2 Reyes 18:37 - Chayahuita (Shahui)

³⁷ Ina natanatonaꞌ, Isiquiasë aꞌparinsopitaso co napion cancantopi. Napoatona aꞌmopiso oshapi. Ina quëran Asiria huaꞌani napotërinsoꞌ, Isiquiasë shaꞌhuitacaiso marëꞌ paantapi.

2 Reyes 18:37 ပူးပေါင်းရင်းမြစ်များ

Génesis 37:29

Nopinoso Cosi tëꞌyatopiquë huënantahuachina, co huachi iin quënanquintarinhuëꞌ. Paꞌpi paꞌyanaton aꞌmorinso osharin.

Génesis 37:34

Napoapon pochin co napion cancantaton aꞌmorinso nioshatërin. Naporahuaton, saꞌcatën nininsoꞌ sëtohuachinara aꞌmopisoꞌ, aꞌmorin. Ina aꞌmorin quëran huiꞌnin chimininso marëꞌ huaꞌqui naꞌnërárin, ayanárin, naporárin.

2 Reyes 18:26

Napotohuachina Iriaquin, Sipina, Coa, inapitari itaponaꞌ: —Ama onpopionta quiya nonaiquë nontocoisohuëꞌ. Paira aipi nisapisopitanta natanpachinaꞌ. Quiyasoꞌ nitotërai niꞌton, Aran nananquë nontocoi topiraihuëꞌ, itopi.

2 Reyes 18:36

Napotopirinhuëꞌ, inapitaso co manta aꞌpanitopihuëꞌ. Isiquiasëri ina pochin camairin niꞌton, co aꞌpanipihuëꞌ.

2 Reyes 19:1

Cara huaꞌanoꞌsarisoꞌ, Asiria huaꞌani napotërinsoꞌ Isiquiasë shaꞌhuitonpi. Ina natanaton, co napion cancantërin. Inapoaton aꞌmorinso osharin. Ina quëran saꞌcatën aꞌmosahuaton, Sinioro chinotacaso pëiquë Yosë nontacaso marëꞌ paꞌnin.

2 Reyes 22:11

Iráca pënëntërinso quirica natanahuaton, copirnoso aꞌmorinso osharin. Sëtërinso nitotacaiso marëꞌ naporin.

2 Reyes 5:7

Nontohuachina, inaso paꞌyanin. Inapoaton aꞌmorinso osharin. Inaporahuaton piyapinënpita natantonënquë tapon: —¡Co caso Yosëcohuëꞌ! Inacha tëhuënchinsoꞌ nohuantërinsopita ananpirin. Nohuantërinsopitasoꞌ, chiminpi. Siria copirnosoꞌ, co chana caniori maninso anoyataꞌhuaso marëꞌ aꞌpatiincoso yaꞌhuërinhuëꞌ. Inta yonquirico canpitantaꞌ. Ahuëinënpoaso yonquiaton napotarinco inasoꞌ tënahuë, tënin.

Copo naporinso' 1:20

Naporo Coposoꞌ, co napion cancantahuaton huanirin. Aꞌmorinso osharahuaton, noyá niyaꞌirin. Inaporahuaton, Yosë chinotacaso marëꞌ, isonin. Isonin quëran noꞌpaquë huarëꞌ monshomarahuaton:

Isaías 33:7

Cota huënton sontaroꞌsasoꞌ, chiníquën cancantopisopita nipirinahuëꞌ, catahuacaiso marëꞌ cachiroꞌsaquë chiníquën naꞌnërantapisoꞌ natancoꞌ. Anoyatacaiso marëꞌ aꞌpapisopitantaꞌ, co anoyatatonaraihuëꞌ, naꞌnërantapi.

Jeremías 36:24

Copirno, catahuarinsopita huaꞌanoꞌsaꞌ, inapitaso natanaponaraihuëꞌ co manta Sinioro tëꞌhuatopihuëꞌ. Co oshanëna marëꞌ tëranta sëtopihuëꞌ.

Mateo 26:65

Corto huaꞌanso natanahuaton, chiníquën noꞌhuitërin. Inapoaton aꞌmorinso osharin. —“¡Casoꞌ Yosë huiꞌninco,” toconin! Nani natanamaꞌ. Inaora chachin shaꞌhuitërinpoaꞌ niꞌton, co aꞌnapita shaꞌhuitinpoasoꞌ nohuantarihuahuëꞌ.