2 Reyes 13:20 - Chayahuita (Shahui)

²⁰ Ina quëran Irisioso chiminin. Chiminpachina, quëmopinënpitari paꞌpitopi. Ina piquëransoꞌ Moapo ihuatë huëntonoꞌsari israiroꞌsa ihuacaiso marëꞌ yáhuëcapaipi. Nani piꞌipiquë napopi.

2 Reyes 13:20 ပူးပေါင်းရင်းမြစ်များ

Génesis 48:1

Ina piquëran miachin Cacoposoꞌ caniorin. Napohuachina Cosi shaꞌhuitopi. Ina natanahuaton, nicapon paꞌnin. Huiꞌninpitanta cato chachin quëparin. Manasisi, Iprain, inapita.

Génesis 49:33

Cacoposoꞌ huiꞌninpita camairinso tonitohuachina, pëꞌsaranënquë quëhuëantarin. Quëhuënaso chachin, chiminin huachi.

2 Reyes 5:2

Iꞌhua chachin siriaroꞌsasoꞌ, israiroꞌsarë niahuëpi. Naporoꞌ siriaroꞌsasoꞌ, aꞌnara Israiro sanapiaꞌhua mapi. Siria parti quëpahuachinara, Namano saꞌini camaicaso marëꞌ manin.

2 Reyes 6:23

Napotërinso chachin copirnosoꞌ, inapita marëꞌ panca pita nitërin. Coshatopi, oꞌopi, napopi. Ina quëran noya nontahuaton, huaꞌanënaquë chachin aꞌpaantarin. Naporo quëran huarëꞌ Siria sontaroꞌsasoꞌ, huaꞌquimiachin co huachi israiroꞌsarëꞌ niahuëpihuëꞌ.

Hechos 8:2

Nani Istipan tëpahuachinara, Yosë chinotopisopitari paꞌpitopi. Sëtatonaꞌ, naꞌnërápi.