2 Pedro 2:21 - Chayahuita (Shahui)

²¹ Noꞌtën nanan nitotaponaraihuëꞌ, co imamiatopihuëꞌ. Nóya nicacasoꞌ aꞌchintopirinahuëꞌ, ina naniantopi. Co onporontaꞌ natanpihuëꞌ naporini, noya noya niitonahuëꞌ. Nani Yosë aꞌpopi.

2 Pedro 2:21 ပူးပေါင်းရင်းမြစ်များ

Ezequiel 18:24

Noya ninaꞌpinta noya nisarinso aꞌporahuaton, co noyahuëꞌ nininsoꞌ, noꞌhuípiro nininsoꞌ, inapita niantahuachin: ‘Onpopionta inasoꞌ, Siniorori nanpicasoꞌ quëtapon nimara,’ ¡ama tocosohuëꞌ! Noya nininsopita co huachi yonquiarahuëꞌ. Co casáchin cancantatoncohuëꞌ, oshahuaninso marëꞌ chiminapon.

Ezequiel 3:20

Aꞌna tahuëriso nipirinhuëꞌ, aꞌnaquën noya nicacaso noꞌquiponahuëꞌ, amirahuaton co noyahuëꞌ nisarin. Tënihuato cá quëran aꞌpotochináchin cancantarin. Inapoasoꞌ co quëmari shaꞌhuitohuatanhuëꞌ, chiminapon. Huaꞌqui noya nipirinhuë tërantaꞌ, co ina marëꞌ nichaꞌësarahuëꞌ. Oshanën marëꞌ chiminacaso yaꞌhuërin. Quëmaso napoaponahuëꞌ co shaꞌhuitëranhuë niꞌton, ina chimininsoꞌ, naꞌintarinquën.

Ezequiel 33:13

Aꞌna piyapi noya nininsoꞌ: ‘Quëmasoꞌ noya ninanso marëꞌ nanpipon,’ itërahuë. Inaso napoaponahuëꞌ, napotërahuësoꞌ yonquiaton: ‘Co anaꞌintaponcohuëꞌ,’ tosarin. Ina tëcaton co noyahuëꞌ niantarin. Napohuachin, iꞌhua noya nininsopita co huachi yonquiarahuëꞌ. Co noyahuëꞌ nininso marëꞌ chiminacaso yaꞌhuërin.

Mateo 21:32

Coansha Paotista pënënpirinquëmahuëꞌ, co yanatëramahuëꞌ. Noya cancantamaso marëꞌ aꞌchintopirinquëmahuëꞌ, co yanatëramahuëꞌ. Copirno marëꞌ coriqui maꞌpatonaꞌpiroꞌsaꞌ, monshihuanaꞌpiroꞌsaꞌ, inapitaso nipirinhuëꞌ aꞌnaroáchin natëtonaꞌ, noya cancantopi. Ina nicapomarahuëꞌ, co yonquiramahuëꞌ. Co natëtochináchinhuëꞌ cancantëramaꞌ, itërin.

Lucas 12:47

Aꞌna piyapinënsoꞌ patronëni shaꞌhuitopirinhuëꞌ, co yonquirinhuëꞌ. Noya nitotaponahuëꞌ, co natërinhuëꞌ. Co maꞌshanënpita noya tapatërinhuëꞌ niꞌton, chini chiníquën ahuihuitarin.

Juan 15:22

Co oꞌmato, aꞌchintërahuëꞌ naporini, co aꞌporinacoso marëꞌ oshahuaintonahuëꞌ. Nani aꞌchintopirahuëꞌ. Co natëtonacohuëꞌ, oshahuanpi niꞌton, Yosëri anaꞌintarin.

Juan 9:41

—Somarayanquëma naporini, co oshahuaintomahuëꞌ. Nipirinhuëꞌ, “co quiyaso somarayacoihuëꞌ,” tënamaso marëꞌ oshahuanamaꞌ. Ina marëꞌ Yosë anaꞌintarinquëmaꞌ, itërin.

Romanos 7:12

Yosë chachin pënëninpoaꞌ. Shaꞌhuitërinpoasoꞌ nóya. Noꞌtëquën nonin.

Gálatas 6:2

Yaꞌipinpoaꞌ aꞌna tahuëri maꞌsha onporëhuaꞌ. Aꞌna tahuërintaꞌ sopai yanonpintërinpoaꞌ co noyahuëꞌ nicacaso marëꞌ. Napoaton nicatahuahuaꞌ noya yonquicaso marëꞌ. Panca pëꞌpëto nicatahuarëso pochin catahuahuaꞌ. Inapohuatëhuaꞌ, Quisocristo natëarihuaꞌ. “Ninosorocoꞌ,” itërinpoaꞌ.

1 Tesalonicenses 4:2

Sinioro Quisoso aꞌchintërincoiso chachin shaꞌhuitërainquëmaꞌ, natanamaꞌ.

1 Timoteo 6:14

Ina yonquiaton, Quisocristo noninso chachin natëquëꞌ. Ama aꞌnapita pinocaiso marëhuëꞌ noꞌtëquën aꞌchinquëꞌ. Sinioro Quisocristo oꞌmantaquë huarëꞌ noya natëquëꞌ.

Hebreos 10:26

Quisocristo nanamën nani nitotërëhuaꞌ. Nitotarihuarahuëꞌ, naquëranchin naquëranchin co noyahuëꞌ nipatëhuaꞌ, aꞌpopisopita pochin cancantararihuaꞌ. Aꞌpohuatëhuaꞌ, co insontaꞌ nanitarinhuëꞌ oshanënpoaꞌ inquitinpoasoꞌ.

Santiago 4:17

Yosë yonquicamasoꞌ nitotapomarahuëꞌ, co yonquihuatamahuëꞌ, oshahuanaramaꞌ. Maꞌsona tërantaꞌ noya nicacasoꞌ nitotapomarahuëꞌ, co ina nipatamahuëꞌ, ina marëntaꞌ oshahuanaramaꞌ.

2 Pedro 3:2

Iráca noya pënëntonaꞌpiroꞌsaꞌ yaꞌhuëpi. Ninotonaꞌ, Yosë quiricanënquë ninshitopi, nani nontëramaꞌ. Naporahuaton, quiyantaꞌ Quisocristo pënënincoisoꞌ aꞌchintërainquëmaꞌ. Inasoꞌ nichaꞌësarinpoaꞌ. Caꞌtanoꞌsanënpitacoi chachin aꞌparincoi. Ama naniantacamaso marëhuëꞌ ninshitaranquëmaꞌ.

Judas 1:3

Carinquëmaꞌ iyaroꞌsaꞌ nosororanquëmaꞌ. Iꞌhuamiáchin yonquirahuë ninshitaꞌhuanquëmaso marëꞌ. Yosë anoyacancantërinpoasoꞌ noya noya yaaꞌchintopiranquëmahuëꞌ, apira nanan natantërahuë. Aꞌnaquënsoꞌ nonpin nanan aꞌchintarinënquëmaꞌ, natantërahuë. Napoaton pënënaꞌhuanquëmasoꞌ yaꞌhuërin, tënahuë. Quisocristo nanamën noꞌtëquën aꞌchintërainquëmaꞌ. Yosë nohuanton, noꞌtëquën ninshitërai yaꞌipi imapisopita nitotacaiso marëꞌ. Nani yaꞌipiya nanamën anitotërinpoaꞌ. Inasáchin natëtomaꞌ, aꞌnapitantaꞌ aꞌchintocoꞌ noꞌtëquën yonquicaiso marë antaꞌ. Ama piꞌpian tërantaꞌ nisha aꞌchintocosohuëꞌ, tënahuë.