2 Reyes 18:36 - Chayahuita (Shahui)

³⁶ Napotopirinhuëꞌ, inapitaso co manta aꞌpanitopihuëꞌ. Isiquiasëri ina pochin camairin niꞌton, co aꞌpanipihuëꞌ.

2 Reyes 18:36 ပူးပေါင်းရင်းမြစ်များ

2 Reyes 18:35

Co inso yosënëna tërantaꞌ, inapita ninanoroꞌsa quiya quëran nichaꞌërinhuëꞌ. ‘¡Quiyasoꞌ Quirosarinquë yaꞌhuërai niꞌton, Sinioro nichaꞌësarincoi!’ co taꞌcamaso yaꞌhuërinhuëꞌ,” itërin.

2 Reyes 18:37

Ina natanatonaꞌ, Isiquiasë aꞌparinsopitaso co napion cancantopi. Napoatona aꞌmopiso oshapi. Ina quëran Asiria huaꞌani napotërinsoꞌ, Isiquiasë shaꞌhuitacaiso marëꞌ paantapi.

Eclesiastés 3:7

Oshacaso tahuëri. Osharësonta pipitaantacaso tahuëri. Taꞌtápaso tahuëri. Nonacaso tahuëri.

Amós 5:13

Ipora yaꞌhuëpisopita, paꞌpi co noyahuëꞌ nipi. Napoaton yonquinahuanoꞌsasoꞌ, co manta topihuëꞌ.

Mateo 7:6

Ina quëran itaantarin: “Isontaꞌ aꞌchinchinquëmaꞌ. Niꞌniroꞌsaꞌ, coshiroꞌsaꞌ, inapita co yonquipihuëꞌ. Huirinaꞌpi paꞌton nininsoꞌ co quëtacasoꞌ yaꞌhuërinhuëꞌ. Noꞌpaquë acoramaꞌ naporini, iꞌnachitonahuëꞌ. Ina quëran canpitantaꞌ yaquëtëitënquëmahuëꞌ. Aꞌnaquën piyapiꞌsantaꞌ niꞌniroꞌsa pochin cancantopi niꞌton, Yosë nanamën aꞌchintohuatamaꞌ, chiníquën noꞌhuiarinënquëmaꞌ. Co piꞌpisha tërantaꞌ nohuantohuachinahuëꞌ, tananpitocoꞌ,” itërin.