2 Pedro 1:8 - Chayahuita (Shahui)

⁸ Ina pochin Yosë pënëninpoaꞌ noya noya imacaso marëꞌ. Ina pochin cancantohuatamaꞌ, co topinan quëran imasaramahuëꞌ. Oshaquëran noya noya cancantohuatamaꞌ, noya noya Quisocristo nohuitaramaꞌ.

2 Pedro 1:8 ပူးပေါင်းရင်းမြစ်များ

Mateo 13:22

Aꞌnaquën piyapiꞌsantaꞌ nahuanoꞌ yaꞌhuërinso pochin niconpi. Yosë nanamën natanpachinara, yaimapirinahuëꞌ, maꞌsharáchin yonquiatonaꞌ, naniantopi. ‘Naꞌa coriqui, maꞌsha, inapita yaꞌhuëtohuachincoi, nóya cancantarai,’ topirinahuëꞌ, co ina quëran noya cancantacasohuëꞌ nipirinhuëꞌ. Napoaton nahuanoꞌsari imotërinso pochin, maꞌsharáchin yonquiatonaꞌ, Yosë nanamën naniantopi. Co imamiatopihuëꞌ.

Mateo 20:3

Ina quëran yono piꞌiriahuasoꞌ, cachiquë paantarin aꞌna sacatoroꞌsaꞌ yoniantacaso marëꞌ. Aꞌnaquën quënancoantarin.

Mateo 20:6

Iꞌhuaraya huarëꞌ naquëranchin cachiquë paantarahuaton, quëmapiꞌsaꞌ quënancoantarin. ‘¿Onpoatomataꞌ topinan huaniaramaꞌ? ¿Yaꞌipi tahuëri ipora co sacatëramahuëꞌ paꞌ?’ itoonin.

Mateo 25:26

Napotohuachina, co noya niꞌninhuëꞌ. ‘Quëmasoꞌ co noyanquënhuëꞌ. Chiroton, co natërancohuëꞌ. Co noꞌtëquën yonquiranhuëꞌ. “Co sacataponahuëꞌ canaran,” ¿itëranco ti?

Juan 15:2

Aꞌna sëꞌpaquën co nitohuachinahuëꞌ, nishitëtërin. Aꞌnaquënso nipirinhuëꞌ piꞌpian nitërin. Ina sëꞌparaꞌhuainpita piꞌpian niꞌquitërin naꞌcon naꞌcon nitacaso marëꞌ. Co niꞌquitohuatërahuëꞌ, co noya nitërinhuëꞌ.

Juan 17:3

Quëmasáchin Yosënquën. Isoroꞌpaquë aꞌpaimaranco. Piyapiꞌsaꞌ nohuitahuatënënquën, cantaꞌ nohuitohuachinaco, nanpimiatapi.

Juan 5:42

Nani nohuitëranquëmaꞌ. Co cancanëma quëran Yosë nosororamahuëꞌ, tënahuë.

Romanos 12:11

Ama chirotomarahuëꞌ, noya sacatocoꞌ. Yaꞌipi cancanëma quëran noya yonquiatomaꞌ, Yosë marëꞌ sacatocoꞌ.

1 Corintios 15:58

Napoaton iyaroꞌsaꞌ chiníquën cancantocoꞌ. Nosororanquëmaꞌ niꞌton, pënënaranquëmaꞌ: Ama nisha nisha yonquicosohuëꞌ. Naporahuaton, paatomaꞌ aꞌnapita aꞌchintëraꞌpiacoꞌ. Sinioro catahuahuachinquëmaꞌ, co onporontaꞌ topinan quëran aꞌchinaramahuëꞌ. Aꞌchinpatamaꞌ, Yosëri nohuantërinsopita imasapi huachi.

2 Corintios 13:5

Canpitaso nipirinhuëꞌ nitantiacoꞌ. Canpitaora yonquinëma quëran yonquicoꞌ. Aꞌnaquëmaꞌ co cancanëma quëran huarëꞌ imashatëraramahuëꞌ nimara. Yaꞌipi cancanëma quëran imapatamaꞌ, Quisocristo yaꞌcoancantërinquëmaꞌ. ¿Co ina nitotëramahuëꞌ ti? Aꞌnaquëmaso nipirinhuëꞌ co tëhuënchachin imamaranquëmahuëꞌ.

2 Corintios 8:2

Maꞌsha onpotohuachinara, chiníquën parisitaponaraihuëꞌ, noya cancantopi. Naporahuaton, piꞌpisha yaꞌhuëtopirinahuëꞌ, aꞌnapita imapisopita pahuantohuachinara, naꞌcon coriqui quëtopi.

2 Corintios 8:7

Canpitasoꞌ nóya imaramaꞌ niꞌton, Quisocristo natëramaꞌ. Naꞌcon nitotatomaꞌ, aꞌchinamaꞌ. Aꞌnapita yacatahuaramaꞌ. Aꞌchintëranquëmaso pochachin aꞌnapita nosoroaramaꞌ. Napoaton iporasoꞌ pahuantopisopita nosoroatomaꞌ, catahuacoꞌ, tënahuë.

2 Corintios 9:14

Yosë nohuanton, naꞌcon nosororamaꞌ niꞌton, inapitantaꞌ nosoroatënquëmaꞌ, canpita marëꞌ Yosë nontapi huachi.

Filipenses 1:9

Canpita marëꞌ ina nontërahuë. “Catahuaquëꞌ, Sinioro, noya noya ninosoroꞌinaꞌ. Quëma nohuanton, nanamën nóya nitochinaꞌ. Catahuaquëꞌ, Sinioro, noꞌtëquën yonquiꞌinaꞌ,” itërahuë Yosë nontato.

Filipenses 2:5

Noya ninicatomaꞌ, Quisocristo pochachin cancantocoꞌ.

Filipenses 3:8

Ina naꞌcon naꞌcon nohuantato, inasáchin yonquirahuë. Iráca cotioroꞌsaꞌ noya niꞌninaco. Huaꞌanoꞌsaquë huarëꞌ noya niꞌpirinacohuëꞌ, Quisocristo imapatëra, aꞌporinaco. Noꞌhuipirinacohuëꞌ, co ina yonquirahuëꞌ. Iráca yonquirahuësoꞌ amoro pochin nicato, co piꞌpisha tërantaꞌ nohuantërahuëꞌ. Quisocristo nohuitaꞌhuasoráchin nohuantërahuë. Ina nohuitacasoꞌ noya noya, tënahuë. Inasáchin huaꞌanëntërinco.

Colosenses 1:10

Catahuaquëꞌ Sinioro quëma nohuantëranso chachin niinaꞌ. Inapohuachinaꞌ, noya noya niꞌsaran. Catahuaquëꞌ noyasáchin niinaꞌ. Naꞌcon naꞌcon nohuichinënquën.

Colosenses 2:7

Niꞌcoꞌ. Maꞌsha shaꞌpatëra, itën acopoꞌ noꞌpaquë paꞌpachina, noya huanirin. Inapochachin canpitantaꞌ Quisocristo noya chinpitocoꞌ. Inasáchin yonquicoꞌ achinicancainquëmaꞌ. Nani iyasha noꞌtëquën aꞌchintërinquëmaꞌ niꞌton, yaꞌipi cancanëma quëran Quisocristo natëcoꞌ. “Yosë naꞌcon nosororinpoaꞌ,” taꞌtomaꞌ, nani tahuëri “Yosparinquën Sinioro,” itocoꞌ.

Colosenses 3:16

Yaꞌipi Quisocristo nanamën yonquirácoꞌ. Naꞌcon ina yonquicoꞌ. Noya nitotatomaꞌ, niaꞌchintocoꞌ, nipënëncoꞌ. Yosë cantanën nisha nisha nininsopita cantacoꞌ. Sarmo quirica nontatomaꞌ, inantaꞌ cantacoꞌ. Canpitaora yonquinëma quëraontaꞌ ocoirahuatomaꞌ, cantacoꞌ: “Ma noyanquëncha Tata niꞌton, catahuarancoi paya,” itatomaꞌ, cancanëma quëran huarëꞌ cantacoꞌ.

1 Tesalonicenses 3:12

Naꞌcon nosororainquëmaꞌ. Inapochachin canpita capinintaꞌ ninosorocamasoꞌ yaꞌhuërin. “Catahuaquëꞌ Sinioro noya noya ninosoroꞌinaꞌ. Yaꞌipi piyapiꞌsaꞌ nosoroꞌinaꞌ,” itërahuë, Yosë nontato.

1 Tesalonicenses 4:1

Iporasoꞌ iyaroꞌsaꞌ Sinioro Quisoso nanan quëtërincoi niꞌton, pënëantarainquëmaꞌ. Iráca pënënainquëmaꞌ noya nicacamaso marëꞌ. “Noya nipatamaꞌ, Yosë noya niꞌsarinquëmaꞌ,” itërainquëmaꞌ, natëramacoi. Iporasoꞌ aquë aquëtëꞌ natëtatomaꞌ, noyasáchin nicoꞌ, tënahuë.

2 Tesalonicenses 1:3

Iporasoꞌ iyaroꞌsaꞌ noya noya imasaramaꞌ. Cancanëma quëran huarëꞌ ina natëramaꞌ. Naꞌcon naꞌcon ninosororamaꞌ niꞌton, nani tahuëri “Yosparinquën,” itërai Yosë. Ina naꞌcon catahuarinquëmaꞌ niꞌton, ina pochin nontacasoꞌ yaꞌhuërin. Ina Yosë nohuantërin.

1 Timoteo 5:13

Aꞌnaquëontaꞌ topinan niꞌtaponaꞌ paꞌsápatonaꞌ, chiropi. Naporahuaton, maꞌtona maꞌtona nonsapi, pinotapi, co napocasohuëꞌ nipirinhuëꞌ.

Tito 3:14

Yaꞌipi imapisopitantaꞌ shaꞌhuitëquëꞌ noya niinaꞌ. Pahuantërinsopita catahuainaꞌ. Inapotohuachinaꞌ, co topinan yaꞌhuapihuëꞌ.

Filemón 1:6

Quisocristo imaton, aꞌnapitantaꞌ catahuaran imacaiso marëꞌ. Napoaton ina yonquiato, Yosë nontërahuë: “Catahuaquëꞌ Sinioro Quisocristo imaton, noya noya yonquiꞌin. Yaꞌipi ina yonquirincoisoꞌ nitochin,” itërahuë.

Hebreos 6:12

Ama amitomarahuëꞌ, naꞌcon Yosë yonquicoꞌ. Noya natëpisopita nonancoꞌ. Inapitasoꞌ imamiatapi. “Yosë noꞌtëquën nontërinpoaꞌ,” taꞌtonaꞌ, noya natëapi. Maꞌsha onpoaponaraihuëꞌ, noya ahuantapi. Iráca Yosëri shaꞌhuitërinso chachin ninapi.

2 Pedro 1:2

Yosë inaora nohuanton noya catahuainquëmaꞌ. Asanocancainquëmaꞌ. Noya noya nohuitohuatamaꞌ, noya noya cancantaramaꞌ. Sinioro Quisocristo nohuitohuatamaꞌ, naꞌcon catahuarinquëmaꞌ sano cancantacamaso marëꞌ.

2 Pedro 1:3

Quisocristosoꞌ chiníquën nanantaton, yaꞌipiya nanitaparin. Ina imapatëhuaꞌ, catahuarinpoaꞌ Yosë pochin cancantacaso marëꞌ. Ina Yosë anohuitërinpoaꞌ. Huëntonënquë nani ayaꞌconinpoaꞌ. Inasoꞌ nóya niꞌton, nohuantërin canpoantaꞌ inapochachin cancantacasoꞌ. Ina nohuitohuatëhuaꞌ, catahuarinpoaꞌ onporahuatësona noya noya chinotacasoꞌ.

2 Pedro 2:20

Quisocristo nanamën natanpachinara, natëpirinahuëꞌ. “Chaꞌësarahuë huachi,” taꞌtonaꞌ, co noyahuëꞌ yonquirinsopita piꞌpian naniantopi. Ina quëran nisha cancantatonaꞌ, Yosë aꞌpoantapi. Co noyahuëꞌ niantahuachinara, sopairi minsërin. Ina marëꞌ naꞌcon naꞌcon Yosëri anaꞌintarin huachi.

2 Pedro 3:18

Canpitaso nipirinhuëꞌ, Sinioro Quisocristoíchin yonquicoꞌ. Inaora nohuanton, nosororinquëmaꞌ niꞌton, nani tahuëri yacatahuarinquëmaꞌ. Inasáchin yonquihuatamaꞌ, oshaquëran noya noya nohuitaramaꞌ. Inasoꞌ nichaꞌësarinpoaꞌ. Yaꞌipi piyapiꞌsari chinochinaꞌ. Ayaroꞌ tahuëriquë huarëꞌ inasáchin yonquiaꞌahuaꞌ. Amen. Nani ninshitëranquëma huachi. Pitro