2 Corintios 9:7 - Chayahuita (Shahui)

⁷ Yaꞌipinpoaꞌ canpoara nohuanton, quëtahuaꞌ. Onposona yaquëtohuachin, quëchin. Ama nisha nisha yonquiaꞌhuasohuëꞌ. Co apiquëran quëtacasoꞌ yaꞌhuërinhuëꞌ. Noya cancantatëhuaꞌ, quëtahuaꞌ. Ina pochin quëtohuatëhuaꞌ, Yosë noya niꞌsarinpoaꞌ.

2 Corintios 9:7 ပူးပေါင်းရင်းမြစ်များ

Isaías 32:5

Co noyahuëꞌ nipisopita naporo tahuëriꞌsasoꞌ, “noya quëmapi,” co itaponahuëꞌ. Apiroꞌsantaꞌ, co huachi noya nicaponahuëꞌ.

Isaías 32:8

Noya quëmapiso nipirinhuëꞌ, noya nicacasoꞌ yonquirin. Yonquirinsopita nipachina, co nisha nisha cancantarinhuëꞌ.

Hechos 20:35

Canpitantaꞌ nonanco. Sacatatomaꞌ, pahuantërinsopita maꞌsha quëtocoꞌ. Sinioro Quisoso noninsoꞌ yonquicoꞌ. ‘Aꞌnapita maꞌsha topinan quëtohuachinquëmaꞌ, noya cancantëramaꞌ. Nipirinhuëꞌ, canpitarintaꞌ nosoroatomaꞌ, topinan quëtohuatamaꞌ, noya noya cancantaramaꞌ,’ tënin Quisoso,” itërin Paonori.

Romanos 12:8

Aꞌnaquëontaꞌ nitotopi achinicancanacasoꞌ. Nitotohuatamaꞌ, noya cancantatomaꞌ achinicancancoꞌ imamiachinaꞌ. Aꞌnaquëontaꞌ ina nohuanton, coriqui, maꞌsha, inapita yaꞌhuëtopi. Aꞌnapita quëtohuatamaꞌ, ama piyapiꞌsaꞌ noya nicainënquëmaso marëꞌ quëtocosohuëꞌ. Yosë yonquiatomaꞌ, quëtocoꞌ. “Ina nosororinco niꞌton, carintaꞌ nosoroꞌi,” taꞌtomaꞌ, quëtocoꞌ. Aꞌnaquëontaꞌ ina nohuanton chachin, chiníquën nanan yaꞌhuëtopi. Ansianohuë nipon, huaꞌanhuë nipon yaꞌconpatamaꞌ, ama chirotomarahuëꞌ, noya pënëntocoꞌ. Noya noncoꞌ. Aꞌnaquëontaꞌ ina nohuanton, caniaꞌpiroꞌsaꞌ, saꞌahuaroꞌsaꞌ, inapita catahuapi. Inapita nicapomaꞌ paꞌpatamaꞌ, noya cancantatomaꞌ, catahuacoꞌ.

2 Corintios 8:12

Yaꞌipi cancanëma quëran quëtohuatamaꞌ, Yosë noya niꞌsarinquëmaꞌ. Co naꞌa coriquihuanpatamahuëꞌ, Yosë nitotërin. Co nanitëramahuëꞌ naꞌa quëtacasoꞌ. Co apiratomahuëꞌ, piꞌpian tërantaꞌ quëtohuatamaꞌ, noya niꞌsarinquëmaꞌ.

Filemón 1:14

Isëquë quëparitacasoꞌ nohuantopirahuëꞌ, co quëma nohuantomaranhuëꞌ taꞌto, aꞌpataranquën.

Santiago 5:9

Ama piꞌpian tërantaꞌ iyaroꞌsaꞌ ninoꞌhuicosohuëꞌ, Yosë anaꞌintochinquëmaꞌ. Niꞌsárinpoaꞌ. Co huaꞌquiya quëranhuëꞌ oꞌmararin anaꞌintinpoaso marëꞌ.

1 Pedro 4:9

Ama apiracosohuëꞌ. Niꞌtoroꞌsaꞌ huëꞌpachinaꞌ, noya nontocoꞌ. Noya cancantatomaꞌ, aꞌcacoꞌ, ahuëꞌëtocoꞌ.