2 Juan 1:11 - Chayahuita (Shahui)

¹¹ Co Quisocristo natëtonahuëꞌ, co noyahuëꞌ nipi. Ama piꞌpian tërantaꞌ natanacamasoꞌ nohuantocosohuëꞌ. Canpitataquë nisha nanan aꞌchintohuachinquëmaꞌ, aꞌnaquën nonpin nanan imaponaꞌ nimara. Imapachinaꞌ, ina marëꞌ canpitantaꞌ oshahuanaramaꞌ.

2 Juan 1:11 ပူးပေါင်းရင်းမြစ်များ

Efesios 5:11

Aꞌnaquën tashi pochin cancantatonaꞌ, co noyahuëꞌ nipi. Topinan quëran yaꞌhuërapi niꞌton, ama inapita pochin cancantocosohuëꞌ. Noꞌtëquën shaꞌhuitocoꞌ co noyahuëꞌ nipisopita naniantacaiso marëꞌ.

1 Timoteo 5:22

Ansiano yaacohuatan, noya yonquiaton, oshaquëran acoquëꞌ. Aꞌnaroáchin acohuatan, co noyahuëꞌ nipachina, quëmantaꞌ naꞌianan. Noyasáchin niquëꞌ.

Hebreos 5:13

Soꞌsoquë huarëꞌ coshatërin. Canpitasoꞌ co noyahuëꞌ yonquiatomaꞌ, canopiaꞌhuaya pochin yonquiconamaꞌ. Co nanitëramahuëꞌ noꞌtëquën yonquicamasoꞌ.

Judas 1:23

Niꞌcoꞌ iyaroꞌsaꞌ. Maꞌsha pënquë anotohuachina, aꞌnaroáchin manëꞌ ama huiquitacaso marëhuëꞌ. Inapochachin piyapiꞌsaꞌ naꞌcon pënëncoꞌ ama parisitopiquë paacaiso marëhuëꞌ. Aꞌnaquënso nipirinhuëꞌ nonpin nanan paꞌyatatonaꞌ, co noyahuëꞌ nipi. Inapitantaꞌ nosoroatomaꞌ, pënëncoꞌ. Nipirinhuëꞌ, ama piꞌpian tërantaꞌ inapita pochin cancantocosohuëꞌ. Napopisoꞌ ama yonquicosohuëꞌ. Niꞌcona sopai minsëchinquëmaꞌ canpitantaꞌ.

Apocalipsis 18:4

Ina topachina, inápa quëran aꞌnari itërin: —Yaꞌipi imaramasopita pënënaranquëmaꞌ, natanco. Niꞌcona papironiaroꞌsaꞌ anishacancantochinënquëmaꞌ. Ina quëran pipiramaso pochin nicatomaꞌ, ama inapita pochin cancantocosohuëꞌ. Co noyahuëꞌ nipatamaꞌ, Yosë anaꞌintarinquëmaꞌ canpitantaꞌ.