohuatamaco, carimantaꞌ, aꞌpanitënquëma catahuaaranquëmaꞌ. Coꞌso huachi aꞌnapita aparisitohuatanhuëꞌ, co huachi noꞌhuihuatanhuëꞌ, co huachi nonpinapihuatanhuëꞌ,

Isaías 65:24

Coꞌhuara përashátëraponacohuëꞌ, aꞌpaniarahuë. Nontërinacosonta co tiquiátërasoihuëꞌ, natanahuato aꞌpaniarahuë.

Juan 11:42

Nani tahuëri natanatonco, catahuaranco noya nicaꞌhuaso marëꞌ. Quëma chachin isoroꞌpaquë aꞌpaimaranco. Casoꞌ nitotopirahuëꞌ, isopitasoꞌ co nitotopihuëꞌ. Inapita natëinacoso marëꞌ aꞌninquëchin nontaranquën, tënin.

Hechos 10:31

Yaꞌnotirahuatonco, itërinco: “Cornirio, quëmasoꞌ naꞌcon Yosë nontëran, nataninquën. Saꞌahuaroꞌsaꞌ nosoroaton, maꞌsha quëtëran. Ina marëꞌ Yosë noya yonquirinquën.

Hechos 10:4

Anquëni niꞌsahuaton, paꞌpi tëꞌhuatërin. —¿Maꞌtaꞌ sinioro nohuantëran? itërin. —Quëmasoꞌ naꞌcon Yosë nontëran, nataninquën. Saꞌahuaroꞌsaꞌ nosoroaton, maꞌsha topinan quëtëran. Ina marëꞌ noya yonquirinquën.