2 Juan 1:8 - Chayahuita (Shahui)

⁸ Niꞌcona nonpintochinënquëmaꞌ. Nani huaꞌqui Yosë imatomaꞌ, ina marëꞌ sacatopiramahuëꞌ. Inapita pochin cancantohuatamaꞌ, topinan quëran imapomaꞌ. Co Yosëꞌpaꞌ acanaarinquëmahuëꞌ. Nipirinhuëꞌ, yaꞌipi cancanëma quëran imapatamaꞌ, inatohuaꞌ Yosë noya noya nohuitatomaꞌ, yaꞌhuëmiataramaꞌ.

2 Juan 1:8 ပူးပေါင်းရင်းမြစ်များ

Mateo 24:4

—Niꞌcona iyaroꞌsaꞌ nonpintochinënquëmaꞌ.

Marcos 13:23

Canpitaso nipirinhuëꞌ niꞌcona nonpintochinënquëmaꞌ. Nani shaꞌhuitëranquëmaꞌ ama naporoꞌ tahuëriꞌsaꞌ nonpintinënquëmaso marëhuëꞌ,” itërin Quisosori.

Marcos 13:9

Niꞌcona canpitantaꞌ naniantotamaco. Aꞌna tahuëri masarinënquëmaꞌ. Imaramacoso marëꞌ coisëquë shaꞌhuirapiarinënquëmaꞌ. Cotio niyontonpiso pëiroꞌsaquë huihuiarinënquëmaꞌ. Imaramaco niꞌton, chirinchi huaꞌanoꞌsaꞌ yaꞌhuërinquëntaꞌ shaꞌhuirapiarinënquëmaꞌ. Ca nohuanto, inaquë quëpaarinënquëmaꞌ nanamëhuë shaꞌhuitacaso marëꞌ.

Lucas 19:19

‘Natëranco niꞌquëhuarëꞌ, quëmantaꞌ huaꞌan acoꞌinquën. Aꞌnatërápo ninanoroꞌsaꞌ huaꞌanëntaran,’ itërin.

Lucas 21:8

Napotohuachinara: “Niꞌcona iyaroꞌsaꞌ nonpintochinënquëmaꞌ. Aꞌnaquën huëcatonaꞌ: ‘Casoꞌ Cristoco. Yosë chachin aꞌpairinco,’ tosapi. Aꞌnapitantaꞌ nonpin nanan shaꞌhuirapi. ‘Nani tahuëri naniriarin, nitotërai,’ tosapi. Ama inapita imacosohuëꞌ.

Juan 4:36

Piyapiꞌsaꞌ aꞌchintohuatamaꞌ, Yosëꞌpaꞌ canaaramaꞌ. Noya noya nanpimiataramaꞌ. Catoꞌ piyapi sacatërinso pochin nisaramaꞌ. “Aꞌnasoꞌ yaꞌpirin shaꞌnin. Cayahuachina, aꞌnarintaꞌ manin,” topi. Napohuachina, catoꞌ aꞌchinaꞌpiroꞌsa chachin nóya cancantapi.

1 Corintios 15:8

Piquëran huarëꞌ cantaꞌ niꞌnahuë. Anaꞌhuaya pochin nipirahuëꞌ, inápa quëran yaꞌnotimarinco. Naporo huarëꞌ imarahuë.

1 Corintios 3:14

Noya nipatëhuaꞌ, tachiton quëran pëirinso pochin nisarëhuaꞌ. Inasoꞌ co huiquitërinhuëꞌ niꞌton, Yosë noya niꞌsarinpoaꞌ. Aꞌnapita catahuarëhuaꞌ noya imacaiso marëꞌ. Napoaton inápaquë acanaarinpoaꞌ.

1 Corintios 3:8

Shaꞌtërëso pochin carinquëmaꞌton aꞌchintëranquëmaꞌ. Aꞌnari iꞌshaquë oporapitërinso pochin Aporosëntaꞌ aꞌchintantarinquëmaꞌ. Catocoi chachin Yosë inpriatonën pochin ninai. Inpriatoroꞌsaꞌ sacatohuachinara, huaꞌanëni pahuërërin. Onpopinsona sacatohuachinara, noꞌtëquën pahuërërin. Inapochachin quiyasoꞌ Yosë marëꞌ sacatarai niꞌton, ina acanarincoi.

Gálatas 3:4

Imaramaso marëꞌ Ispirito Santo naꞌcon catahuapirinquëmahuëꞌ. Quisocristo naniantohuatamaꞌ, topinan quëran catahuarinquëmaꞌ. Napoaponahuëꞌ, co Quisocristo naniantaramahuëꞌ, topirahuëꞌ.

Gálatas 4:11

Noꞌtëquën iyaroꞌsaꞌ aꞌchintopiranquëmahuëꞌ, naniantëramaꞌ nimara, tënahuë. “Topinan quëran aꞌchintërahuë nimara,” taꞌto sëtërahuë.

Filipenses 3:16

Anitotohuachinpoaꞌ, ama topinan quëran natahuansohuëꞌ. Naꞌcon yonquiaꞌahuaꞌ natëcaso marëꞌ. Yaꞌipi cancanënpoa quëran huarëꞌ imahuaꞌ.

Hebreos 10:32

Yaꞌnan imaramasoꞌ tahuëriꞌsaꞌ yonquicoꞌ. Quisocristo nanamën aꞌchintohuachinënquëmara, noya natanatomaꞌ, imaramaꞌ. Ina marëꞌ parisitapomarahuëꞌ, co yaaꞌporamahuëꞌ. Noya ahuantëramaꞌ.

Hebreos 10:35

Yaꞌnan imapomaꞌ, noya imaramaꞌ. Ama iporasoꞌ yaaꞌpocosohuëꞌ. “Yosë naniantërinco,” ama tocosohuëꞌ. Chiníquën cancantocoꞌ Yosë nóya acanainquëmaꞌ.

Hebreos 12:15

Yosë inaora nohuanton nosoroatonpoaꞌ, yacatahuarinpoaꞌ. Aꞌnaquëniso nipirinhuëꞌ, co yatahuërëtopihuëꞌ. Inahuara yonquipisoáchin imatonaꞌ, co Yosë yonquicaisoꞌ nohuantopihuëꞌ. Ama inapita pochin cancantocosohuëꞌ. Co Yosëíchin yonquihuatamahuëꞌ, oshaquëran nitapicancanaramaꞌ. Ina quëran pënanin aꞌnaroáchin sëꞌcotëtërinso pochachin aꞌnapitantaꞌ atapicancanaramaꞌ.

Apocalipsis 3:11

Co huaꞌquiya quëranhuëꞌ oꞌmantararahuë. Ama naniantatomacohuëꞌ, imamiatoco. Niꞌcona sopai minsëchinquëmaꞌ. Ina minsëhuachinquëmaꞌ, co inápaquë canaaramahuëꞌ.