2 Pedro 2:13 - Chayahuita (Shahui)

¹³ Piyapiꞌsaꞌ anishacancantopi niꞌton, aꞌna tahuëri inahuantaꞌ parisitapi. Isoroꞌparáchin yonquiatonaꞌ, capa cancantacaisoáchin yonquipi. Aꞌmorëso mancharinso pochin nicatonaꞌ, nitapicancanpi. Imaramasopita niyontonpatamara, “Quiyantaꞌ imarai,” taꞌtonaꞌ, yaꞌconpi. Nonpintatënënquëmaꞌ, ichicoshatapirinënquëmahuëꞌ, inahuasoꞌ co noyahuëꞌ nicatona taparoꞌ nipi.

2 Pedro 2:13 ပူးပေါင်းရင်းမြစ်များ

Romanos 13:13

Tahuëri nipachina, aꞌninquëchin niꞌton, noyasáchin ninëꞌ. Aꞌnaquënso nipirinhuëꞌ pitasachin paꞌyatopi. Naꞌa tahuëri nansarápi, oꞌosápi, coshatápi, noꞌpiápi. Ama pitasoꞌ paꞌyatocosohuëꞌ. Ama noꞌpicosohuëꞌ. Ama piꞌpisha tërantaꞌ nimonshitacamasoꞌ yonquicosohuëꞌ. Ama ninoꞌhuicosohuëꞌ. Ama aꞌna piyapi noyapatomaꞌ, noꞌhuicosohuëꞌ.

Efesios 5:27

Yaꞌipi imarëhuasopita noya noya acoinpoaso marëꞌ naporin. Co piꞌpian tërantaꞌ nëꞌhuëtërinso pochin cancantacasoꞌ nohuantërinhuëꞌ. Napoaton yaꞌipi co noyahuëꞌ yonquirëhuasopita inquitërinpoaꞌ. Noyápiachin cancan quëtërinpoa niꞌton, noya niꞌsarinpoaꞌ.

Filipenses 3:19

Inapitasoꞌ co Quisocristo nanamën imapihuëꞌ. Maꞌsona tërantaꞌ yanipachinara, nipi. Ina marëꞌ tapanacasoꞌ yaꞌhuëpirinhuëꞌ, co tapanpihuëꞌ. “Nohuantato, napoarahuë,” toconpi. Isoroꞌpaquë yaꞌhuërinsopitaráchin yonquipi. Aꞌna tahuëri pënquë parisitomiatapi.

2 Timoteo 4:14

Aricantëro huaꞌnaquë sacatërinsoꞌ chiníquën shaꞌhuirapirinco. Ina marëꞌ Siniorori anaꞌintarin.

Santiago 5:5

Isoroꞌpaquë nóya yaꞌhuëramaꞌ. Nani maꞌsha yaꞌhuëtërinquëmaꞌ. Capa cancantacasoáchin yonquiramaꞌ. Nani maꞌsha yaꞌhuëtopirinquëmahuëꞌ, Yosë anaꞌintarinquëmaꞌ. Ohuacaroꞌsaꞌ tëpacaso pochin nipon. Yatëparinsoꞌ co nitotatonahuëꞌ, coshatápirinahuëꞌ, tahuëri nanihuachina, aꞌnanaya huaꞌanëni huëcapairahuaton, tëparin. Inapochachin canpitasoꞌ noya yaꞌhuápiramahuëꞌ, aꞌnanaya ayaroꞌ tahuëri naniarin.

1 Pedro 4:4

Iporaso nipirinhuëꞌ imaramaꞌ. Aꞌnapita yanoꞌpihuachinara, amatopirinënquëmahuëꞌ. Co yanoꞌpihuatamarahuëꞌ, noꞌhuirinënquëmaꞌ. “¿Onpoatomataꞌ pita nipatëira, co yaniꞌnamacoihuëꞌ?” itatënënquëmaꞌ, pinorinënquëmaꞌ.

2 Pedro 2:15

Noꞌtën nanan aꞌporahuatonaꞌ, Yosë iranën quëran pëshonpi. Paramo pochin cancantopi. Pioro huiꞌnin inasoꞌ. Iráca pënëntopirinhuëꞌ, coriqui naꞌcon naꞌcon nohuantërin. “Nonpinacasoꞌ co noyahuëꞌ nipirinhuëꞌ, inapoato, naꞌcon canarahuë,” taꞌton, co noyahuëꞌ ninin.

Apocalipsis 18:6

Aꞌnapita aparisitopi niꞌton, noꞌtëquën anaꞌintacasoꞌ yaꞌhuërin. Naꞌcon naꞌcon iꞌhuërëtacasoꞌ yaꞌhuërin. Paꞌpi co noyahuëꞌ nipi.