2 Pedro 3:4 - Chayahuita (Shahui)

⁴ “¡Maꞌpítacha nonama paya! ‘Oꞌmantararahuë,’ ¿itërinquëmaꞌ ti? Intohuasoꞌ Quisocristosoꞌ nimara, capa. Co oꞌmaarinhuëꞌ, tënai. Tatanënpoarinta ninarápirinahuëꞌ, nani chiminpi. Isoroꞌpaꞌ ninin quëra huarëꞌ inachachin inachachin nisárin. Co onporontaꞌ nisha tahuëri nisarinhuëꞌ,” tosapi.

2 Pedro 3:4 ပူးပေါင်းရင်းမြစ်များ

Génesis 19:14

Napotohuachinara, Notoso miꞌsënpita nicacaiso nipisopita shaꞌhuitacaso marëꞌ paꞌnin: —¡Manóton huëco paꞌahuaꞌ! Iso ninano quëran pipiaꞌahuaꞌ. ¡Siniorori iso ninano ataꞌhuantarin niꞌton, huëco paꞌahuaꞌ! itërin. Itopirinhuëꞌ, co natëpihuëꞌ.

Malaquías 2:17

Naquëranchin Sinioro shaꞌhuitaantarinquëmaꞌ: “Nonamaso natanatënquëmaꞌ, amiranquëma huachi,” tënin. Napoaponahuë canpitasoꞌ: “¿Maꞌta tënaisoꞌ natanaton Sinioro amirincoi?” toconamaꞌ. Napohuatamara, Sinioroso naporin: “Canpitaso nonpatamara: ‘Co noyahuëꞌ nipisopitantaꞌ, Yosëriso noya niꞌnin. Inapitanta yonquiaton noya cancantërin,’ tënamaꞌ. Napoatoma canpitasoꞌ, noyasáchin ninahuëso co natëramacohuëꞌ,” tënin.

Mateo 16:27

Yosë quëran quëmapico niꞌto, aꞌna tahuëri oꞌmantararahuë. Tatahuë huënaratërinso pochin cantaꞌ huënaratarahuë. Anquëniroꞌsapitarëꞌco oꞌmantararahuë. Naporoꞌ coisë pochin noꞌtëquën shaꞌhuitarahuë huachi. Noya nipachinaꞌ, noya acoarahuë. Co noyahuëꞌ nipachinaꞌ, anaꞌintarahuë huachi.

Mateo 16:28

Tëhuënchachin isoroꞌpaꞌ huaꞌanëntapo. Aꞌnaquëmaꞌ coꞌhuara chimiyantërasënquëmahuëꞌ, huaꞌanëntarahuësoꞌ niꞌsaramaꞌ, itërin.

Mateo 24:28

Maꞌsharoꞌsaꞌ chiminpachina, aꞌnaroáchin tamëroꞌsari huëcapairin,” itërin Quisosori. (Cristo oꞌmantahuachin, yaꞌipiya nitotapi, tapon naporin.)

Mateo 24:48

Nipirinhuëꞌ, inpriatonën co noyahuëꞌ cancantohuachin, tapon: ‘Patron huaꞌquirarin. Co aꞌnaroáchin huënantaponhuëꞌ,’ taꞌton,

Marcos 10:6

Napoaponahuëꞌ yaꞌnan piyapi nicapon, catoꞌ piyapiíchin Yosëri ninin. Aꞌna quëmapi, aꞌna sanapi, inaíchin ninin.

Marcos 13:19

Naporoꞌ tahuëriꞌsaꞌ piyapiꞌsaꞌ chini chiníquën parisitapi. Isoroꞌpaꞌ ninin quëran huarëꞌ co ina pochin parisichátërapihuëꞌ. Ina piquëraontaꞌ co onporontaꞌ ina pochin parisitaantarapihuëꞌ.

Lucas 12:45

Nipirinhuëꞌ, inpriatonën nisha cancantohuachin, tapon: ‘Patron huaꞌquirarin. Co aꞌnaroáchin huëntaponhuëꞌ,’ taꞌton, piyapinënpita ahuëapon. Cosonanënpitantaꞌ ahuëapon. Pita nicacasoáchin cancantapon. Noꞌpirápon.

Hechos 7:60

Ina quëran isonahuaton, chiníquën itantarin: “Tëparinacoso marëꞌ, ama Sinioro isopita anaꞌintëquësohuëꞌ,” itërin. Ina tosahuaton, chiminin.

1 Tesalonicenses 2:19

Naꞌcon yonquiatëinquëmaꞌ, nóya cancantërai. ¿Maꞌmarë chachintaꞌ ina pochin cancantërai? Imaramaꞌ niꞌton, Yosë yaꞌhuërinꞌpaꞌ canpitantaꞌ paꞌsaramaꞌ, tënai. Aꞌna tahuëri Sinioro Quisocristo oꞌmantararin. Naporoꞌ: “Quiyari aꞌchintërai niꞌton, imapi,” taꞌtoi, noya cancantarai.

2 Pedro 3:12

Oꞌmantacasoꞌ tahuëri noya ninahuaꞌ. “Manoton oꞌmantaꞌin,” taꞌtëhuaꞌ, noyápiachin cancantahuaꞌ. Ina tahuëri nanihuachin, yaꞌipi inápaquë yaꞌhuërinsopita pën quëran taꞌhuantarin. Piꞌi, yoqui, tayora, inapita soquiarin.

Apocalipsis 3:14

—Ina quëran ansiano Naotisiaquë yaꞌhuërinsoꞌ ninshitëquëꞌ nonchin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Noꞌtëquën nonato, noꞌtën nanan aꞌchintëranquëmaꞌ. Co onporontaꞌ nonpintëranquëmahuëꞌ. Yosë nohuanton, yaꞌipi maꞌsha ninahuë. Napoaton, yaꞌipi piyapiꞌsaꞌ natëinacosoꞌ yaꞌhuërin.