2 Reyes 18:12 - Chayahuita (Shahui)

¹² Sinioroso Yosënëna nipirinhuëꞌ, co natëpiso marëhuëꞌ inapotopi. Inapitarë anoyatërinsoꞌ, co natëpihuëꞌ. Moisësënta camaitërinsopita co natëpihuëꞌ. Inasoꞌ, Sinioro natëton noꞌtëquën camaitopirinhuëꞌ, co natëpihuëꞌ.

2 Reyes 18:12 ပူးပေါင်းရင်းမြစ်များ

1 Reyes 9:6

Napoaponahuëꞌ, quëmahuë nipon, quëmá quëran pipipisopitahuë nipon, pënëntërahuësopita, camaitërahuësopita aꞌpoatomaꞌ, nisha nisha mamanshiroꞌsa moshahuatamaꞌ, israiroꞌsa noꞌpaꞌ quëtërahuë quëran ocoiarahuë. Chinotamacoso marëꞌ pëi acorahuësontaꞌ, aꞌpoarahuë. Inapotohuatënquëmaꞌ, nisha nisha nacionquë yaꞌhuëpisopita tëhuayatáponënquëmaꞌ.

Nehemías 9:17

Quëmarisoꞌ naꞌcon catahuapiranhuëꞌ, co ina yayonquipihuëꞌ. Co natëtënënhuëꞌ Iquipitoquë chachin panantacaisoꞌ yonquiantapi. Ina marëꞌ huaꞌan yonípi. Iquipitoroꞌsari camaiantacaiso marëꞌ yatahuërëantapi. Napopirinahuë tërantaꞌ, co ataꞌhuantëranhuëꞌ. Noyápiachin cancantaton, aꞌnaroáchin yanosorotëran. Co aꞌnaroáchin noꞌhuitëranhuëꞌ. Piyapinënpita nosoromiatëran niꞌton, co aꞌporanhuëꞌ.

Salmos 107:17

Aꞌnaquën nipaꞌyatacaisoráchin cancantatonaꞌ, aꞌnaratipita nipi. Co noyahuëꞌ nisápatonaꞌ, caniopi huachi.

Isaías 1:19

Natëhuatamaco, sharoꞌsa noya noyatërinsoꞌ caꞌsaramaꞌ.

Jeremías 7:23

Isocha tëhuënchinsoꞌ camairahuë: ‘Yaꞌipi camaitërahuëso natëcoꞌ. Inapohuatamaꞌ, ca Yosënëmaco nisarahuë. Canpitantaꞌ, piyapinëhuëpita nisaramaꞌ. Onpopinsona cancantamasoꞌ, nani camairanquëmaꞌ. Ina chachin nicoꞌ. Inapohuatamaꞌ, noya yaꞌhuëaramaꞌ,’ itëranquëmaꞌ.

Daniel 9:5

Tëhuënchachin quiyasoꞌ co noyahuëꞌ nicatoi oshahuanai. Co costaransohuëꞌ ninai. Co quëma yaꞌhuëransohuë pochin cancantatoi yaꞌhuërai. Camaitëransopita, shaꞌhuiransopita, inapita aꞌporai.

Amós 2:6

Naquëranchin Sinioro taantarin: “Israiroꞌsanta paꞌpi co noyahuëꞌ nipi. Aꞌnaquën co manta tëhuëpirinahuëꞌ, aꞌnapitari asacatacaiso marëꞌ paꞌanpi. Popriyaroꞌsanta sapatë marëáchin nihuitopirinahuëꞌ, inapotopi. Napopiso marëꞌ inapitantaꞌ, anaꞌintaꞌhuaso yaꞌhuërin.

Miqueas 3:4

Naporamaso marëꞌ aꞌna tahuëri maꞌsha onpoatoma nontaramaco. Nontopiramacohuëꞌ, co aꞌpaniaranquëmahuëꞌ. Paꞌpi co noyahuëꞌ ninamaso marëꞌ naꞌpitatë pochin nitaranquëmaꞌ,” itërin.

Números 12:7

Piyapinëhuë Moisësëso nipirinhuëꞌ, co ina pochin anitotërahuë. Inasoꞌ, yaꞌipi piyapinëhuëpita quëran noꞌtë noꞌtëquën natërinco.

Deuteronomio 31:16

Naporoꞌ Siniorori Moisësë itapon: “Co huaꞌquiya quëranhuë quëmasoꞌ chiminapon. Aꞌnapitaso noꞌpaꞌ quëtarahuëquë yaꞌconpachinaꞌ, nisha cancantapi. Inapoatonaꞌ, nisha nisha mamanshiroꞌsa yaꞌhuëhuanoꞌsari moshapisoꞌ, moshatona aꞌpoaponaco. Inapitaroꞌco nani anoyatopirahuëꞌ, napoatona anoyatërahuëso tapiaponaꞌ.

Deuteronomio 31:17

Napoaponahuëꞌ, inapopiso marëꞌ carinta chiníquën noꞌhuito tananpitarahuë. Manta tëranta yaꞌhuëpachinantaꞌ, co huachi inapita yonquiarahuëꞌ. Paꞌpi parisitatona naporo huarëꞌ: ‘Tëhuënchachin Sinioro aꞌporinpoa niꞌton, poꞌsarëhuaꞌ,’ tëcaponaꞌ.

Deuteronomio 34:5

Ina pochin Yosë piyapinën Moisësë itopiso chiminin. Moapo noꞌpaquë chachin chiminin. Siniorori shaꞌhuitërinso chachin ninin.

Deuteronomio 8:20

Noyaroꞌpaquë yaꞌconapoma pochin, Siniorori nisha nisha nacionoꞌsa ataꞌhuantërapon. Inapochachin canpitanta co ina natëhuatamahuëꞌ, ataꞌhuantarinquëmaꞌ,” itërin.

2 Tesalonicenses 1:8

Oꞌmantarahuaton, co Yosë nohuitopisopitahuëꞌ anaꞌintarin. Co Sinioro Quisoso nanamën natëpihuëꞌ niꞌton, chiníquën anaꞌintarin.

2 Timoteo 2:24

Sinioro piyapinënpoaꞌ nipatëhuaꞌ, co piyapiꞌsaꞌ noꞌhuicasoꞌ yaꞌhuërinhuëꞌ. Noya nontacasoꞌ yaꞌhuërin. Noya nitotatëhuaꞌ, aꞌchintahuaꞌ. Noꞌhuipirinpoahuëꞌ, ama noꞌhuiahuasohuëꞌ, ahuantahuaꞌ. Sanoanan quëran nontahuaꞌ.

Josué 1:1

Moisësësoꞌ Yosë piyapinën. Non huiꞌnin Cosoi itopisoso nipirinhuëꞌ, Moisësë catahuarin. Ina chiminpachina, Yosëri Cosoi nontaton itapon:

1 Pedro 2:8

Quiricanën quëran itantarin: “Iratohuatëra, naꞌpi iꞌpatahuatëꞌ, anotërëꞌ,” tënin. Inapochachin aꞌnaquën co Quisocristo nanamën natëtonaraihuëꞌ, nisha cancantopi. Ina marëꞌ Yosë nohuanton, naꞌinpi huachi.

1 Pedro 4:17

Nani anaꞌintinpoasoꞌ naniriarin. Ipora chachin imarëhuasopita piꞌpian piꞌpian anaꞌintarinpoaꞌ. Co noyahuëꞌ nipatëhuaꞌ, tatanpoa pochin piꞌpian anaꞌintarinpoaꞌ noya noya yonquicaso marëꞌ. ¡Ayaroꞌ tahuëriso nipirinhuëꞌ co nanamën natëpisopitahuëꞌ chiníquën anaꞌintarin! Parisitopiquë aꞌpararin niꞌton, parisitomiatapi.