2 Reyes 13:19 - Chayahuita (Shahui)

¹⁹ Naporinso marëꞌ Irisiori noꞌhuirin: —Aꞌnatëráporohuë nipon, saotarohuë nipon huihuiran naporini, noya noya niitonhuëꞌ. Siria sontaroꞌsa minsërahuaton tiquimiachitonhuëꞌ. Iporaso napoaponahuëꞌ, cararora inapita minsëaran, itërin.

2 Reyes 13:19 ပူးပေါင်းရင်းမြစ်များ

2 Reyes 13:18

Ina quëran camaiantarin: —Aꞌnapita shinërëroꞌsa maquëꞌ, itërin. Napotohuachina copirnoso inapita manin. Nani mapachina: —Shinërëroꞌsaquë noꞌpaꞌ huihuiquëꞌ, itaantarin Irisiori. Ina natanaton, Coasëso cararo noꞌpaꞌ huihuiton tananpitërin.

2 Reyes 5:20

Irisio piyapinënso yonquirin: “Huaꞌanëhuësoꞌ, Namano co manta maꞌpaponahuëꞌ aꞌparin. Yoscoarëꞌ cari imasarahuë. Tapona maꞌsha tëranta maꞌparahuë,” tënin.

2 Reyes 6:9

Siniororiso napoaponahuëꞌ, insëquësona yaninatopisoꞌ, Irisio anitotërachinin. Inaso anitotohuachina, Israiro copirno shaꞌhuitacaiso marëꞌ comision aꞌparachinin. Ama inaëchin pacacaiso marëhuëꞌ shaꞌhuitërachinin.

Marcos 10:14

Ina niꞌsahuaton, Quisosori co noyahuëꞌ niꞌnin. —Tananpitocoꞌ iyaroꞌsaꞌ huaꞌhuaroꞌsantaꞌ huëꞌinaꞌ. Ama aꞌpacosohuëꞌ. Huaꞌhuaroꞌsa pochin cancantopisopita Yosë huaꞌanëntërinquë yaꞌconapi.

Marcos 3:5

Co aꞌpanitohuachinarahuëꞌ, aꞌnaya aꞌnaya niꞌsarin. Co natantochináchinhuëꞌ cancantopi niꞌton, noꞌhuirë pochin cancantaton, co noyahuëꞌ niꞌnin. “Co nosoropihuëꞌ,” taꞌton, paꞌpi sëtërin. —Imiran iyasha ihuëquëꞌ, itërin. Ihuëhuachina, aꞌnaroáchin noyatërin.

Marcos 6:5

Co cancanëna quëran huarëꞌ natëpihuëꞌ niꞌton, co nanitërinhuëꞌ aquëtë huarëꞌ Yosë pochin nicacasoꞌ. Caraíchin caniaꞌpiroꞌsaꞌ sëꞌhuarahuaton, anoyatërin.