2 Pedro 2:12 - Chayahuita (Shahui)

¹² Nisha aꞌchinaꞌpiroꞌsasoꞌ maꞌsharoꞌsa pochin cancantopi. Co mantaꞌ yonquipihuëꞌ. Maꞌsona tërantaꞌ yanipachinara, nipi. Yosë yonquirinsoꞌ co nitotatonaraihuëꞌ pinopi. Niꞌcoꞌ. Maꞌsharoꞌsaꞌ tananquë quënanpatëra, tëparëꞌ, co nosororëhuëꞌ. Ina marëꞌ Yosëri acorin. Inapochachin nisha aꞌchinaꞌpiroꞌsasoꞌ taꞌhuantapi. Oshanëna marëꞌ Yosëri anaꞌintarin.

2 Pedro 2:12 ပူးပေါင်းရင်းမြစ်များ

Marcos 7:22

Nitëhuananpitëramaꞌ. Paꞌyatacasoráchin cancantëramaꞌ. Aꞌnapita maꞌshanën noyaparamaꞌ. Co noyahuëꞌ ninamaꞌ. Nonpinamaꞌ. Nisha nisha co noyahuëꞌ ninamasoꞌ co yaaꞌporamahuëꞌ. Apiraramaꞌ. Pinotëramaꞌ. “Casoꞌ co aꞌnapita pochincohuëꞌ. Noya noyaco,” toconamaꞌ. Co yonquinahuanhuëꞌ ninamaꞌ.

Juan 8:21

Ina quëran itantarin: —Aꞌna tahuëri paꞌmiatarahuë. Naporoꞌ yonípiramacohuëntaꞌ, co quënanaramacohuëꞌ. Oshanëmarëꞌquëma chachin chiminaramaꞌ. Insëquësona paꞌpato, co canpitasoꞌ nanitaramahuëꞌ pacacamasoꞌ, itërin.

Gálatas 6:8

Inapochachin co noyahuëꞌ yonquirápatëhuaꞌ, co noyahuëꞌ nisarëhuaꞌ. Ina marëꞌ anaꞌintinpoasoꞌ yaꞌhuërin. Nipirinhuëꞌ, Ispirito Santo natëhuatëhuaꞌ, nani tahuëri catahuarinpoaꞌ noya cancantacaso marëꞌ. Ina quëran Yosëꞌpaꞌ noya nanpicontarihuaꞌ.

Colosenses 2:22

Co ina pochin Yosë pënëninpoahuëꞌ. Cosharoꞌ, maꞌsha, inapitasoꞌ co yaꞌhuëmiatërinhuëꞌ. Aꞌna tahuëri taꞌhuantarin niꞌton, co inapitasoꞌ aquëtëꞌ Yosë yonquirinhuëꞌ. Piyapiꞌsaꞌ inahuara yonquinëna quëran ina pochin nipënënpi.

2 Pedro 1:4

“Caora nohuanto, catahuaranquëmaꞌ noyápiachin cancantacamaso marëꞌ,” itatonpoaꞌ, naꞌcon catahuarinpoaꞌ. Oshanënpoaꞌ inquitatonpoaꞌ, anoyacancantërinpoaꞌ. Sopai yacamairinpoaꞌ co noyahuëꞌ nicacaso marëꞌ. Sopai natëhuatëra, monshihuanëꞌ, canacasoáchin yonquirëꞌ, co noyahuëꞌ cancantërëꞌ. Inapohuatëra, oshaquëran nitapicancanëꞌ. Quisocristoso nipirinhuëꞌ nichaꞌërinpoaꞌ. Apira apira ina yonquihuatëhuaꞌ, oshaquëran Yosë pochin cancantarihuaꞌ.

2 Pedro 2:19

“Co insontaꞌ natëcasoꞌ yaꞌhuërinhuëꞌ. Canpitaora nohuanton yaꞌhuëcoꞌ. Maꞌsona tërantaꞌ yanipatamaꞌ, nicoꞌ. Inapohuatamaꞌ, capa cancantaramaꞌ,” itopirinënquëmahuëꞌ, co inapita tërantaꞌ inahuara nohuanton yaꞌhuëpihuëꞌ. Sopai nohuanton, noꞌpipi, monshihuanpi, co noyahuëꞌ nipi. Insosona minsëhuachinpoaꞌ, huaꞌanëntërinpoaꞌ.

Judas 1:10

Nisha aꞌchinaꞌpiroꞌsaso nipirinhuëꞌ Yosë yonquirinsoꞌ co nitotatonaraihuëꞌ, tëhuapi. Maꞌsharoꞌsa pochin cancantatonaꞌ, co yonquipihuëꞌ. Maꞌsona tërantaꞌ yanipachinara, nipi. Inapoatonaꞌ, nitapicancanpi. Anaꞌintacasoꞌ yaꞌhuërin.